三十未到，欠債百萬，應該點做？

哈哈大笑很奇妙

TU上顯示本金連息一百萬多少少其實大部分原本都供得好地地，本身月入六萬雖然大洗吃力但都仲算供得起
銀行+財務P LOAN+信用卡十二條，絕大部分都供/用咗超過兩年或以上
之前衰加密貨幣成份儲蓄無哂，仲要公司裁員失業，依家搵返份工但收入已經大不如前，得返萬幾蚊/月。
現在所有貸款已經最少疊兩期/已交收數，根本現在收入完全供唔掂。
好多人都建議我申請破產一了百了，但我心有不甘，唔想因為咁而破產留下一個印記，始終破產呢個紀錄會令有唔少事情做唔到
現在我大部分已經最少疊兩期/已交收數，我見有d師兄話可以寫封信/聯絡收數，列明哂還款方案去傾
有啲銀行可能可以本金+比較低息分十年八年還
始終入債還錢天公地道，我真係好想去處理好佢，就要長命債都好起碼都有完結的一天

請問有冇師兄/有相關經驗的朋友可以分享做法，真心求教，謝謝

Carman1216

冇得話心有不甘，係攪唔掂就要承認同面對

sosadnow

唔係潑你冷水，你而家搵萬幾蚊，根本好難供得掂，舉手後你唔洗擔心收數或其他，我之前只欠30幾個，但供唔掂就係唔掂，舉手後反而輕鬆左

Yuyuyuu

銀行數或部分一線係可以傾攤長黎玩，但你而家得萬幾蚊人工，就算每月100%拎晒黎還，計埋息還10年你都唔夠還啦。條數計唔掂喎。一百萬就算肯俾你分十年八年，每月至少都要還萬5至萬8啦。

哈哈大笑很奇妙

Yuyuyuu 發表於 6-12-2023 23:03
銀行數或部分一線係可以傾攤長黎玩，但你而家得萬幾蚊人工，就算每月100%拎晒黎還，計埋息還10年你都唔夠還 ...

多謝你意見，因為TU上顯示既數有幾間都連息所以顯示一百萬開頭，但其實好大部分都供咗年幾兩年，實際欠既本金唔係話當時咁多，我可以做多份兼職同埋之前會加人工/轉工收入都會多返。雖然呢啲後話啦，但最起碼想知道我依家咁樣疊哂期/交哂收數係咪都仲有得同佢地傾呢？日日都有收數打黎/留言我都冇聽過冇覆過...

Yuyuyuu

銀行就一定有得傾，財仔就要一線先有，但唔一定肯

Yuyuyuu

但你呢刻交唔到入息證明，銀行都唔會信你，你要交份收入開支表俾佢地，話佢地知你每月可以還到幾多，等佢地批，但你而家份糧根本還唔起，點批。

哈哈大笑很奇妙

Yuyuyuu 發表於 6-12-2023 23:19
但你呢刻交唔到入息證明，銀行都唔會信你，你要交份收入開支表俾佢地，話佢地知你每月可以還到幾多，等佢地 ...

唯有試吓啦無辦法，入息證明我有，收入開支表係咪要列明哂每一間要找幾多錢咁樣？
避咗兩個幾月，我依家叫有個方向去做...

Yuyuyuu

哈哈大笑很奇妙 發表於 6-12-2023 23:22
唯有試吓啦無辦法，入息證明我有，收入開支表係咪要列明哂每一間要找幾多錢咁樣？
避咗兩個幾月，我依家 ...

係，不過間間唔同。你直接聯絡銀行，佢會教你做，俾form你填，你按住佢份form填就得。不過你拖左佢數，佢可能要你找返呢兩期先。

CEEPO

十二條跟本唔洗諗，人地打開門做生意，個個都有得傾，你估佢地係開善堂，早D面對現實申破吧，到時越拖越多期你就會後悔點解唔早D舉手。

哈哈大笑很奇妙

Yuyuyuu 發表於 6-12-2023 23:26
係，不過間間唔同。你直接聯絡銀行，佢會教你做，俾form你填，你按住佢份form填就得。不過你拖左佢數，佢 ...

明白，我試試同銀行方面聯絡，謝謝你的意見，佢要我找我都冇錢找...
唯有同佢慢慢傾

CEEPO

同嘛呢度舉手所有人，有邊個唔係心有不甘，重點你還唔掂條數，打後爆鑊追數殺到嘛身，到時就真係唔方唔金！

301

破硬啦，
月入六萬又如何，欠款逾十六倍已上，
誰保証未來幾年你收入一樣穩定？（後睇清楚原來現在得萬幾一個月添）
使逾百萬咪已經係“烙印”咯，
有前印就會有後破產印，
憑乜與金融機構“傾”，你邊有籌碼？
快決定舉手啦。

a981142

面對現實啦,無錢傾咩都係空口講白話

John2628

樓主你情況係冇力還錢，你搵到人工扣除生活費還廿年都未必完成。銀行一定唔會接受你重組，你不如接受現實。一係你移民離開香港。

antonyking

傾條鐵咩，咁多條數你傾得幾多間？早早入學，重新做人，感謝香港有得破產，四年後又一條好漢，個個都老破都唔甘心啦，早早面對現實吧啦！

zombie

你之前做咩

zombie

可能你諗住遲啲搵得返6萬，供4萬2年就還曬，但現實係你而家搵萬幾，扣埋生活費，銀行批唔到俾你攤長嚟還，反而會即call loan……似乎唔想入學只有2方法，1搵得返6萬人工，2屋企人幫