請給予小弟少少意見

sonosnlung

睇完你地所寫既資料，非常之好，令我更加了解破產既事項，不過都希望你地能夠俾少少意見小弟

話說小弟11，12年前爭落一大筆卡數同 Loan，本金大約 30 萬左右喇，之後就一走了之，其後我都知佢地一路都有去我爸媽家度追數，但係一路都搵唔到，之後都停o左幾年都搵過我(冇人上o黎，派信、打電話等等方式)，但係日前唔知點解佢地搵到我公司電話，打o左o黎我公司度，我而家真係唔知應該點做好，咁而家想問

1. 我既數佢地係咪仲有權追我，因事隔至今都已經有11，12年，如果係有權，咁我係咪仲有法律責任要還呢??(佢地應該係冇訪過法律途徑去追我還)

2. 自問就真係冇咁既能力還o架喇，如果我攪破產，我點樣可以搵晒以往既卡數及 Loan 呢?? (因為而家追緊數o個間，只係替其中一間銀行追，咁其他既就未有追)

3. 如果我連申請破產既費用都拎唔到出o黎，咁我係咪唔可以申請破產??(因小弟人工唔高，只係岩岩好做到收支平衡)


thx 你地既幫手

zbridgehead

你呢的問題先至有質素，知你問乜X野，其他個的叫打多幾隻字都阿芝阿佐！

11，12年前爭落一大筆卡數同 Loan，本金大約 30 萬....................

1.話就話欠款超過六、七年，銀行無權追，不過賣左俾收數，班"屎虫"唔會理你，照追！

2.去環聯資訊公司搵番自己欠債記錄，詳細去破產須知搵，搵唔到我再幫你同梆鞋帶！

3.唔駛咁快諗老破，呢到有我..................同其他兄弟姊妹"撐"你！

暫時一間收數搵你姐，應該係搵到你MPF的資料才搵到你！

301

參考轉貼案例....

根據香港法例第 347 章《時效條例》第4條「有關合約及侵權行為的 訴訟以及某些其他訴訟的時效」，民事索償的追溯期限為6年 ，即提出訴訟者必須在事件發生後6年內作出追討，否則法庭不會受理 。





但……






法律界人士梁永鏗表示，雖然《時效條例》規定，債主不能於 6 年後再 向債仔追債，但並不代表能成為債仔避債藉口。因為只要債主於 6 年內 曾採取法律行動追討，即使債仔其間不斷搬屋避債，債主便不受該條例 所規限。


何謂法律行動，如債主於第 5 年第 11 個月入稟小額錢債審裁處 ，又或其間向法庭申請代替通知命令（substitute service order），於法庭認可報章刊登欠債聲明，事後債仔若仍未有還款 ，債主便可向法庭申請判令，判債仔須繳付債項，這樣便不受 《時效條例》約束。


而且萬一超出 6 年時限 ，受《時效條例》約束，只代表債主不能透 過法庭追討，債主仍可私下以合法途徑追收；而且若債主能證實債仔刻 意避債，如不斷搬屋，其間又在多間銀行有欠款等，便屬刑事罪行 ；且債主亦能引用《破產條 例》申請債仔破產。


參考資料 蘋果日報 20060806

zbridgehead

補充：頭先篇野用左我返工時間20分鐘，希望幫倒你！

gpo4074

補充:
http://www1.hk.apple.nextmedia.c ... &art_id=6193230

http://www1.hk.apple.nextmedia.c ... &art_id=6193231

301

連申請破產既費用都拎唔到出o黎，

咁當然係申請唔到破產.

admin

1. 樓主話借個時係 11 年前並唔係上次追數係 11 年前。所以樓主可能並不可以引用時效條例。

2. 樓主其實唔知債主有無係呢個期間出過公告追數。同埋當中債主有無出過信。

sonosnlung

多謝各位既解答，岩岩去完環聯同埋民政署返o黎，拎o左份資料返o黎喇，見到全部都已經歸類為『撇帳賬戶』，其實想問只係代表銀行將呢筆數撇除呀??還是抑或有其他意思呢???

同埋想問下信貸評分個級別係點分類既呢??

sonosnlung

原帖由 admin 於 2009-7-14 13:31 發表
1. 樓主話借個時係 11 年前並唔係上次追數係 11 年前。所以樓主可能並不可以引用時效條例。

2. 樓主其實唔知債主有無係呢個期間出過公告追數。同埋當中債主有無出過信。 ...

全中~~~~

sonosnlung

我又有問題要問喇

我想問我而家撲緊個一萬蚊o黎攪破產，但係係呢段撲水期間，可以點樣對付d追數電話呢??
因為而家佢地日日都打o黎我公司，雖然我老細都知，但係咁樣亦唔係辦法，有冇d兄弟姊妹可以
教下路呀??

sonosnlung

同埋想加多條問題，本o黎想 edit 番落 #10 篇o野度，但係佢話我過o左 20 分鐘唔俾我 edit．．

咁想請問醫療費係唔係會實報實銷o架????因為我自己有份傷殘津貼，但係每年只需返一次醫院度俾醫生簽名續期，其餘時間都不需要睇醫生的，咁請問我係咪唔可以填落醫療費入面o架??

301

原帖由 sonosnlung 於 2009-7-16 20:52 發表
我又有問題要問喇

我想問我而家撲緊個一萬蚊o黎攪破產，但係係呢段撲水期間，可以點樣對付d追數電話呢??
因為而家佢地日日都打o黎我公司，雖然我老細都知，但係咁樣亦唔係辦法，有冇d兄弟姊妹可以
教下路呀?? ...

被追數明刀明槍唔駛驚, 上門者佢驚過你, 多數兩人一組, 一個匿埋轉角先. 最無聊乃滋擾咨詢人, 佢無得益但又令債仔 難為嗜,佢地好醒 唔會留下線索比你知哪間, 無仇報也.

ely07

301服務公司:你嘅破產資料庫有齊好多料喎.真係Very Good

sonosnlung

佢上門我反而唔驚wor，我大把招數玩死佢，最好佢就擺明刀馬o黎我屋企搵我
但係而家佢剩係識打o黎我公司，呢招我就真係完全冇還架之力

301

原帖由 sonosnlung 於 2009-7-16 20:52 發表
我又有問題要問喇

我想問我而家撲緊個一萬蚊o黎攪破產，但係係呢段撲水期間，可以點樣對付d追數電話呢??
因為而家佢地日日都打o黎我公司，雖然我老細都知，但係咁樣亦唔係辦法，有冇d兄弟姊妹可以
教下路呀?? ...

Go to ===>>債主臨門

301

總言之,

銀行 又好;
財仔 又好;

兩句講晒 : 愈大間愈唔追, 細細間愈死追,

(呢個情況比多年前已改善左好多,大間既識做左唔追)
(當然是破產呈報後.)


##本人與多間小財有仇, 不便說明.
  (向放債人牌照科公司註冊處投訴熟晒) ##

lok196305

追數個的係你愈驚佢,佢愈變態架,粗口爛舌,大聲夾惡,一日我己頂唔順.

301

送你....湛山草堂贈飲卷..完全免費
大家飲杯涼茶, 下左啖火喇.

http://www.hkiva.org/viewthread.php?tid=2160&extra=page%3D1