求救

Minnie91

大家好 本人是家庭主婦 想問問我近3-4年不停卡come卡找數 欠大約50-60萬卡數 分6-7張卡 每月也過澳門碌碼 賭淨就用黎找最低還款 但先生每月約比20000家用我 有時唔夠找最低還款就可以問佢拎 7-8月份前家人借了30萬左右我找卡數 我找完又手痕過澳門碌卡輸番20萬 10月頭輸的 因唔想先生知 我之後打去痕生話就黎無錢找最底還款問佢有無得分期 （當時一心想分期）無諗破產的 痕生話我無入息做唔到 我話做唔到我就要破產 想博佢比我分期 但都係唔成功 當時我打晒去所有信用卡問自己欠幾錢 仲有幾多信用額 心想拎多20萬過去博下 填番條數 點知澳門碌到既卡得番8萬 有d平時唔用既AE 卡 銀通卡 加埋碌到12萬 我張果12萬去左周xx買金 之後去澳門碌埋8萬 博一博 就已經係10月中既事 結果10賭當然...輸晒 本來一路都係找緊最低還款 都係唔想破產的 因有小朋友 怕影響小朋友 所以先生叫我唔好破產 但不幸哥哥11月中腦出血中風入左院 情況嚴重 半邊身郁唔到 又要住院費 又要針灸 加上媽媽又無做野照顧哥哥 我先生比我既錢找得卡數就無錢比哥哥醫病 想問問樓主同各位大大 我現在可否申請破產？

Minnie91

補充：因扒文見到破產前碌卡會比人告 10月11月12月我也有找最低還款 每月約20000幾 因之前無諗碌產 所以仲有用花仔銀行八達通自動增值搭車加超市買野

hohochi

我諗妳首要係唔好再賭 妳D數大多數都係過大海碌碼賭破產問題應該不大
妳唔係做生意賭輸破產唔係犯法
係果12萬金飾可能要交代去向

alan1alan

你冇做生意, 賭錢輸左唔使上身, 但你都係以後唔好去賭了....

老破是個人事務, 跟你先生沒有關係....

好奇一問, 你沒有收入如何借貸借到70個?

cl475867

除咗破，都冇第2個選擇

Minnie91

12萬金都係澳門賣埋了 因以前做野都搵3-4萬一個用 但生左女女後無做野 做左家庭主婦 可能因為呢幾年個個月都有過大海碌碼 又月月清全部卡數 銀行自動加我信用額 所以有70-80萬信用額

Minnie91

現在女女番學放學煮飯都係我湊 因為沒有家人同住 加上又要經常出入醫院 現在已經無賭亦都無錢再賭 因哥哥使費很多 現在只是怕破產會比銀行告 所以唔敢申請 只為好驚有事好女會無人照顧 所以問緊家人借錢找數

peterlaw71

我跟樓主情況很相似，也是過大海賭輸了，要走上老破這條路，不過真的不要再賭了，我也知道很難的，曾經用8千，贏15萬，那種感覺還常在呢，但輸的時候，一吹十萬8萬也實在太容易了，所以樓主真的不要再賭，大家一起努力。（我正在等頒令）

Minnie91

以前做野搵3-4萬一個月 加上咁多年都有過澳門碌碼 又月月清卡數 信月額自動加大左 只是生左女先做左家庭主婦

flypig

1 照計老破問題不大.
2 12萬買金,賣左再輸哂可能俾人Challenge.
3 我估,你應可以過關.但會不斷俾人質疑與盤問. 總之就沉著應戰. 俾人盤就心慌慌,但不了了之多!!!

你呢個時候,得閒就盡SAVE 銀行的BANK STATEMENT, 最主要係CREDIT CARD.
到時俾人盤都可以慢慢砌條數出黎....

Tomhanks

比人問就梗。不過唔破還有路走嗎？

largelarge

全銀行數，如沒物業，老破係明智之選，但一定要戎賭。戎賭比還債更重要。

bill0828

只有破產實際啦，法律是公正，如果你說的都是事實，就直接和法官解釋，法官接受就可以。
像你這樣6C是不會接的，要你自己去申請破產。

peterlaw71

bill0828 發表於 3-1-2017 18:55
只有破產實際啦，法律是公正，如果你說的都是事實，就直接和法官解釋，法官接受就可以。
像你這樣6C是不會 ...

我的情況跟樓主相似，我是兩年內不斷到澳門賭錢，最後只有老破，我是經律師申請老破的，現在等頒令，樓主其實大可放心，如樓主沒有公司，被告的機會不大，我問律師時，律師也很官腔的說是有機會告的，但跟著就補一句也要看案例的（少子又少），看律師的表情及語氣，我就放下心頭大石。
所以樓主大可放心在申請老破！

Minnie91

好的 thanks

Minnie91

Peterlaw 可以詳細講講你的情況給我參考嗎？

Minnie91

剛爬文見到你個post 了

Minnie91

Flypig 有時間既麻煩你解答下我以下幾個問題

Minnie91

1 破產成功機會大 哪給銀行告的機會大嗎 2 我先生每月都有比家用我 破產要上報嗎 會否從家用中扣除生活費還給銀行

Minnie91

3 因我哥哥11月中腦出血中風入左院 醫生說情況嚴重 黎緊幾年都不能工作 現階段或破產後 我可否幫哥哥付醫院住院費和針灸費？煩請解答