是否已完成生活費？

uukth

6月頒 琴日已傾生活費 簽左名。係咪應該唔會再生後續？乖乖過4年就可以？
分享埋琴日見外判，由頒令到琴日都緊張到長期胃痛，加上比間g記日日煩我手提同公司電話，公司同屋企人都收到收數信。琴日終於完成傾生活費？？ 上到去，有位小姐第一句就問我有冇保險要keep？我驚訝話可以keep？？佢話可以轉名。 因為我早左到，都等左成粒鐘，我前面仲有3個，去到我時，無逐條數問去向（我連銀行月結單都無帶），仲好語氣心長話咁後生做咩借咁多錢呀唉，好似為自己仔女咁， 最後我寫既野全部批 上繳金額都係比我接受範圍再低，因為借既數都大，佢話少少都要上繳，就是但加加減減出個數出黎（仲補充句搵唔過依家個金額就打黎免上繳個期），問我無問題就簽名。個位小姐真係好nice 幫我諗好點樣會批足批多啲。希望黎緊4年順順利利。祝大家準備傾生活費既都有個好結果。

Cs618

師兄搵幾多批幾多？

Anmi2019

保險都可以轉名？有紅利果d轉咗會當資產轉移喎。有無同佢講g記追46a？

從新做人1000

6月頒令唔夠一個月就傾咁好，恭喜你。好多人等幾個月都冇消息幾時傾，仲擔心咁，你抽到支好簽

Lee1234

你外判邊間

鐵男

咁好，恭喜曬

抬起頭

恭喜
不過遇到邊間外判咁好

金龍華

保險可以 keep，吹大咗啩

心急人上上

真係有冇咁好！！！係的話。。。我真係好羡慕。

心急人上上

跟邊間外判？每月要交幾多？

uukth

Cs618 發表於 11-7-2024 09:51
師兄搵幾多批幾多？

2萬1 批19300 因有小朋友供養 批得比較鬆手。

uukth

Anmi2019 發表於 11-7-2024 09:53
保險都可以轉名？有紅利果d轉咗會當資產轉移喎。有無同佢講g記追46a？

之前追post都見有師兄講過有關轉名問題，但我兩份保都係醫療 其實一份有幾千紅利成份 佢話只要拎返啲紅利出黎上繳 就可以轉返持有人名照供。 有講46a問題，講完佢都好無奈，話從無接觸過有債權人咁講。叫我同對方講佢需要就自己填返fax比我受托人（即佢地永x）…

uukth

我外判左比尖東 永x會計 (之前有師兄話過依間係最近開始改為由收文件變為外判) 岩岩收到信跟佢時都有上黎問過大家，但無咩回應。可能好新！

patleung

uukth 發表於 12-7-2024 08:26
2萬1 批19300 因有小朋友供養 批得比較鬆手。

師兄只供養小朋友？
太太有無工作？
租金幾多？

uukth

補充少少 因為全保險嗰度其實未實批 主任話要睇返個紅利係咪可以提取再轉名，所以等通知。

uukth

patleung 發表於 12-7-2024 09:06
師兄只供養小朋友？
太太有無工作？
租金幾多？

原本有問我洗唔洗供養父母，我睇依度大部未過65都唔批，所以一開始都無填，另一半報待業，因小朋友學習+膳食+醫療都批左近1萬，租水電煤屋企上網雜費4000，自己膳食交通電話費加埋只有5000多。本身想寫供養另一半4000（唔批）叫我減左去 上繳少少。

從新做人1000

跟到好外判都幾好。我地跟石/李周就慘啲。其實都唔知咩準則要開大會，應該係欠某啲財仔就會要開債權人會議，請問你破之後大約欠幾多錢？利申，我欠80個

YY2023

師兄你就好，我跟外判石仔上年8月頒令，差唔多一年都未傾生活費

uukth

從新做人1000 發表於 12-7-2024 12:32
跟到好外判都幾好。我地跟石/李周就慘啲。其實都唔知咩準則要開大會，應該係欠某啲財仔就會要開債權人會議 ...

我欠80幾…..

uukth

YY2023 發表於 12-7-2024 13:39
師兄你就好，我跟外判石仔上年8月頒令，差唔多一年都未傾生活費

我都唔知點解咁快 上去初見就即刻比埋生活費！我仲乜單都無 佢話後補就得