關於債權人申請其債務人破產

HMVEN

當各位睇以下問題前，先講聲唔好意思，本人(我)o係度睇左好一陣文，但都好似搵唔到正式既詳細版規，我相信依度既會員大部份都係曾破產既人，但我係另一類既苦主，希望我既問題唔會犯規。
故仔太長，我就不細說了，簡單而言，我私人借左錢俾人，小額錢債勝訴佢都仲係有拖無還，我唔想再同依個無賴糾纏落去，但我亦唔想個無賴就咁逍遙快活，所以我想申請佢破產。

而我有d細節想請教:
1.關於申請上，如本人以債權人身份申請債務人破產，資料上僅提供債務人名稱，身份證號碼及住址，及其欠債證明。一般而言是否足夠申請成功？
2.假如債務人申請個人自願安排，我所交出的一萬多元申請費用會否可能獲部份發還，又或者由債務人承擔等等？
3.如債務人成功破產後，其僅餘資產將分還給各債權人，雖然件事拖左好耐，佢可能已事先將資產轉移，但我都想問下，其資產的分還方式是怎樣？除了按比例外，好像還有分先後次序的？

暫時諗到既問題係咁多，希望有人可以解答，謝謝。

Alex2233

你做呢樣野之前，要肯定佢仲有貨比你分
換言之：佢仲有資產/有可觀收入

否則如頒令後破產署判佢一蚊都冇得還，你連申請費都蝕埋，

你識上黎呢個無賴聯盟，我比到你既意見正正因為我就係果d無賴

HMVEN

每個人都有自己既故事，破產既原因都唔同，無人話過你係無賴，請唔好對號入座，亦請唔好自行將其他人“被對號入座”。 我知道有機會蝕埋，但我面對緊既就係值得我咁做既無賴，我話過故仔好長，無必要就唔講，如果影響到你心情既我就講多句。   我為左依個無賴，佢明知都仲要我揾財仔借錢黎幫佢，到頭來你發現佢呃緊你，然後一直有錢買野都無錢還俾你，而你呢，仲要做多份parttime 去還錢。 你仲要對號入座嘛?

Alex2233

我無賴過佢好多架，話明無賴，洗乜怕認！
我冇興趣理你地邊個既情操高尚d
我響呢個論壇從來唔放道德觀念去討論，你信錯人同我無關係

我重視既野：係under法律框架下，爭取錢同利益

你認為佢根本大把錢，只係收埋唔還，入完佢紙係有得分，即係對你有利益喎，就緊係去做啦，
只不過，如果佢根本乜資產都冇，d錢洗晒輸晒，呢一個moment佢係清晒袋，仲打緊份9000既工或者失業/綜援，
你唔好諗住可以拎得番乜野錢 （除非你有證據指控佢之前既款項涉及刑事破產）

你晒多萬幾蚊申請佢破產，只係幫佢掛個破產名，發洩一下，值唔值得拎去'發洩'，就睇你啦

admin

樓主，破人處有好多程序。我破得處女多，所以…

哎，講左個秘密出來天…

你去 google search 下，法定償還

就知道成個程序。

flypig

1.關於申請上，如本人以債權人身份申請債務人破產，資料上僅提供債務人名稱，身份證號碼及住址，及其欠債證明。一般而言是否足夠申請成功？
NG....破署個LINK 寫得好清楚.跟足就得.
2.假如債務人申請個人自願安排，我所交出的一萬多元申請費用會否可能獲部份發還，又或者由債務人承擔等等？
Forget it. 我睇唔到邊條條文話有水回.
你去要求一項服務,你要科水. 仲諗住個萬幾有得回. SIDE GAS!!!
3.如債務人成功破產後，其僅餘資產將分還給各債權人，雖然件事拖左好耐，佢可能已事先將資產轉移，但我都想問下，其資產的分還方式是怎樣？除了按比例外，好像還有分先後次序的？
清盤公司有清楚的還款次序.
http://hk.apple.nextmedia.com/financeestate/art/20040924/4328786

我估,政府,有抵押 LOAN 優先.僱員優先.然後先到
其他債權人.
http://www.legislation.gov.hk/bl ... 1031DE?OpenDocument

flypig

其實對方欠你幾多???
小額錢債都係 50K 樓下...

去告人隨時用左10K 去幫佢.
我申破時幾希望有你呢D 真正朋友送我一程.

忠告係:
搞清楚對方有無水回先.
如果佢係重數組(most likely)佢等緊你出手.
如果佢有水唔還或仲有能力斑水,呢招先可能有用.

申佢破之前要3C.
唔係就 笑大對家個口喇隨時.

flypig

Alex2233 發表於 5-7-2016 00:23
我無賴過佢好多架，話明無賴，洗乜怕認！
我冇興趣理你地邊個既情操高尚d
我響呢個論壇從來唔放道德觀念去 ...

想問你,
你臨申破之前,有無發過夢,
希望有個黑武士申你破,自己就可以省番10K

我當時真係諗過尼.

被申破有兩大好處.
一係省番10K 喇.
二都好重要,就係被告詐騙機會大減.我今日去5間財務借錢,聽日你申我破,
我合法都仲得. 完全無咩要清3期的考慮添.

flypig

HMVEN 發表於 4-7-2016 23:44
每個人都有自己既故事，破產既原因都唔同，無人話過你係無賴，請唔好對號入座，亦請唔好自行將其他人“被對 ...

我明,我真係明.
問人借錢唔還係好衰仔.
你條氣實CHOK 住.
但你要明白香港法律.
錢債官司,錢係人地手者蝕底.
父母爭撫養權,男方蝕底.
拳頭交,打輸者(俾人打者)蝕底

今次借錢俾人,當買個教訓.下次小心D.

HMVEN

多謝樓上所有人既回覆先，特別係flypig。
雖然對大家可能唔重要，不過都講聲，
佢爭我45k，關於還款優先權問題基於係申請對方個人破產，而對方亦無擁有公司同物業，應該無咩可以抵押loan，
咁應該除非佢有政府學費loan，否則理應只要佢有資產我就有得分？當然啦，我唔會知佢有冇其他街數，到時會分成點。

而當然大前題係佢有錢淨先算，我確認唔到佢有冇錢淨，雖然佢話自己番緊工，但就一直講唔通點解無錢還，係$1都無，所以我估就算出糧有淨都刻意過哂d錢俾屋企人，照道理上我都係分唔到？
依家係睇佢想唔想掛住個破產名，同埋未來4年既佢如果打算正常工作既話，我都或許有錢分。當然我明白，唔做野/低收入etc 既情況就無計既……

cc4321

我覺得你要先了解佢有幾多有價值資產,例如車,樓,股票咁足以抵償欠你債務,否則你要出錢搞破產,如果佢收入唔高甚至低過生活費,你四年內得到可能係零

flypig

HMVEN 發表於 5-7-2016 11:58
多謝樓上所有人既回覆先，特別係flypig。
雖然對大家可能唔重要，不過都講聲，
佢爭我45k，關於還款優先權 ...

呢D CASE,好難講.
不過我估,
如果佢街數(指銀行數)過30個,破硬.
少於20個,有機會 拎舊錢出黎.但都要有先得.
真係視乎佢屋企幫唔幫手.
呢D 友仔周圍借,有就洗哂.想佢有水唔易.

你申佢破唔會優先.政府優先.你排最後.
至於破後,佢仲唔計到剛剛好唔駛還先至出奇喇.
有錢都唔益你係基本策略.

你應該去查下佢屋企有無水......
一係佢就撲到45K ,一係 就順勢老破.
或者佢去銀行借45K 俾你O既,呢D野佢先知喇.

Alex2233

flypig 發表於 5-7-2016 10:01
想問你,
你臨申破之前,有無發過夢,
希望有個黑武士申你破,自己就可以省番10K

簡直恨到爆啦

入紙前一個月，拖數拖足成個月，一出糧先入到紙



銀行點會咁傻幫我

除非我有兩間豪宅，但出面生意蝕緊幾十億，

咁銀行就梗係要手快有手慢冇

兩間就兩間，都要掠埋先，唔係隨時果兩間都冇埋


所以最重要係：知道對方底細

唔係根本對佢冇作用什至幫埋佢