債權人大會 (等我都分享下比多D資訊大家參考)

hkmcb

債權人大會我係8月頭收信通知要開，今日就去了 (即約1個月通知你的)

地點:金鐘政府合署(記住行到中間去高座搭扶手電梯上去的)

時間:信寫9:30，但職員話9:50先會有人叫名，所以果陣大家企定定唔洗緊張去櫃面問洗唔洗報到，企到9:50真係有人叫名架喇!

之後就一齊入房坐，聽主任講一大堆已知既野就逐一再等叫名見主任，見主任其實都係個個講果句，
「今次因咩咩銀行、財務要求召開此會，之後.......就委託咩咩事務所、咩咩人跟進你CASE，最後簽名再等見外判條友」


就我今次債務就因AEON同安信要求而要開此會，但就我感覺來言，應該依家新破產人士(9成9)都要去開，因為岩岩見外判，外判都話初步睇我個CASE就算要還都唔多，所以佢地唔似殺手，似按你交咩就判幾多!!

但佢話應該10月先傾生活費，到時等通知!


但岩岩有D新奇野，有點疑問擔心
1. 原本寫要供養父母，但岩岩佢話母親有工作的話唔會判錢比你供養
2. 我有個細佬有工作的，但成日唔回家冇咩見面，但岩岩話要我細佬的工作收入證明(但我其實連佢做咩都唔知，點交?)

hkmcb

chongxin 發表於 30-8-2014 10:04
多謝的經驗分享﹐我十月中才參加會議

放心，真係比想像中易的例行公事，EASY過見工

flypig

如我所料,所謂殺手亦常人.

1. 原本寫要供養父母，但岩岩佢話母親有工作的話唔會判錢比你供養
我理解係,唔會容許一個有不健全財政的人去供養一個健全財政的人. 即係供養唔到喇. 除非佢無工作能力/無收入.又或者收入好低,你唔俾一份錢大家撐唔到.
由於唔肯定,唔知有無巴打C打 補充.
2. 我有個細佬有工作的，但成日唔回家冇咩見面，但岩岩話要我細佬的工作收入證明(但我其實連佢做咩都唔知，點交?)
無得交. 就算細佬一齊見,工作證明佢都可以唔俾你架. 其實係唔係又講緊供養個筆?
我睇條數你未必申請到.

hkmcb

flypig 發表於 29-8-2014 16:30
如我所料,所謂殺手亦常人.

1. 原本寫要供養父母，但岩岩佢話母親有工作的話唔會判錢比你供養

1. 嘩!!咁好大問題喎，供養父母係計生活費係一條佔既比率幾大的項目，如父母有工作就唔批，個生活數必然小好多!!


2. 冇詳細問呀，佢只話準備到就準備，有問題果時問，冇既到時再解釋

kumiko1030

hkmcb 發表於 29-8-2014 17:43
1. 嘩!!咁好大問題喎，供養父母係計生活費係一條佔既比率幾大的項目，如父母有工作就唔批，個生活數必然 ...

細佬話因個人私隱問題佢唔願意提供佢薪金證明，我尊重個人私隱條例所以我唔敢再問佢了。

flypig

hkmcb 發表於 29-8-2014 17:43
1. 嘩!!咁好大問題喎，供養父母係計生活費係一條佔既比率幾大的項目，如父母有工作就唔批，個生活數必然 ...

轉帖,真假自行判斷
http://cecimak1995.blogspot.hk/2013/10/blog-post_29.html
但破產時的供養父母問題，便是另一回事！基本上破產管理署不會接納破產者在生活費中，有獨立的供養父母費用支出！因容許這個做法便會導致破產者能上繳還債的款項減少，影響債權人能收回債務的機會，變相是由債權人去承擔供養破產者父母的責任，這對債權人來說並不公平！

當然，如破產者跟父母同住，那日常生活的部份支出，都可以納入破產者的支出中申報（例如家中電話費可以由破產者申報，但全家人都在使用電話等）！除此之外，如破產者是獨生子女，則亦有機會可將供養父母的支出計入生活費當中，但如尚有其他兄弟姐妹，則由於供養之責可由其他人代勞，故署方便會拒絕破產者有供養父母的支出申報！

除非所有兄弟姐妹都宣誓及簽署表示無能力供養父母，則署方才會考慮是否讓破產者在生活費中加入供養父母所出！但這個做法所有兄弟姐妹都要申報個人及家庭狀況和收入資產，並受署方調查及宣誓，而且被署方發覺申報不實，更可被刑事檢控！他們可願意這樣做呢？

flypig

kumiko1030 發表於 29-8-2014 17:50
細佬話因個人私隱問題佢唔願意提供佢薪金證明，我尊重個人私隱條例所以我唔敢再問佢了。 ...

C打有無寫供養??

flypig

轉帖:
https://hk.knowledge.yahoo.com/q ... n?qid=7010050500192

事實上我有供養父母,但因為他們有工作做便不能成為其中一項去扣除.

我爸爸人工只有6千幾, 他要養他老婆和一個九歲既小朋友, 他本身亦是破產人士.他的人工唔夠生活,我自然要供養他.但破產局一句他有工作做就唔計在內.
首先如署方拒絕樓主所言，因令尊自身有工作收入，故不合資格！
其次就是假設有樓主有其他家人可以負起供養的責任，同樣不合資格！
退一步說，樓主並無其他兄弟姐妹，或者他們因種種原因而未能負起供養父母的責任時，署方或會接受將你供養父母的支出納入你生活費數額中！

ray

父母有工作唔批,咁內地妻子批啦掛?

chongxin

多謝的經驗分享﹐我十月中才參加會議

hkmcb

flypig 發表於 29-8-2014 18:13
轉帖,真假自行判斷
http://cecimak1995.blogspot.hk/2013/10/blog-post_29.html
但破產時的供養父母問題 ...

等當初律師仲一口我講有父母一律合共批$3000，梗數黎的

hkmcb

flypig 發表於 29-8-2014 18:28
轉帖:
https://hk.knowledge.yahoo.com/question/question?qid=7010050500192

但果度扣左3000，生活費咪隨時9000都冇?

hkmcb

ray 發表於 29-8-2014 19:04
父母有工作唔批,咁內地妻子批啦掛?

陣間又要證明

flypig

hkmcb 發表於 30-8-2014 10:45
等當初律師仲一口我講有父母一律合共批$3000，梗數黎的

經過多個個案,我睇法如下:
1 破產好多野好有彈性,好 SUBTLE
大家不妨睇下破署點講:
破 產 人 及 其 家 庭 的 合 理 家 庭 需 要
破產人獲得入息後，有權保留其中款項以應付其本人及其家庭的合理家庭需要，包括﹕

住所開支，例如﹕租金、公用設施費用等(必須為合理並與該家庭的需要相稱)﹔
膳食開支﹔
衣服開支﹔
教育開支﹔
交通開支﹔
醫療開支﹔
入息稅開支﹔
法例規定的強制性公積金供款﹔以及
在家庭需要的範疇內任何其他被認為合理的家庭開支。
如有任何收入盈餘，可能要繳付予受託人。根據《破產條例》(第6章)第43E條，受託人可向法院申請，作出一項收入付款令，規定破產人或破產人的僱主，把破產人收入的一部份繳付予受託人。破產人有權就有關申請向法院提出反對。如受託人不申請收入付款令而破產人因該決定而受屈，他／她可根據《破產條例》第83條向法院提出申請，而法院可確認、推翻或修改被申訴的作為或決定，並就此而作出其認為公正的命令。

註﹕        "家庭”包括破產人的配偶及子女，並在某些情況下亦包括破產人的受供養父母及受供養兄弟姊妹及破產人任何其他的受供養人士。

flypig

並在某些情況下亦包括破產人的受供養父母

某些情況,指唔係老馮,而係 要MEET 某些 REQUIREMENTS.
亦唔到好多CASE,外判 有價講.我覺得批唔批係外判/主任手,佢地有權.你只有去說服佢地.
如果,你可以PRESENT 到, 家庭消費無你奉獻一定頂唔到,我覺得上庭都未必輸.
相反,如果 家庭消費,無你個 3K 都頂得到, 咁人地未必批,可能一個仙都無,亦可能 批部份.

flypig

hkmcb 發表於 30-8-2014 10:45
等當初律師仲一口我講有父母一律合共批$3000，梗數黎的

佢係專業,快D 搵佢睇佢點講.

你可以另外TACKLE, 唔寫3K, 將3K 轉為 家庭消費如 FAMILY MEALS, ELECTRICITY ETC....
睇下得唔得.即唔好除以 FAMILY MEMBERS... 但你要諗個好好的解釋.你快D問 6C.....

hkmcb

flypig 發表於 30-8-2014 11:17
佢係專業,快D 搵佢睇佢點講.

你可以另外TACKLE, 唔寫3K, 將3K 轉為 家庭消費如 FAMILY MEALS, ELECTRICI ...

可能唔同左玩法!
當時律師話每個數有限額，亦講過供養父母果3000係包括家庭開支、食之類的!!
咁可能正如你想講，佢唔批3000我就係其他家庭生活開支條數整番大佢

sandysoso

我暂時未收到要開債權人會。
我有批供養父母，父母唔同住，到時會唔會被追返呢項開支呀

kumiko1030

flypig 發表於 29-8-2014 18:19
C打有無寫供養??

我邊到使供養.........都冇返工點供養我養我自己都寫到8500