破產VS被申請破產

StephenPang

我本來是透過某律師行為兩筆債項進行債務舒緩, 但是因為通漲越來越大, 漸漸感到還錢有困難,
想考慮破產, 但是申請破產費用又很貴, 是否應該等候被申請破產?
我分別欠A記財務公司124488元, 和花記銀行18000元左右,
這兩間的追數方式又係點(例如會否打來公司, 在公司門口爆粗口之類)?
我月入9300(未扣強積金), 月月清, 沒有積蓄, 已婚, 太太也想我破產好過

chongxin

相比起好多破產者﹐你欠的款項不算多喇!

admin

你無需考慮。你唔會被破產。

謝滿蘭

一定自行破產

flypig

我次次辭工,都希望公司炒我,補一個月糧.
同老破一樣,次次都希望落空.

假設樓主係銀行,申人破要俾多10K+. 而對方9成9都係無水還.
你會唔會申佢破.定係搵間收數佬 去逼條債仔?????

flypig

樓主月入9K,可唔可以轉工,如搵份洗碗.
樓主幾多歲,夠唔夠大隻?? 如果夠,做地盤 扎鐵幫到你.

kumiko1030

你返多份兼職可能可以還得到呢，唔使破啦破就一世架喇

sandysoso

只欠15萬唔使破啦，揾筆清卡數錢，分60期，一個月唔使供三千元。清卡數可以借到月薪的18倍，揾渣X银行，易批。
15萬未必可以成功頒令。

chongxin

flypig 發表於 20-8-2014 14:36
樓主月入9K,可唔可以轉工,如搵份洗碗.
樓主幾多歲,夠唔夠大隻?? 如果夠,做地盤 扎鐵幫到你. ...

你做過地盤未架?
扎鐵師傅係熟練技工﹐唔係你話做就有得做架

flypig

chongxin 發表於 21-8-2014 08:02
你做過地盤未架?
扎鐵師傅係熟練技工﹐唔係你話做就有得做架

好似有COURSE 上.....上堂仲有錢收添
宜家做工程真係有錢途,你話俾銀行轉做地盤.借多20個都仲得

flypig

sandysoso 發表於 20-8-2014 18:43
只欠15萬唔使破啦，揾筆清卡數錢，分60期，一個月唔使供三千元。清卡數可以借到月薪的18倍，揾渣X银行，易 ...

150K 可以頒令架......
頒令無 MIN 架...

不過唔需要姐.

謝滿蘭

真係頂唔到先破。。。依家做清數都唔易

depressman

flypig 發表於 21-8-2014 12:51
150K 可以頒令架......
頒令無 MIN 架...

頒令有min , 10000

StephenPang

不過上網睇過A記日本仔財務公司, 很多時會搵足X或至X收數, 他們收數會告上小額錢債, 冇錢還就申請債仔破產,
若果萬一被申請破產, 應該點做? 會否凍結銀行戶口, 點解封? 計生活費又是否和自行申請破產一樣手續?

kungfu

StephenPang 發表於 3-9-2014 19:53
不過上網睇過A記日本仔財務公司, 很多時會搵足X或至X收數, 他們收數會告上小額錢債, 冇錢還就申請債仔破產, ...

若果被申請破產, 應該點做?
如果準備反對，揾齊證據證明你有足夠能力找數，到時到候出庭。如果唔準備反對，出庭都慳番，法官會即頒破產令。
會否凍結銀行戶口, 點解封?
即時凍結。稍後見受托人時要求解封，如有正當理由例如出糧用途，要求會被接納。
計生活費又是否和自行申請破產一樣手續?
是的。