(分享) 自己由入學到傾生活費的心路歷程

接受現實

小弟4月初自己入學

首先準備文件 28C 同 表格3
入面大部份既內容 我都係跟住破產處網頁提供既註解填
係屋企將大部份睇得明既都預先填好
MPF名稱 成員編號 有幾多錢 記得提前打去問定
寫好哂之後 咁就上左去10樓既破產處
首先去到我先問窗口職員 拎左一份SAMPLE 拎住佢比既SAMPLE
每一項對返自己填既地方有無寫錯 如果寫錯左就用筆刪左佢再係旁邊簽名
對好哂之後 你再交比個職員 佢都會再幫你核對一次
然後就係交錢$9045 等宣誓 基本上都會教你
我自己就上破聯同YT 睇住宣誓完之後既流程要點做
7個站要去
1.破產署
2.高院會計部
3.高院登記處
4.108B
5.影印 (記得拎實體八達通)
6.高院登記處
7.破產署
完成呢7個站之後 當日就會拎到大家講既 NO. 會有3張紙 有你既破產編號 同埋你上庭既日子 仲有就係收到26頁加初步聆訊
之後就可以打去問你欠債既銀行或財務公司拎FAX NO. EMAIL 各種方法  然後將你既3頁紙NO. SEND比你既債主

當我SEND完 NO.之後 銀行既欠款就係寫信黎 有信用卡既就叫我剪卡交還比佢地
而VLEND 收到NO後幾日都會收到佢地打黎既電話 我都冇聽 最後收到個訊息話已收到破產文件 叫我打上去確認 然後佢地會順便會同你傾有無考慮拉長個還款唔洗走到破產之類.....
咁我確認完之後 由比NO.到上庭既一個半月 只有收到佢地既一封信話由某某人代佢地收欠款聯絡佢地 咁我就無理過就係咁等到上庭

呈請完1-2週後 會收到破署出既信
本人收到信係直接外判
關於跟主任或外判或殺手 可以搵返之前師兄/姐既文 我都係睇佢地寫得好清楚
可以係破產需知入面既其他須知裡面有好多文章可以睇到 自己去參考

上庭當日

可以搵返自己上庭既地方係幾樓 唔明可以比你既NO.去詢問處到問 然後請準時上到去等
當日我10點開庭 不過都等左一個鍾 可能因為人數很多 全場坐滿人仲有人無位坐要企
咁入到去坐好 就會開始等叫名

第一批 有意取消破產既人再確定多次係咪唔想破產 唔想破既人會退返部份既費用 然後法官確認之後就會叫佢地離開
第二批 叫一D填錯資料 要重新填既人跟個職員出去 再重新約時間上庭
第三批 可能填既資料有唔清楚或者有疑問既一個一個企出黎問問題 解答完就可以

完成之後 法官就會講D破產相關既野 會再問一次係咪無人想取消破產
然後就叫名 企手嗌到 叫哂法官就會話正式判大家破產 由呢一刻開始破產令就會開始

頒令完之後
我大約第5日先收到破產署寄比我關於外判既資料
收到之後只要打上去同佢地約返個時間就可以
當我收到信既時候 見到公司名叫XX債務管X公司(2個負責人都係姓黃) 4樓 而搵唔到太多資料
咁我一直搵既情況下搵到3樓既竟然係"石仔"(殺手之一)(佢地一樣2個負責人都係姓黃)
初初我都擔心....直接外判點解會係同石仔有關....今次大獲喇
但可能始終係直接外判 我當日打上去就已經約好時間上去傾生活費同交表 同埋拎開戶信 約左既時間大約1-2星期左右
淨係要我帶既文件只有水電煤上網電話管理費 其他乜都唔洗
因為唔係跟石仔所以無最少半年以上先會同你傾生活費呢個問題

到正式上去傾生活費
整個過程好順利 好簡單咁問 無問D錢洗左去邊 點解破產講左個原因比佢就OK
然後就係簽名簽名簽名
我單身 一個人住屋企人物業 無屋企人要養
水電煤
管理費
電話費
上網費
家庭開支
個人開支
食飯
交通
基本上寫既都批足 但因為物業係屋企人 差餉佢唔批比我
最後批多個醫療費我 咁佢加加減減 最後批左1萬蚊左右比我
因為我收入唔穩定
佢就話 當月收入超過就交 唔超過就唔洗交 有任何變動就EMAIL或FAX
每個月EMAIL或FAX返收入比佢就可以 如果人工高左就約時間重新傾過生活費
任何離港2日以上 一樣EMAIL 或 FAX 寫清楚費用邊個出 聯絡電話係咩就得
最後比埋4張年報 佢話只需要每年交張年表比佢就得 其他單全部都唔需要

大家未破又或者等緊頒令既 過程可能會好擔心或者會諗好多野
我呈請前都係驚呢樣驚個樣 但由交完NO.之後睇返成個過程
原來都係嚇自己 依家可以正常生活 正常儲錢 唔洗再爬山
成個人完全輕鬆哂
最後我應該算係跟到一個好外判 希望4年好快就過 大家共勉之

Kinglee

加油

cftong

咁即你係唔係殺手？ 所以一切合情合理合法順利入學，恭喜！

Idrplu

師兄單人結果上繳同人工幾多？ 我人工19000 己婚最後都要上繳4500 但住太太樓

Stevereal

Idrplu 發表於 14-6-2024 09:12
師兄單人結果上繳同人工幾多？ 我人工19000 己婚最後都要上繳4500 但住太太樓 ...

師兄 請問你住太太樓   太太樓有沒有被釘契?

失意中

好文，不過才一萬生活費，4年比成20幾萬，比著我唔柒比

Idrplu

Stevereal 發表於 14-6-2024 09:43
師兄 請問你住太太樓   太太樓有沒有被釘契?

暫時無 佢都無問我拎太太任何資料

從新做人1000

樓主 4樓都係石仔喎，你指負責人姓黃係咪黃嘉錫呢，就係石仔了。咁都好好喎，冇為難咁順利又咁快有得傾生活費。我都係跟石，大家加油，我仲有3年就完，準時供款佢就唔會煩你

失意中

從新做人1000 發表於 14-6-2024 11:33
樓主 4樓都係石仔喎，你指負責人姓黃係咪黃嘉錫呢，就係石仔了。咁都好好喎，冇為難咁順利又咁快有得傾生活 ...

完全唔做嘢，同做幾千蚊兼職，唔知會唔會搞你？？

最後生還者

批一萬咁少？

從新做人1000

失意中 發表於 14-6-2024 13:20
完全唔做嘢，同做幾千蚊兼職，唔知會唔會搞你？？

咁又唔好講到啲外判係爛仔咁：）點會搞你，最多煩下你叫你揾工咁掛。咁係冇人請佢都咬你唔食架係咪？咪比啲揾工證明hea 下佢地囉。唔破都破左喇，還唔到錢比債主佢地就真係搞你喇。

接受現實

從新做人1000 發表於 14-6-2024 11:33
樓主 4樓都係石仔喎，你指負責人姓黃係咪黃嘉錫呢，就係石仔了。咁都好好喎，冇為難咁順利又咁快有得傾生活 ...

4樓應該算係佢地既分公司

3樓係黃+錫 + 黃+霖
4樓係黃+霖 + 黃+振

但我見個日完全正正常常 因為我係直接外判 冇大會開
所以情況唔一樣

接受現實

Idrplu 發表於 14-6-2024 09:12
師兄單人結果上繳同人工幾多？ 我人工19000 己婚最後都要上繳4500 但住太太樓 ...

人工浮動 0上繳 原因就唔講了 自己諗
我單身又唔洗租 雖然只係批一萬
但過程無任何留難 好多原本填少左既 佢又自動加比我
初初以為批唔到一萬TIM

失意中

從新做人1000 發表於 14-6-2024 18:14
咁又唔好講到啲外判係爛仔咁：）點會搞你，最多煩下你叫你揾工咁掛。咁係冇人請佢都咬你唔食架係咪？咪比 ...

我有人養，點解要我搵工？？其實我諗極都唔明

lovehins4ever

多謝分享... 加油????

明天會變好

請問師兄，攞開戶信要咁耐？我趕住要個戶口月尾出糧。。

Zxfeb999

如果你跟主任三日內可以攞到信

square3207

加油師兄。

square3207

從新做人1000 發表於 14-6-2024 11:33
樓主 4樓都係石仔喎，你指負責人姓黃係咪黃嘉錫呢，就係石仔了。咁都好好喎，冇為難咁順利又咁快有得傾生活 ...

石仔感覺上仲衰過李周。無啦啦都凍你戶口。搵又搵唔到佢。

Jjai

Ching ,我睇你d Post 自己入學的，方便add tg 交流？