頒令前要解釋

redcat

原本10／5頒令，我係上年8.9月拎返強積金十萬，保險4萬幾，岩岩律師打黎話收到信，法庭要我解釋尼兩筆錢去去邊...當時有11萬拎左去還錢有單據，有4萬還返俾朋友，個時侓師話唔可以還俾朋友，叫我係入紙前申請前砌返數。叫朋友過返4萬俾我先再禁返俾我朋友，當個時我係借俾佢，現在佢還返俾我......
點知尼家收到信要解釋，又話我朋友係3月尾過得太多俾我，一個月好難用到幾萬，又話我有機會之后俾破產局追返啲....
尼家要解釋mpf 同保險額外又要俾4.5千律師，佢地仲話有機會10／5頒唔到要延期又要再另收錢。救命.....咩都係錢，
各位諗住申破嘅朋友，真係要去格下價。
之前有爬文話好少數人需要頒令前解釋...我個金額都唔係大，咁都中 ：（

想問下有冇師兄係頒令前要解釋搞到延遲頒令呀？

Alex2233

你最後埋單總額係幾多？
最主要係乜原因破？投資、賭博定其它？

太唔尋常
法庭好少會因為成年前，仲要係得40000蚊，
去延遲頒令

係咪你你背景太古惑，
太多資產轉移經歷？
一定要理解你故仔先幫到你

redcat

最后埋單40幾萬 主要係股票牛熊蝕左幾十萬，我戶口係好多出入數，因為股票戶口轉錢轉黎轉去，但我申破前已經取消晒股票戶口  上年年中辭職，之后拎返mpf,保險總數150000, 之后過去搵我老公（我老公外地工作） 當中110000用黎還錢，40000還左俾朋友，尼家只係要解釋返mpf同保險個150000用左係邊,   每期準時還款，到上個月計過數知自己捱唔到耐先返黎申破，好擔心頒令唔成功：（

redcat

Alex2233 發表於 29-4-2016 23:46
你最後埋單總額係幾多？
最主要係乜原因破？投資、賭博定其它？

最后埋單40幾萬
主要係股票牛熊蝕左幾十萬，我戶口係好多出入數，因為股票戶口轉錢轉黎轉去，但我申破前已經取消晒股票戶口

上年年中辭職，之后拎返mpf,保險總數150000, 之后過去搵我老公（我老公外地工作） 當中110000用黎還錢，40000還左俾朋友，尼家只係要解釋返mpf同保險個150000用左係邊,

每期準時還款，到上個月計過數知自己捱唔到耐先返黎申破，好擔心頒令唔成功：（

cc4321

破產前半年有咁大筆資金轉移,你覺得唔大但法官覺得大,要你解釋都好正常

YANNY

但11萬有單還左錢。。4萬。。成半年前，生活費用都用左啦。。真係有d怪wo..

victor24

就禁睇, mpf 拿來還債有單是正常....但破前半年因朋友債而產生的銀行轉賬記錄就令人懷疑了, 雖然只是4萬,好似不算大數, 但佔去總欠債達10%, 若你欠400萬,我估就不需解釋......

flypig

老強+保險係重點被清查項目。
一有朋友之間的過數（經銀行）又係要小心項目。
至於d 錢洗去邊？中間幾個月洗大左，賭大左好過還錢。