破產期cancer開支 救求如何填報表？！

小薯仔

各位師兄姐麻煩想請教下
我本身破咗之後係外判，應該跟雙黃（石仔分公司？） 我都一年都仲未收到佢地傾生活費同上繳費，嚟緊有啲驚。
1.我之前係跟中介破，之前一開始問佢地我洗唔洗跟信啲資料交每月銀行月結單，佢地話唔洗係呃我，咁我無理到，但我睇完文，見大家都要交月結單，我而家補交返係咪就可以? 定之後等佢約我

2. 我本身因為cancer申破，而一年都因為做治療，工作收入唔穩定，而家計返全年收入差原來人工一半。報表我係咪照填返我個總數就得？但係我嚟緊可以返翻工，應該收入可以正常返，咁我要唔要報比受托人我個人工會變返工常？

3. 繼上，原本平時每月支出係平時屋企開支計：租金、水電煤…啲開支（按人頭除返），加埋之後我收入都已經差$40k, 仲有我醫療費$70K, 我應唔應該照寫個醫療費用？(有keep 單）

4. 續上，係咪喺a項填返親人財政資助balance 返就得？

5.我驚個開支細咗到之後人工正常返後，個差額好大，到時要上繳好多，因為到而家仲未傾生活費。所以開支照不變？（數係按屋企人頭計，以20k收入計算合理的）

麻煩大家比啲建議，我打去受托人又無佢聽，中介又好似伏我…

一個傻人

有無打去外判果度問吓咩情況
你而家補交番係交返去中介嗰邊定係交返去外判嗰邊？
年報填番你呢一年嘅真實收入
咁你正常返番工人工多咗，梗係要同受托人講啦
醫療費用嗰啲梗係照填啦有單
填番邊個幫你俾咪得

小薯仔

一個傻人 發表於 23-7-2024 23:07
有無打去外判果度問吓咩情況
你而家補交番係交返去中介嗰邊定係交返去外判嗰邊？
年報填番你呢一年嘅真實收 ...

我收到封係外判要求要每月銀行月結單，我打去中介佢叫我唔洗理，打去外判就無人聽，一日都試過打3次都無人接聽…所以唔知有咩影響。

多謝建議，咁我會照寫返全部開支先

但係我想問下，我交報表時洗唔洗計埋單據比佢，定等外判聯絡我先？ 因為第一次交，怕漏嘢

Anmi2019

小薯仔 發表於 23-7-2024 23:23
我收到封係外判要求要每月銀行月結單，我打去中介佢叫我唔洗理，打去外判就無人聽，一日都試過打3次都無 ...

唔駛再打去問幫你搞破產果間中介喇，你成功頒咗令，佢唔會再理你啦。除非佢收咗你填年報/頒令後咨詢嘅錢啫。尤算佢話跟到畢業，都唔好信哂佢，始終最後話事/決定都喺受託人度，你問噃受託人最好最穩陣。
雙黃=石仔，睇師兄講，你想電話搵到人，最好朝早10點正/下午3時半至4時打去。搵到人就一次過問哂～月結單，年報同支出單要點畀佢。仲有石仔好亂，記得畀過咩佢都要自己留底，到畢業前佢實話你有欠佢嘢。

小薯仔

Anmi2019 發表於 24-7-2024 03:21
唔駛再打去問幫你搞破產果間中介喇，你成功頒咗令，佢唔會再理你啦。除非佢收咗你填年報/頒令後咨詢嘅錢 ...

多謝師姐意見，我會再打去問問，謝謝你 感覺心都定啲