過早問定嘅問題~外判

vividada

又爬文睇到有關債權人開大會問題，我知我未咁快去呢一步

我知而家老破大多數都中外判，純想了解，其實有冇約數欠債同收入比例差幾遠先俾人局還錢，我知我可以揀唔簽有關生活費唔合理

我其實唸緊不如同公司講減工時按比例減人工，自己又可以休息下……

我知太早問，呢期成日唔舒服到訓唔到，所以又爬文，C兄C姐，手下留情唔好話我

Alex2233

1.外判定主任真係答你唔做,我唔係破署做, 不過傳聞個比例大約70% case係主任,30%係外判

2.開大會,可以根據你背景因素,幫你判斷你高唔高機會開 (非100%) ,即係例如有冇欠三大銀紙公司錢呀.....份工係咩程度呀.....之類

3.局唔局到你還,純粹睇你收入幾多,你7000蚊收入,唔洗諗啦,1蚊都唔會還,  但你2,3萬收入,仲有公屋住,你都係等宰啦

4.你同公司靈活夾到放多D無薪假, 絕對無問題, 開口講埋出黎都無問題,債主同破署都唔會迫到你返工

當你以前全職搵兩萬,你可以改做PARTIME,30日放15日 , 拎1萬蚊, 無問題,你公司有咁彈性我好替你高興


不過就唔可以循不合法途徑轉移份糧,即係合約寫8千,用假數供老強同稅報, 背後就個個月出多一皮野現金,比老廉捉到就中招

vividada

其實佢地知我身體唔好，有同事建議不如改番短啲時間，因為我喺公司仲有利用價值，我縮短工時好過我唔做，因為我黎左呢度幫佢set up左唔少嘢，但我預算至少執多年先叫會上軌道，而之前我有時病左冇番，啲大人叫我自己調時間喺同月番足番就可以，而上月我又入院後我吹水話想減番工時間俾自己休息多啲，同事話公司都有人係咁，所以咁唸

boeing747

休息下C兄,身體緊要

cc4321

又係諗住破左就一毫子都唔還

kln747

Alex2233 發表於 7-10-2015 03:41
1.外判定主任真係答你唔做,我唔係破署做, 不過傳聞個比例大約70% case係主任,30%係外判

2.開大會,可以根據 ...

我仲咗有公屋住、加二大印銀紙公司

scs79779

cc4321 發表於 7-10-2015 09:34
又係諗住破左就一毫子都唔還

師兄，家家有本難唸的經。要行破產條路無人想，行得既都想生活比破前好，睇開下

vividada

其實我有出過帖提我攪主因係身體狀況欠佳，三不五時要去醫院朝聖，唔想累及家人，因我初時有唸萵IVA或DPR，但幾個月前明X社工建議破會對我好啲，而我亦提過擔心要嘔番手頭現金，因我近月病得多，已番短左時間，如果要嘔番我反而真接跳樓會方便啲，有C兄吹水提係我唸太多，破係唔想累人，但要唸自己生活，至少睇住自己先，我只想冇負債壓力可靜心養病，我負債主因喺為屋企，絕非自己吃喝玩樂，我咁大個女都未買過件衫係過300，為家庭負債，為還錢而熬病，非本人所想！是日壓力很大，容許我發洩一下，其實有C兄笑過我傻，自己計使唔使還，好多人會計鬆黎免除還錢，仲用計自己食樹皮方式黎計生活費係我自己計得太緊，我條數我自己計過，如果真係還可能比做IVA或DPR（用超緊生活費計算）差唔多，我只擔心兩腳一伸禍及家人，sorry……其實我攪破係自己獨自決定，冇身邊人知，所以想發洩下

leung133

每個人申破，都有自己故事，我都係為屋企頂左十年，而家失業冇辨法，先申破

vividada

leung133 發表於 8-10-2015 04:04
每個人申破，都有自己故事，我都係為屋企頂左十年，而家失業冇辨法，先申破 ...

我知，但尋日……唉……總之好多嘢令自己情緒好差，見到……好炆……所以忍唔住

我有時真係唔知為乜，為佢地熬咁多年，仍換黎侮辱，我有時明白點解有人會成日講前世欠左佢咁，但有啲嘢，冇得揀，因為係家人

leung133

係，大家努力，我都要廿幾號先頒令