最近多咗人問信預付卡 (Visa/ Master),同埋扣賬卡(Debit Visa),我將早2年寫過既再加番衣2年既經驗再重新發一次,希望你地有用。
1) 預付卡: 差不多所有銀行都有,但係好多限制: A) 卡上沒有名字 (有一D直情寫住Gift Card) B) 不能增值,如你買咗一張有5000元嘅預付卡,你係唔可以再加錢入去,用完5000元後,只可再買另外一張卡。 C) 如果將卡有5000元,如果你想買野多過5000係唔得既,相返,如果買4999 既野,剩返1蚊係攞唔返,除非有野賣1蚊又俾你用卡。 D) 預付卡係唔可以做Pre-authorization嘅,即係唔可以當酒店住房嘅按金/租車按金用,俾錢就可以 E) 唔係所有預付卡都可以做網上付款。
2) 扣賬卡:我揾過好多銀行,但只有3間銀行有,富” 幫” / 恆 “新” 同埋澳” 生” (*澳洲銀行係香港既分行)。但富” 幫” 係2010年開始唔再做新嘅扣賬卡。所以依家只有恆“新”同埋澳” 生” ,打去恆“新”同埋澳” 生” 問,職員都唔知有扣賬卡。。。。。
去到恆“新” 分行問,佢地都話無,最後係一個熱心既職員口中知道上網申請就有,但要有恆“新” 户口,同埋E-Banking. A) 恆“新” 扣賬卡 叫 Enjoy消費卡 (記住,唔係Enjoy 卡,係Enjoy 消費卡),張卡有VisaFunction, 但無得借貸,你入1000,就可以有1000用,另外,要申請呢張卡,你一定要有恆生户口(建議要埋E-Banking)。當張卡唔夠錢俾嘅時候,銀行會係你户口自動過500或1000去張卡到 (每日最多1000(自動), 無限(自已過 -經E-Banking / 櫃員機 /銀行排隊都得) B) 所有消費卡都係白金卡,表面上同正常卡無分別,但係如果細心睇係有唔同嘅,正常嘅Enjoy Visa 係有Visa WaveFunction,但消費卡係無嘅。 C) 可網上購物,仲有恆“新”網上Visa認証 D) 可以當酒店住房嘅按金/租車按金用。 E) 外国有D租車公司唔接受扣賬卡 F) 酒店按金有時會扣起1個月先俾返你(如最終無消費) G) 同普通卡一樣,有CashDollars / 有白金卡熱線 我自己用咗2年,感覺良好。
***(可唔可以加D分俾我等我可从入IVA區??) |