|
多謝會員 redlion 提供。
基本上回答你的問題,答案是可以的
等我分享下我之前既經歷:
基本資料:
1) IVA完成日: 2013年
2) IVA期數: 83期
3) IVA 期內並無任何遲交或欠交記錄
4) 2014年,個人購買物業約300萬
5) 九成按揭
6) 按揭銀行: "痕身"
7) 本身出糧 / MPF 戶口都係 "痕身"
2014 年購買300萬單位一個, 做9成按揭,最後無問題...... 衣家供緊
最後無問題 >>> 但係當中出現可大可小的問題, 真係膽汁少D都死在 >>> 事原:
去銀行問做按揭, 佢地初步話無問題,咁我就去睇樓落訂啦。(我無同佢講我做過IVA,因為佢無問)
去銀行簽名攪手續,然後等批,唔駛一個星期就批左,然後等收樓。
然後: 收樓過數個曰就好似過山車咁.......
朝早Check, 銀行話無問題,到我律司樓話未收到銀行錢,叫我聯絡銀行。
Call 銀行,銀行話 做九成按揭既按揭保險公司check 到我做完IVA 無耐,唔肯放錢....
又話保險公司無話唔批,但係要再搵人做估價....
我同佢講,大佬呀,唔得唔係今曰先講呀,買唔到我無所謂,但係可能俾業主殺訂,咁點算....
佢無答我, 淨係話佢會同保險公司傾。。。。。
我另一方面就即Call經記,叫佢幫下口同業主傾遲3曰交 (因為收樓日係星期五)
經記終於同業主傾OK.......
但銀行到6點都無覆我......
個晚我真係想死.....................
星期六一早, 銀行打黎話保險公司話ok woor....但要即刻去律師數補簽文件..... 好彩律師樓星期六開門.....最後ok, 星期一過左數,收左樓。
同律師講開,佢話保險公司慣牲check 破產記錄, 但通常銀行ok 佢地都ok... 唔知點解今次會咁....
須然上上落落,但好彩最後都攪掂。。。。
原文見:
http://hkiva.org/forum.php?mod=v ... 188&from=portal
|
|