申請户口解凍信

katherinelan

我係自己攪破產的,但係當日冇同時申請户口解凍信, 結果一個禮拜後被凍結咗户口, 要跑去高院申請户口解凍信, 居然排期排到頒令前一個禮拜, 上咗庭後, 要幾耐先可以攞到信呢? 同埋頒令之後户口係唔係又凍結0返?
唉, 上期糧又出唔到,我而家仲問緊人借生活費( 呢筆錢仲一定要還), 公司話, 你嗰户口凍結咗就冇計, 佢地唔會出支票, 話係犯法 wor, 如果遲遲都攞唔到信, 估計至少有兩期糧攞唔到啦, 恐怕頒完令兩三日就餓死...

holy1234

你由申請到現在幾耐??? 一封信都冇收到??? 真係要打去問下...

如果你儲左兩個月糧都冇拎到,你可以同主任解釋你問朋友借錢生活, 而家要還...

holy1234

咁你幾時排期上庭呀??? 我係當日申請埋解凍戶口...2星期就可以排到期解凍...但呢次解凍後...只可以係戶口拎一次錢..直到上埋庭頒埋領先可以用返個戶口...你或下打電話去問下,可唔可以補返解凍傳票...

katherinelan

今個月17號上庭, 睇下可唔可以攞解凍信, 25號上庭頒令, 銀行只肯收信辦事, 話知你餓死街頭.

如果17號上庭仲要等好耐至解凍, 咁即係話我跟本就係白做

而且頒咗令又要再去申請户口事宣

未開到户我都餓死咗, 唉

katherinelan

來來回回車費都洗唔少, 個條數都唔細

holy1234

你明天一早打電話去問啦...冇理由唔比解凍掛.....車費事小...要錢生活事大.....

holy1234

再補充d 資料啦...通常冇請6c既話, 佢地有一個地方叫"無律師代表資源中心"(高等法院LG1低層1樓), 你可以係果度查詢下...
解凍戶口, 你去問佢拎form, 一張叫"傳票" 及 "誓章" , 填既野大致上一樣...填完,要去159及118室宣誓...宣誓後, 去108A室排返個聆訊日期...

katherinelan

噢, 可能我冇講清楚, 攪到大家有d混淆

你提供0既補充資料我都做咗, 嗰期都排咗 (今個月17號), 我而家最擔心係聆訊完之後要等到月尾(都過咗頒令日期), 甚至更耐先可以攞到信

2期糧呀, 會唔會唔俾我全數提走呢?

katherinelan

你冇信係手, 邊個理你, 問題係要等幾耐先有信, ................時間都係問題

neelds2003

個人意見...咁點解你唔提早取消現有的户口拎走哂D錢?我個時就唔係取消因為咁岩個時提早出糧.跟住就去左永0 開左個户口將公司出糧個户口轉左過去.但你而家17號就真係有D難攪..我估計一般正常情況都係月尾出糧...訐到尾都仲有十一日同我岩岩領令個情況有D似.我一月21號領令大約領令當日下午5~6點破處打電話比我話跟邊個點聯絡佢地去交文件.領令第2日我立即打去講自己個案件號碼佢會同你講要D咩同約時間.最後等佢講完哂或者佢都會講關於你用緊咩户口想開個新A/C定係用返現有,比如你想用返現有又好開新又好!你就老死狂問提早比刲解凍信我~唔係我真係瞓街等等...好似我咁我1月22號約都要1月28先見佢地交文件.就狂問佢可否比左刲信我先.佢就係1 月24號出左刲信比我先(不過我後尾先發現佢打錯左我個户口號碼,攪到27號解凍失敗....到時自己睇清楚) .最後都係死死氣28號當日交完文件先拎解凍信..交完立即去附近銀行比個度D人話解凍呀唔該.就這樣第日銀行重生了.....即29號/合計由領令日起到解凍係8日,原本可以早D不過佢地打錯號碼無計....同埋聽銀行D人講你解凍最好係兩星期內攪掂.唔係就會比破處吸哂,,,,,,,,,,

neelds2003

holy1234 發表於 5-2-2014 00:35
你由申請到現在幾耐??? 一封信都冇收到??? 真係要打去問下...

如果你儲左兩個月糧都冇拎到,你可以同主任解 ...

樓主真係要打去破處度問問~著緊D.唔係最尾都係攪到自己~

katherinelan

因為冇預計到佢咁快就凍咗 (原本以為佢過年至凍)

katherinelan

好多謝咁多位0既意見, 不過我未頒令, 但係因為已被凍結所以先要申請解凍信

Heihei

點解唔爬下舊文呢，如果一早提哂錢岀黎再係永0開户口就唔會搞到咁。
已家都無辦法，你17號上庭解凍就照去，快得一日得一日。當日如果岀到信比你就即日攞去銀行，銀行通常2～3日就開得反個户口。
另外，公司話話開票岀糧比你係犯法，我真係好想知係第幾條法列？佢唔岀糧比你佢就真係犯法嘞。
同埋，頒令前解凍係比你一次or二次係銀行提款，頒令後再凍結的，要破署或你嘅受託人(外判6c行或會計c行)岀信先可再次解凍，但你想保留呢個户口作岀糧之用就要睇下你之前有欠咗佢，如果有你好大機會要從開一個新户口(係邊間開就由破署或受託人決定)。希望幫到你~~加油

katherinelan

Heihei 發表於 5-2-2014 01:13
點解唔爬下舊文呢，如果一早提哂錢岀黎再係永0開户口就唔會搞到咁。
已家都無辦法，你17號上庭解凍就照去， ...

多謝Heihei回覆

我有爬下舊文, 不過嗰陣時心情好 down, 成個人都好亂, 睇咗都消化唔到,
我都好想知佢會犯邊條例, 居然話只准autopay,

有冇人試過我呢過情況呢 ? 同埋點解決呢?

Heihei

katherinelan 發表於 5-2-2014 01:21
多謝Heihei回覆

我有爬下舊文, 不過嗰陣時心情好 down, 成個人都好亂, 睇咗都消化唔到,

你公司知唔知你老破？你自己填form？知唔知填錯填漏你24號上庭會頒唔到令要壓後2個星期？
你有反工公司係一定要岀糧比你，如果你搞反掂過户口係唔係會岀反上期糧比你？建議你打去勞工處問，睇下勞工處比咩建議，你再話反比公司知...你打咗去勞工處問勞工處建議做法係..........

katherinelan

Heihei 發表於 5-2-2014 01:46
你公司知唔知你老破？你自己填form？知唔知填錯填漏你24號上庭會頒唔到令要壓後2個星期？
你有反工公司係 ...

我冇直接講話我申請破產, 不過佢已經估到

我自己填form, 因為已經借唔到錢搵律師攪

其實我冇特別資料要填, 冇物業, 三個 debts, 而且個度 破署 d staff 都有 go through 過, 應該冇事掛

Heihei

katherinelan 發表於 5-2-2014 02:00
我冇直接講話我申請破產, 不過佢已經估到

我自己填form, 因為已經借唔到錢搵律師攪

我都係無錢比律師費我先自己搞。
不過我上庭個時，有廿幾人填漏嘢當日頒唔到令。

holy1234

Heihei 發表於 5-2-2014 07:35
我都係無錢比律師費我先自己搞。
不過我上庭個時，有廿幾人填漏嘢當日頒唔到令。

有點好奇...請問佢地通常填漏什麼??

flypig

其實我又諗緊有個方法可能得(即係可能唔得),還請各巴打絲打想下有無機.
1 去永0開戶口
如果唔俾開,GAME OVER...
2 如果俾開,自己入2舊,即提1舊.
如果有問題,GAME OVER
3 立即叫公司AUTO PAY 轉去永0.

由於銀行間有個時間差,即係間間BANK 唔同,個人覺得可能....
GOOD LUCK!!