業主貸款

pcp

想問各位師兄，居屋未補地價，同前妻聯名，頭按供緊恆X，自己做左個單邊業主貸款， 自己無能力出去租房住 ，都係同前妻、女兒住响呢個單位，破產後個單位係咪保唔到， 因為聽到唔同講法，有話半邊業權會被破局釘契， 又有話財仔可以將整個單位攞去買，佢兩母女諗住自住，點都唔肯買，財仔同破局是否一定會要佢買呢?佢有冇得選擇呢，因為佢都有一半業權，搅唔清楚， 望各位師兄賜教

flypig

以前，只釘契。
宜家無得搞，會拎去拍賣。我唔知層樓供完未？
有種情況係，你供完先拍賣，咁仲死。

flypig

http://hkiva.org/forum.php?mod=viewthread&tid=14310

samam2015

你自己名下半邊業權由破產一刻已經俾破署釘契, 所有物業轉讓買賣都要經過解釘之後先至可以進行, 由於物業仍在供款, 所以不能斷供, 斷供的話銀行即可按條款收樓, 因層物業已俾破署落了釘, 銀行收樓拍賣定必驚動破署, 到時物業拍賣後半層樓價的餘額, 扣除未供樓按餘額、扣除破署及銀行所有費用後(費用由你一方負責), 餘款會付予你前妻名下。若你層物業仍然按時有供樓的話, 除非破署申請強制拍賣, 一般銀行財務都唔會攞去拍賣, 因為你係俾緊利息佢地賺, 而樓契亦係佢地手上, 又已俾落釘, 你插翼也難逃(但破署強制賣樓除外, 而銀行財務亦有權單方取消樓宇按揭)。至於佢兩母女諗住自住，點都唔肯買，財仔同破局是否一定會要佢買呢? 這個無人敢講會唔會發生, 但破署近年不斷出信要求另一半業權人購買破產者的一半物業, 否則會向法庭申請拍賣變現或依法收取該物業市值租金, 拍賣物業時歸破署, 亦係迫另一半業權人要想辦法解決並回購業權。