準備申破，有關在內地定居問題，希望各位師兄師姐解答

hsbc903

小妹已錄爆幾張信用卡，無力賞還，準備申破，我嘅信用卡嘅註冊地址係我朋友香港地址，我再用郵寄轉遞到郵政信箱, 我幾年前已經離開香港在內地生活，但收入不穩定，並用永久離港為由已取走所有MPF, 請問我申破時應該怎樣解釋我的MPF 狀況呢？

如上，我已不在香港定居，但我可用朋友香港地址，請問我申破時我應該填寫我朋友的香港地址還是坦白填寫我在內地生活呢？

我在內地有收入，但不穩定，亦無任何收據可尋，如果我填寫我收入是零，請問以各位經驗，在內地生活並零收入可信嗎？


小妹已無任何現金申破，但發現有餘下保險及小量基金，取消後用來作申破之用，請問這算是違法資金轉移嗎？


小妹望各兄弟姐妹逢凶化吉，否極泰來!謝謝各位師兄師姐幫忙回答

Alex2233

Mpf有就填冇就冇，不需過度解釋，問你就照答：以前打算永久離港發展提左，
如果提取時期距離現在申破好耐，就更無衝突

申破地址，盡量簡單化
你可以係同友人住，視你為租客
而你又有香港新份證，你可以填果個地址，
可以頒令後再通知破署，你回大陸正式生活

至於收入，前提係：一有收入就應該報，
好死板，你走私，做雞做鴨，黑錢，現金定過戶，邊到搵番黎，點樣搵番黎，理論上就要報齊

至於你在什麼情況下搵錢，佢有沒能力查核，不作詳談，你成年人有自己思維


假設你在內地，真係失業等人養，全部寄人籬下
填0收入，而支出由朋友/親人亦無問題，法例沒阻止你失業

拎基金保險申破：無問題，本身係你財產，少少地就更加好，申破完都冇淨餘，唔會被追討餘額

但係：就唔好再碌卡申破，始終唔合法（基於打算破產後不應作任何借貸/透支）

hsbc903

多謝Alex2233咁快就答到我

hsbc903

話說小妹有小量退還保險和基金用作申破 6C 費之用，本已在退款程序，因追數公司實在太兇，逼不得已明天約了 3 姓6C 開始申破手續，6C 問我有沒有保險和基金，我說沒有，6C 還叫我帶銀行卡去，我想問各位，去了 6C 後，銀行account 是不是會被凍結，那我的保險和基金支票怎辦呢？

bill0828

如果賬戶不是你欠債銀行，是不會那麼快凍結。
主要你這樣做已經資金轉移了，那是有問題，很大機會被起訴。

hsbc903

謝謝回覆，所以你覺得我應該坦白告訴 6C 我有支票在途中？這樣會不會拖慢了我申破的時間呢？追數追得很緊

bill0828

如果你告訴了6C，他們就不會接你CASE。他們會告訴你5年内不能做破產。
這2筆金額有多少？

hsbc903

餘下保險及小量基金加起來還不夠交 6C 費，當初是想用餘下的，再加小小現金，來交 6C費.

bill0828

金額不大就按你想法去做，很大機會頒聆前都要你解釋，做好心理準備。
還有之後交文件，要把國內地址寫上去。如果長住應該要你提供住址證明。

Alex2233

你想唔拿野就唔好破住，
等所有保險基金，成功入戶後，完結晒個提取程序，再去申破

基金本來是你財產，你點用都得，你可以用黎生活消費，因為你無業，用到乾塘，再申破無問題
但如果一到手後，用都唔用，就轉移筆錢、再申破，咁就犯法，
唔理你用咩手段美化個轉移過程，就有風險，自己承擔，
除非你永遠離開香港

老老實實，總共提取晒有幾多？兩三萬樓下就唔洗杞人憂天
你申破時都用萬幾，淨番萬幾只夠生活費、明顯地唔會有淨，亦都沒有追討的空間

除非你筆錢加埋有十幾廿餅，
咁你用果一萬蚊申破完，其餘十幾萬再提晒現金，過晒落大陸朋友戶，咁就梗係出事

不過點解你而家連支票都未拎到？
都有錢申破？你係咪大把貨係手


但呢d野我唔過問咁多
好多老破者，仲會有撈，拎去二叔公到

hsbc903

多謝 Alex 好詳細嘅回覆，我唔可以唔破啦，追數公司追得好緊好緊，已經影響到屋企人。所以明知兩筆錢到唔切都要申破，其實兩筆錢加埋就係萬五，本來諗住黎俾6C 費，而家落空了，仲諗緊之後點俾6C 費，聽日俾左兩千蚊訂先算，仲有小小錢因為變賣左小小自己野，頂得幾多得幾多，不過而家好擔心點樣解釋保險已經退保不過支票未到呢個位，如果佢一定要我收到張支票先肯同我做，咁我就大鑊啦，而家真係渡日如年！

YANNY

我都係咁，我律師只講，呢一刻係取消左就得，之後支票就入到就入，入唔到就頒令後揾主任，因我失業，做生活費，我係8000幾蚊

hsbc903

Yanny,  我想問係唔係第一次見 6C 就要諗好生活有咩費用？

hsbc903

我想問多各位一個問題，希望大家俾吓意見或答案。因為我只前衰太懶太無知，過左min pay 兩個月都唔做申破，結果銀行俾左追數公司追，仲搞到屋企人。。。。咁我而家就急急忙忙搞申破，請問由見6C 之後會發生咩事，我幾時先可以有一個number 定銀行和追數公司唔好追我？我睇過申破程序但唔係好明。希望有高手指點

Alex2233

咁你都係要等埋張票先，冇齊15000無律師會同你做

未入紙一定照追，所以，唔好諗錯，你既情況無得簡，要果15000到手才能申破

仲有，入票果陣唔好用有仇口既銀行，否則比人強行扣數，15000冇埋都唔出奇

你而家要做既，去間冇欠錢既銀行，開個新戶口，15000張票一到手，即刻搞破產，搞完你都冇錢淨，亦唔洗多諗會有乜野上身

hsbc903

Alex2233 發表於 24-5-2016 00:56
咁你都係要等埋張票先，冇齊15000無律師會同你做

未入紙一定照追，所以，唔好諗錯，你既情況無得簡，要果1 ...

Alex哥，我唔等啦，聽日約左去6C 到，先交兩千訂先，佢話到宣誓再俾埋尾數，到時我變魔術變法術都要變條尾數出黎。如果要等果兩張支票，起咪一個月，我一日都等唔到啦。

Alex2233

你有辦法變到萬幾出黎，咪最好囉，可能你根本有貨、扮晒野

冇15000就肯定冇律師做，因為有9045係政府收你的

至於你真係變到啦，入左紙，之後果張15000蚊既票到左手，用作生活費，亦唔大問題，15000只係一個平常人個幾月既洗費.....


不過就要而家做定野：入紙前開定個永燶戶口（假設你冇欠佢）
咁等緊頒令的途中，張票到手，就可以入落呢個永燶到，再提出黎作日常生活費，

如果張票慢到頒令後先到手，就未必可以用架啦，破署可能要你全張嘔番出黎！
總之張票唔想蝕，真係越快到手越好

至於頒令後，交完初步問表，再開始你既內地新生活吧....

hsbc903

Alex2233 發表於 24-5-2016 01:21
你有辦法變到萬幾出黎，咪最好囉，可能你根本有貨、扮晒野

冇15000就肯定冇律師做，因為有9045係政府收 ...

Alex哥，先唔好討論張支票，我想知吓由聽日我去見6C,大概有咩程序我同屋企人先唔會俾追數公司煩？

Alex2233

唔洗諗，見律師都冇用，你連紙都入唔到，
債主一定煩你，無人幫到你

入左紙，只要係大銀行，就多數收歛

你要諗既，係點樣盡快入紙，
律師是廢的，似文員仔多過律師，佢只係收多你五千蚊：幫你填表、慳你腳骨力唔洗上金鐘等頒令，
唔好以為睇tvb咁幫你打官司，破產案係99.9%不用同法官對答

就算你搵律師得出的意見，亦隨時少過你在此論壇問番黎（收得你五千蚊、幾百單case，幫極你有限）

而家最幫到你既，就係港幣9045大元
只要有9045，明早一個人上金鐘都可以有申破number，咁大銀行就會收檔（2、3線多數頒令才收檔）

hsbc903

啊。。。。。其實一開頭我都煩究竟揾律師搞定係學你哋高手咁自己搞，但係每次追數公司打電話黎個人就好亂，又怕俾小左文件法庭，加上其實我係大陸時間比較多。所以有朋友題意不如揾三姓6C,結果就約左聽日。