有關律師樓申請破產流程

kayyy

尋日去左律師樓申請破產，由始至終都無見過律師，淨係一個秘書姐姐幫我搞，因為我名下有間無限公司，但係屋企人的，本身有好多問題想問，但我等左2個鐘，淨係俾份表我填，個幾鐘後個秘書姐姐就入黎幫我填埋啲未填既野，有人同我講野既時間其實只有10分鐘，我問有關公司既問題佢都答唔到既，之後就話下星期打俾我約我宣誓，但簽既文件入面有一條話如果文件唔齊要再宣誓就俾多2000，想請教下到底申請破產既程序係咪其實見唔到律師架?！

笨笨狼

想請教下到底申請破產既程序係咪其實見唔到律師架?！


不一定, 要看每家6C樓的工作方式, 之前我遇上的, 幫我忙的是小律師/師爺, 會見討論時間快一個小時(什麼問題都問光了/解釋光了), 當時因為我什麼文件/單據/月結單等都準備好了(因為有先打電話聯絡問了需要什麼文件), 而我的個案比較簡單近乎百無只有欠債, 當時他有協助我填好表格, 就即是交秘書打好文件, 之後就安排見律師宣誓了, 前後約花了二個小時. 之後他們就安排人去法院交表了. (所以當時只收了一口價, 沒有什麼額外費用.) 之前我也有開個人公司, 不過沒有做過生意, 所以在老破前數月就早已經結束登記了. 所以在申破時也沒有樓主情況複雜說.

師兄加油啊, 四年很快過的.

kayyy

其實我都仲有好多野想問，不過個秘書好忙，係咁行黎行去叫我等等，2個鐘有1個鐘頭九個字都係我自己坐係間房度等，仲要等佢通知先再宣誓，所以而家搞到好不安，同我睇咁多位師兄講話會有人好詳盡咁問好唔同，基本上佢無問我問題，到公司資料我問左啲問題好多佢都話咁你要自己諗=…=好怕等陣有手尾跟

wormbb

u can ask here~~ don't worry~~

笨笨狼

kayyy 發表於 8-5-2014 13:09
其實我都仲有好多野想問，不過個秘書好忙，係咁行黎行去叫我等等，2個鐘有1個鐘頭九個字都係我自己坐係間房 ...

現在你如果仍擔心, 仍有不明白的問題時.
1) 直接再找你的6C問清楚 (因為他們收了你的服務費, 有責任向你解釋清楚.)
2) 問義務的專業人員/機構
3) 在討論區多爬文看類似自己的問題, 多請教各位師兄
(當請教時記得保護自己的個人資訊不要說, 但問題重點就要問清楚, 因為不同變數情況也不同.)

前面1-3, 越前的就越易找到你需要的答案.

lulu1942

其實本版有無自己搵律師注意事項／流程之類？因有間律師行話實價4500， 但其實仲有咩錢要比？好似話破署要收錢，又要搵會計咁。同埋過程係上去搵律師交哂文件，之後等宣誓， 咁就OK？

kumiko1030

係囉=口=" 佢只收咗我最近期的戶口statement咋....連入息都係約數= ="可能1000訂金所以做慢D

笨笨狼

lulu1942 發表於 8-5-2014 15:03
其實本版有無自己搵律師注意事項／流程之類？因有間律師行話實價4500， 但其實仲有咩錢要比？好似話破署要 ...

比方你問的實收4500是他們實收的服務費和秘書費, 而8000元的破產費和1045元的法庭費用, 是一定要交的, 無論你用6C定自己申破也要交的數目. 所以, 如你聯絡的6C樓, 當你要申破時就要交總數近14000的費用, 其中破署/法院部份是6C樓代收代付. 至於找會計, 就是如果你有擁有私人公司, 需要結賬及做資產報告表時就有需要.

笨笨狼

kumiko1030 發表於 8-5-2014 16:33
係囉=口=" 佢只收咗我最近期的戶口statement咋....連入息都係約數= ="可能1000訂金所以做慢D
...

一分錢一分貨, 當年我去查詢後, 他就問我要不要時間考慮, 當只要全付款, 文件全, 就可以一次過完成, 所以當年我只花了2個小時就全部解決(不過同時2個小時就燒了1萬多囉)

要破產

你俾左律師錢未？

要破產

我都系有間無限公司，之前因為好驚，好擔心會俾人告，所以想搵某區議員律師搞破產，上左佢律師樓搵x生，見面後詢問一d實際問題，覺得佢呢方面唔系咁熟，亦都話明可能要宣誓多幾次，結果我無再搵佢。

上星期五搵三姓，約即日下午上去，唔使等，有位顧問先生，填表，影印等，盡量回答我問題，答唔到就叫我打電話問律師或佢秘書。提醒我要後補其他文件。結果我今個星期三再上去交齊文件，系門口個靚女幫我收，完全無見過律師。

收齊文件，律師就連續打幾次電話俾我，清晰提醒我關於公司破產法律問題，而且問得好仔細，每一條數都好清楚。直至今日夜晚，佢既秘書都仲有電話黎提醒我。

我覺得唔需要真系要律師接見，祇要佢地做到野就ok。供你參考。

kumiko1030

今日旺角間王家沙pass過咗過去俾香港嗰邊分行

kayyy

解，文件咪有條係近12個月有無係業務提取過錢，我問個秘書即係乜野，我唔清楚，佢淨係話咁你報唔報，你要報就幫你幫，無解釋我知又無俾我再問就幫我刪左果欄，我其實真係唔係好明，好似咩都未了解就話下星期約我宣誓，俾左2000蚊訂喇，之後我同佢講有間銀行叫我要係19號前搵到律師fax申請破產既資料俾佢地，唔係會搵收數公司追我，個秘書話佢地近排好多客排近期，19號未必可以，想請教各位師兄到底我係要我頒左令先會通知啲銀行定其實我宣左誓已經可以?

笨笨狼

kayyy 發表於 10-5-2014 20:19
解，文件咪有條係近12個月有無係業務提取過錢，我問個秘書即係乜野，我唔清楚，佢淨係話咁你報唔報，你要報 ...

1) 請教各位師兄到底我係要我頒左令先會通知啲銀行定其實我宣左誓已經可以?

其實是要你的申請書交到法院, 正式開始了破產申請(排期上法院),
那個破產申請程序就開始了, 所有債權人就需要經法律程序協商, 不能私下追數.
而閣下的資產也開始了凍結的程序. 而6C也開在交表後正式通知債權人,
債務人在片破中, 不能私下追數.

2) 文件咪有條係近12個月有無係業務提取過錢

原因是怕申破人在申破前私下提走資金, 惡意申破. 又或是因為過度投資/炒賣/賭博而出現的惡性債務.
所以就需要填寫這個項目了. 而你的秘書是因為不想程序太複雜, 而不填這一欄,
因為當有這些情況出現就需要有合理的解釋和證明, 她的想法是: 當申破人越簡單, 就越易完成工作.
不過, 就要看你有沒有上述的問題, 如有, 知情不報是刑事, 被抓包就要承擔法律責任.
(當然如果破期內沒有被抓, 就是當事人十分幸運了......)

kayyy

好奇怪！我上星期四去俾左2000蚊訂，佢話今星期約我宣誓，到今日我打去佢地話下晏覆我，到而家都未覆！有無師兄試過?怕搵錯律師樓已經特登係三姓搞，好怕有咩事

殘雲的天空

通常6C樓宣誓前會交律師過目 冇問題先通知你上去宣誓
宣誓前有正牌律師同你講份資料 SO 倒時有咩就可以問嘅