申破前還錢比朋友問題

wawah

在申破一年幾年賣咗樓有二十幾萬，當中有六萬幾還咗比朋友，當時都有還部份卡數及準時還私人貸款，今日收到破處信要交代當時賣樓啲錢去咗边？但我想知會唔會要我朋友攞返六萬幾蚊比破處？

301

難免,
你既要 説實話,
破署一定會聯繫你朋友確認,
有可能要佢嘔回出來.

Alex2233

6萬蚊都追到問到咁？

咁我輸左50，60十個到時都唯有直說？

洗唔洗save定d馬會記錄同埋馬交碌卡記錄先？

wawah

但當時其他貸款我都有準時還到申破前，這都會叫我朋友嘔回出來？

四_少

生活和找數

flypig

Alex2233 發表於 16-5-2015 10:03
6萬蚊都追到問到咁？

咁我輸左50，60十個到時都唯有直說？

一定要。有備無患

hohochi

wawah 發表於 16-5-2015 10:26
但當時其他貸款我都有準時還到申破前，這都會叫我朋友嘔回出來？

你報係還錢 9成9破署會出信俾你朋友追番筆錢,到時你朋友無得唔還，你朋友唔還有機會被破署告

朋友還款後申請破產！
http://cecimak1995.blogspot.hk/2015/04/blog-post_19.html

Alex2233

flypig 發表於 16-5-2015 11:07
一定要。有備無患

即係頒令後預左比佢審犯？

另外到時咁岩失業的話會唔會比佢審得仲勁？

因為我份工一揚左過百同事知，都時好大壓力可能要潛水撈第份

flypig

失業後，我估計，一般較大機會判你入suspect.即可唔理就唔理。理性地睇，如果你無水，逼死你都無用。但由於甚多新手外判，與及有時要殺一儆百，所以睇你命水。但當你齊哂statement,令人相信你真係輸哂。玩你機會大大降低。

四_少

年多前廿多萬。十八個月，平均每個月萬幾。你回答生活和找數。不合理嗎？？以前外判就問我為何生活洗咁多。我回答就是理財不善才破産的

wawah

但我當時用公司票開還錢，破處會否查到？

Alex2233

flypig 發表於 16-5-2015 12:33
失業後，我估計，一般較大機會判你入suspect.即可唔理就唔理。理性地睇，如果你無水，逼死你都無用。但由於 ...

我翻睇舊文都有好多係話比外判玩殘，叫佢交代破產前筆數既去向

果陣時戶口都凍結晒，check都未必check到

所以我而家就要準備好，將d記錄save晒,費是到時比佢入？

我手頭越多資料，就越易同佢打長久戰，等佢到時浪費人力物力審我審到冇癮為止？

flypig

我估一般運作，就係大一大你有無收埋筆錢。人地最驚呢樣野。只要你俾佢地睇到你bank statement,成日拎10個，第二日又入番16個。一時就係大海look card.應該會收皮喇。因為追落去都追唔番。

Alex2233

flypig 發表於 16-5-2015 16:23
我估一般運作，就係大一大你有無收埋筆錢。人地最驚呢樣野。只要你俾佢地睇到你bank statement,成日拎10個 ...

半年前都有贏過，碌10個，第日存14個，找番10個

2個月前碌2個贏7個，又存番7個落去，找2個

之後半個月開始全敗，自己提款5萬輸
碌多10萬輸

借10期分期找數，

再碌又輸、再借b銀行10萬找數，

之後全數提晒岩出既人工 2萬，再碌10萬，清袋,拜拜
當然仲有好多馬會既細數，兩年內keep住幾日賭一次500-1000
後期馬交輸到癲左都試過想用馬會番身
一注2雞 3串1 輸左

即係要將呢d記錄keep起晒,日後比人審都有野撐下？
我諗呢個記錄實比外判串死，到時應點應付

wawah

唔好意思各位，我再睇清楚封信，原來只是要交當時賣樓收款紀錄文件，是否只交文件其他乜都唔講，等再問先算？

Melody2014

你個csae同我一樣

Melody2014

我又係2013年賣左層樓..因為屋企人比首期所以層樓賣左後，還番筆錢比屋企人..一直都有還卡數..真到破產前三個月左右無再還..破產署吾係外判佢先後兩次已經寄信叫我解釋d錢用左邊到..點解要還筆錢比屋企人仲比哂出入數紀錄佢睇..叫埋我屋企人宣誓的還左錢比佢..近日又寄信叫我交代細節..仲要我寫番當時有無還卡數又還左幾錢細節..我都吾知點交呢份功課..好驚要我屋企人嘔番筆錢出黎..到時我就大獲！

flypig

2000年同屋企合資買樓,當時合資的無一個願意用個名.因為怕麻煩.
我就知自己賭性太重.雖然當時 財政很好.但萬一風高浪急,就麻鬼煩.結果就用另一親人名字.
破前兩三年手緊賣股份俾家人.跟住再輸埋.

總之奉勸各位,有樓就早作打算. 明知自己 簽卡怪,懶賭怪, 豪洗怪, 買樓合資就唔好用自己名喇.

破前叫家人拿拿臨寫平安紙.我一個仙都無得分架.
總之呢D 野大家早作打算. 唔係殺到埋黎都好頭痕!!!

flypig

Alex2233 發表於 16-5-2015 16:35
半年前都有贏過，碌10個，第日存14個，找番10個

2個月前碌2個贏7個，又存番7個落去，找2個

我破前兩年賭馬/抄 牛熊,期指都幾十個喇.
由於全部 都係經銀行入 證卷公司,證明我真係輸Q哂
無收埋D錢. 外判 一句說話都未問過我.

輸錢而老破完全合法.問題係,你可唔可以證明到輸哂!!!!
老破法庭審案,沒有證據之時,就睇個官信定唔信!!!!

如果你咩都無,靠把口.我都鄧你淒涼....個壓力大到無輪呀!!!!
但你有齊 BANK STATEMENT, 應該都唔得閒審你. 睇你好唔好彩!!!