有冇前人經驗？ 求救呀！急

50萬信用卡

有問題想請教前輩們
小弟準備破產
欠500k 有學貸 有銀行loan同卡數
計過債務重組，每個月俾$8000要還7.5年，選擇破產，屋企連同我4個人，父母買起左層樓，兩老退左休，一個有長生津一個冇，我同細佬同埋佢地一齊住，佢有工作，即係兩個細供養父母。
我做sales 要周圍走但得20k個月，返工搭車一日三餐仲有家用其實每個月用費都多，水電煤落阿爸阿媽名但我交，咁其實破產署要我每個月還幾多錢架？

我仲有啲問朋友借既然數要還$500k , 想還得到俾埋朋友，搵中介定直接搵律師？

我有問過間中介公司（應該係），個會計師話我直接老破好過重組，話俾9皮律師費幫我爭取每月還$3000-6000，又信唔信得過？

大家會唔會答到我既疑問？謝謝????????

Yuyuyuu

一見到9皮野就唔洗睇落去，騙案黎。破產就律師搞都係萬幾蚊ok。每月上繳數係靠自己同主任傾，律師唔會幫你。

貓女

講左9 萬次唔好搵中介佢地呃你地錢架...比9皮佢咪咁 ON 9 啦...
佢講咩化數..可以幫你傾還小D,,甚至唔駛還...全部坤9 你地D 唔知既人...

你既破產過程的4年..佢地根本無權利去幫你申請或爭取...因一切都要你既受托人話事的...
所有生活費支出都要有單據去支持

cftong

破產完全唔使搵律師搞，個程序真係好簡單，自己搞掂啦。
呢到大把人幫到你。

從新做人1000

千祈唔好比9皮，咪俾錢中介。破產自己搞/揾三姓啦。你揾2皮，每月上繳唔會多過8k 4年就完，快快搞破啦，你朋友個到每月慳啲使還一兩千俾佢四年後再還多啲囉

GG1338228

四年幾前我 3S 搞都係皮六，不過我個人建議可以 IVA 就 IVA，你努力工作搵多份 Part-time 增值下自己仲好

50萬信用卡

多謝咁多位，每個個上繳唔多過$8000係點黎架？ 交家用呢個冇收據 現金俾 好煩好徬徨

50萬信用卡

簽左約呀 賠違約金又2皮幾

wclun

50萬信用卡 發表於 25-6-2024 14:16
簽左約呀 賠違約金又2皮幾

可以去消費者告他

a981142

50萬信用卡 發表於 25-6-2024 14:16
簽左約呀 賠違約金又2皮幾

一蚊都唔好比,騙子黎,block左佢,嚇你咋嘛
單身一人預枇一萬左右,租又唔洗比,只水電煤仲要同細佬除2
供養父母(如果枇)又係除2,最多枇一萬多少少生活費比你啦

50萬信用卡

我仲有野想問，舉手是咪頭頭出糧會被凍結戶口 ？ 咁咪死得？  想問師兄師姐們我舉手最多還8k俾破署，係點計？講真水電煤呢啲真係老豆老母名，間居屋現值4-5百萬，2房單位…家用又唔係過數… 如果IVA都係$8000一個月還7.5年，咁我係咪唔應該破產，唔想冇保險牌，又唔想多制肘，又唔想冇得搭的士去旅行，又唔想冇得用信用卡… 搵現金糧既工好難呀！  我都肯肯定要搵Part time  但真係…現金糧同有得自動俾 搵既範圍好唔同！   呀仲有做完手術大半年 仲要做物理治療 次次都成千…仲有喎，電話費都成$400，會唔會俾佢話我太豪使 ????????????又違約個度應該點對付？ 做IVA又點好？

Incfhbvf

我覺得辛苦D搵多份PT， 順供最好
當一個月還10k，4年都還左480k
又無老破咁多限制

bjerrykmc

破產點解會搵會計師？就算做Iva都係搵律師做！你應為付個月8千你頂到既就Iva囉，頂唔到就舉手唔好諗！而話唔想無呢樣唔想無果樣，老友你唔諗下你個個月洗完左（或者賭大左）果陣？好啦，到而家因果關係嚟料又唔想咁樣樣，老友送一句俾你啦「有咁耐風流有咁耐折墮架」，舉手係想係唔駛俾人追數而錢點都要找，問題係你可以找到幾多（或者日薪），唔好天真諗住「我唔想」啦，面對現實啦

從新做人1000

50萬信用卡 發表於 25-6-2024 14:16
簽左約呀 賠違約金又2皮幾

中介簽左約？比左錢未先

Yuyuyuu

50萬信用卡 發表於 25-6-2024 15:53
我仲有野想問，舉手是咪頭頭出糧會被凍結戶口 ？ 咁咪死得？  想問師兄師姐們我舉手最多還8k俾破署，係點計 ...

收入穩定，有信心唔會斷供，咁你咪iva囉。iva定破產好無絕對答案，因人而異，自己衡量下值唔值得。

50萬信用卡

中介未俾錢架 簽左約左 原本約左星期四去見律師（中介轉介）

a981142

50萬信用卡 發表於 25-6-2024 15:53
我仲有野想問，舉手是咪頭頭出糧會被凍結戶口 ？ 咁咪死得？  想問師兄師姐們我舉手最多還8k俾破署，係點計 ...

iva 7.5年,破產4年,對tu影響差唔多
搭的士邊個知?去旅行咪話家人請
生活費到時會同你計,一定夠你基本生活