今日收到信外判叫我返香港見佢

hellohi

今日剛剛收到信，外判要求我下星期三返到香港見佢！
我今年九月將會畢業，啱啱到外國生活大約半年，佢突然要我返去話接受訊問同埋提供資料，明明今年九月交年報的時候已經畀晒資料佢。究竟佢想點？
因為由上年四月開始到而家我都沒有供款因為沒有工作。來到外國之後亦都未有工作，佢係唔係唔信我唔搵唔到野做？無啦啦又要洗一筆錢買機票返香港感到十分困擾，但信裏面講我必須出席會議，否則即屬藐視法庭。

hellohi

外判係李周

cococake

你本身係移民定工作假期？你就快完破產理倫上佢一定會見你一次。

hellohi

我係移民過去，差唔多有一年冇工作所以沒有供款。呢排聽啲C兄講話佢哋會對臨畢業嘅人略得就略！刮得幾多得幾多，如果唔係就當你唔合作，唔俾不反對通知書你，所以有啲擔心

cococake

你都移左民，如果你唔會返香港又怕什麼？

cococake

當然如果你知道自己會再返香港定居，咁你就要乖乖地回來受審吧！

hellohi

如果我唔返佢哋可以話我唔合作而加我監，況且一日唔解破，我亦都唔可以攞返我嘅強積金

hellohi

我真係好想好想盡快解脫，每次一收到佢哋寄來嘅信真係瞓都瞓唔着

hellohi

同埋我刨文見到李周通常叫差唔多仲有一兩個月解破嘅人上去，好少好似我咁仲有成半年至畢業上去

lai

你應該打電話問下佢搵你有咩事，可唔可以喺電話度處理，或者視像會議，同佢講依家冇嘢做，冇錢買機票返香港

admin

1. 外判會面唔係法庭
2. 最多話你唔合作，加刑，但係你有權反對
3. 你都移民，怕乜呢？

hellohi

因為我想順利解破，快d攞返d強積金，始終係外地生活想有多個錢傍身

hellohi

李周嘅電話好難打但終於搵到個職員，佢教我寫返封信解釋點解不能出席會議然後再等通知

Sevendown

想請問樓主有冇同外判講你移左民架？ 如果破嗰四年唔係香港，乜唔係會加返唔係香港既時間架咩？ 唔好意思呀，想了解下，因為屋企人準備搞移民，我怕比佢地知我破左產，又怕如果唔理，照樣出國，到返香港時比人拉，又係穿煲，我計過佢地移民時我應該大約仲有一年

欠一百萬

Sevendown 發表於 5-3-2019 03:24
想請問樓主有冇同外判講你移左民架？ 如果破嗰四年唔係香港，乜唔係會加返唔係香港既時間架咩？ 唔好意思呀 ...

你家人申請移民, 如果過程要申報破產事宜, 而又沒有披露, 即係虛報.

假若你移民的國家接受曾經或正在破產者, 但你都要過破署個關, 破產期未滿, 好少會批准你移民.

Sevendown

破產係我自己個人問題，移民係屋企人決定，我申請破產時都唔知佢地有甘既打算架

depressman

破處無權阻你移民。這是你基本法權利。佢最多話你不合作加刑。但點都好8年自動解破。