入學前想問問各師兄

yeoui

信用卡幾張無交最低還款一個月，準備下月頭出糧就申請，有野想問，大家分享下，4間銀行已經無交最低還款一個月，有5間就仲有交，因為出糧只夠交幾間，有交min pay 仲有信用額，靠碌剩下幾張卡呢d生活，想問準備月尾申請，而家仲碌得嗎？可以用信用卡碌卡申請破產嗎？如月尾申請，而家要準備什麼文件，一般搵律師到申請要幾耐，中間有咩注意？已用永隆出糧

scs79779

係攪要快啦，做咩仲要等，已經無交一期，再等一期，好快落收數。

Alex2233

最正路既做法係等出糧再申破，

你碌卡破，即係本身已經想破產，仲用人既錢去做



份糧少，唔夠錢，最多全部拖數，唔還住，成份糧純作申破費（咁做肯定冇死錯人）

flypig

可以用信用卡碌卡申請破產嗎？
理論上唔得.實際無人試過有事
而律師樓不建議....但記住千祈唔好幫趁顧問...

http://hkiva.org/forum.php?mod=v ... &extra=page%3D1

記住 SAVE 起 BANK STATEMENT/ CREDIT CARD STATEMENT, 愈長愈好

hohochi

你碌卡要分清楚先後 碌黎交破費可能有手尾 申破前碌黎係生活所需就無問題

yeoui

多謝各位師兄分享，如果我一向無keep信用卡月結單，得最近一個月得唔得？另外如果用信用卡透支還其他銀行最低還款會唔會俾銀行追返？如果搵律師攪，一般幾耐先有編號，銀行戶口係入紙時間已經俾凍結？

vividada

您齊所有欠債、資產料好快，但一定快，我星期一宣完誓，今日已有no.，我係頂到知今個月交唔到上月尾去攪，越早去自己壓力冇咁大

kumiko1030

yeoui 發表於 7-10-2015 22:51
多謝各位師兄分享，如果我一向無keep信用卡月結單，得最近一個月得唔得？另外如果用信用卡透支還其他銀行最 ...

唔得= =" 一般問你拎足半年.......唔見咗唯有諗辦法

flypig

.去銀行print,要收水。

vividada

我嗰日問6C行，佢教嘅版本好爆，話最近幾個月有就俾，冇同佢講冇就得，覺得佢老點我！解釋係我當初冇預破產咪冇留，好勁！

yeoui

其實佢又講得有道理，而家好多人唔會keep信件，如果又唔喺有計劃破產，唔會特登keep

yeoui

我只欠信用卡，沒有私人貸款，信用卡中有Aeon,想問信用卡唔還第二個月喺咪就俾收數公司追？因為有張喺10號夠一個月，但我月尾出糧先有錢破，好唔好透支信用卡去還左呢張卡先？

yeoui

其實我底薪9500，已出左4個月剩底沒有佣,月尾前幾日有$10000佣，月尾最後一日出底薪，搵律師要幾錢？

301

申破後是艱苦期,
每一分毫乃寶貴資產,
想回申破前仲還了一期minpay會覺好笨七.

以上祇是意見供參考.

scs79779

vividada 發表於 8-10-2015 00:38
我嗰日問6C行，佢教嘅版本好爆，話最近幾個月有就俾，冇同佢講冇就得，覺得佢老點我！解釋係我當初冇預破產 ...

佢梗係咁講啦...不過頒令後，見破產官或外判時咪叫你去銀行print囉

vividada

scs79779 發表於 8-10-2015 07:47
佢梗係咁講啦...不過頒令後，見破產官或外判時咪叫你去銀行print囉

所以咪話佢老點，真係忍住唔出聲

yeoui

去銀行print,咪俾佢知申請緊？咁咪拖住唔出俾你

c128heidi

喔。。我見外判是他有給我一張 list 話要的單子。。但他說只要盡量找。。找不到就萛了。。例如。。12個月的月結單。。我只有最後那2個月給他。。

bbb123456

咁你唔好話佢流,我當初上6C果度,係咩都冇架,2個鐘就宣誓,個個6C唔同

hohochi

c128heidi 發表於 8-10-2015 14:10
喔。。我見外判是他有給我一張 list 話要的單子。。但他說只要盡量找。。找不到就萛了。。例如。。12個月的 ...

個個主任同外判要求都唔同 有D會要你去銀行PRINT番俾佢 有D就無左就算