想問我個CASE做唔做到DRP/IDRP

jacksonpun

想請教我的個案做唔做到DRP/IDRP?

月入平均約3萬1, 未扣MPF (頭2個月, 27000/月, 每第3個月, 出多12000, 即39,000)
我欠債如下:-
渣X : 2張信用卡, 內含信用卡分期, 總數約250K
恆X : 2張信用卡, 內含信用卡分期, 總數約127K
星X : P.LOAN, 分48期, 還左17期, 總數約326K
Aexn : 1張信用卡分期, 分24期, 還左12期, 總數約10K
大X : 1張信用卡, 總數5K

剛新做的信用卡分期:
中X : 分48期, 總數45K
星X : 分36期, 總數35K

總欠債: 約800K, 月薪26倍 (其餘有D每月信用卡AUTO PAY, 約2K/月, 月月清)
我大X, 同Aexn可以自己還到, 但都係細數, 大數果D仲有冇得做DRP??

我有諗過自己做DRP/IDRP, 但又怕失敗左, 銀行要我即刻還錢, 但又真係唔想搞破產
我可以做到每月還13K, 分6年以上還, 唔知成功率高唔高

paco35

正路係駛幾千蚊揾律師做drp,  你全部大行做到機會高，但個數未必如你所願，唔滿意個數隨即做破產就心息，因為係最好解決辦法，咁多條數，抵破啦

jacksonpun

paco35 發表於 25-6-2016 17:48
正路係駛幾千蚊揾律師做drp,  你全部大行做到機會高，但個數未必如你所願，唔滿意個數隨即做破產就心息，因 ...

多謝解答, 我會正經找律師處理

paco35

jacksonpun 發表於 25-6-2016 18:49
多謝解答, 請教邊間律師做會好D? 可以PM我, 睇呢度的人多數話3姓唔好

間間差不多，唔好揾左中介就得

singleboyisme

一定做到，但還13k一個月就要睇你正常生活費點用，我誇張過你，我月入23k欠1150k都做到，月供13k供9年

singleboyisme

家家有本難念的經，我最後選了老破!4年過後未又正常返，我無 專業人士牌照， 所以我覺得 影響不大。 唯獨最大影響，就係我求左婚的未來老婆成家都立即遠離我。

admin

jacksonpun 發表於 25-6-2016 18:49
多謝解答, 請教邊間律師做會好D? 可以PM我, 睇呢度的人多數話3姓唔好

你想玩 pm。我建議你去玩 gmail 或者 yahoo。佢地個 email 系統一定 arm 你。

admin

jacksonpun 發表於 25-6-2016 18:49
多謝解答, 請教邊間律師做會好D? 可以PM我, 睇呢度的人多數話3姓唔好

唔好意思，而家先睇到你犯左天條。 88

admin

凡pm 6c 中介者ban

jacksonpun

admin 發表於 27-6-2016 23:13
唔好意思，而家先睇到你犯左天條。 88

多謝ADMIN大佬解封, 我會改番我D POST

jacksonpun

singleboyisme 發表於 27-6-2016 22:51
一定做到，但還13k一個月就要睇你正常生活費點用，我誇張過你，我月入23k欠1150k都做到，月供13k供9年 ...

咁大條數都做到... 呢點對我好有鼓勵, 請問你當初係咪獅子做IDRP??

jacksonpun

先更新一下我的情況, 星期六日心緒不寧, 坐立不安, 睇晒呢度的個案, 加係出面睇到的資料, 成功做idrp都係獅子銀行, 我d數偏偏無獅子
我本意希望係做idrp, 對家我對一個, 其他由牽頭果間銀行搞, 想自己搵銀行做idrp, 又怕行錯左一步, 搞到我個情況越整越衰

參考左其中網友的情況, 終於琴日鼓起勇氣搵3姓律師免費咨詢我的情況
我可以講, 佢地做野係要穩陣, 你邊d數有機會唔得, 有咩情況唔得會直接同我講

好似我新做的分期, 佢地一睇已經講有問題, 太新, 中x佔我總債務少, 其實係唔得, 但可以唔使理, 75%債權人同意問題
而星x有機會因為我條新數, 未必肯同我做drp, 而佢佔我總債務最多

於是佢建議都係由恆x做idrp, 佢會咁樣幫我處理我的個案
跟住我再請教佢, 我其他銀行做唔到idrp? 星x先係我最大債權人
佢話唔係間間銀行有idrp, 我d數黎講, 得大x 同 恆x 先有 idrp (呢點真係希望分享出黎俾人, 好多人包括我都有呢個疑問), 咁我的個案就應該由恆x做

之後我同佢傾d新數, 佢叫我處理星x條新數, 少樣障礙, 批都易批d

同佢傾完, 坦白講, 唔可以話無用, 只可以講佢地好穩陣, 佢叫我清星x新數, 要仲有現錢的人先可以做
對於一d走投無路的人, 你上去佢真係幫唔到你, 因為會同你講呢樣唔得, 果樣唔得, 可能自己問銀行博一博會好d

事實上我都唔夠錢做, 最後都係要同屋企人講我出左問題, 當然令佢地好難過啦, 我好唔安落......
已經幫過我一次了, 但以前衰左果一次, 數太大, 唔敢同佢地講咁多, 只請佢地幫部分, 自己數冚數以為可以慢慢處理
但呢個方法係超錯...... 所以我想留呢件事係度做紀錄, 提醒自己, 提醒後來的人
真係要正確解決問題, 拖落去只會越整越衰

屋企人肯幫我處理星x, 甚至中x新數, 佢地想幫我清左先, 其餘會請律師留番做idrp, 即係3間銀行(星x, 渣x, 恆x)
現在先清理大x, aexn數, 等星x, 中x確認我申請提早清還後, 再清左呢2條, 之後再請律師幫我搞

比起律師同自己搵銀行傾, 我選擇俾錢律師做, 我信佢地應該識得點樣砌我個情況俾銀行易批d, 始終恆x出名怕死....怕佢地認為我個案風險太大, 唔肯做

我之後會再更新我的情況, 希望恆x肯幫我搞idrp, 其他2間銀行同意......

singleboyisme

打去問欠最 大數目的銀行，多數都有，因係大行。。。。不過我 建議先pau文，破聯有好多 資料可以參詳

jacksonpun

singleboyisme 發表於 28-6-2016 16:02
打去問欠最 大數目的銀行，多數都有，因係大行。。。。不過我 建議先pau文，破聯有好多 資料可以參詳 ...

多謝你回覆, 已經爬過文了, 想有牽頭銀行做drp, 呢度都係講獅子銀行
其他都係隱約叫遂間銀行去問drp, 如果律師行講真的, 做idrp的銀行應該真係唔多

反而遂間傾drp, 我睇過呢度資料也相信好多大細行應該有, 但我想一條數過, 以後對一間銀行還錢, 因為息同年期係一樣會易控制d

知道c兄你最後要破, 應該真係無得揀先行呢步, 中間痛苦我身同感受, 希望c兄捱完幾年重新做人

singleboyisme

其實你都可以念吓IVA呀!  我好辛苦，就係唔想比另一半知我咁，我選擇自己處理。成日發脾氣，二家一無所有。。。好在你有家人支援，不過要留意IDRP&DRP係銀行角度係要你無多如錢用，你扣左生活費之後所有錢都要還比佢，年期同息囗要CHECK清楚，如果唔係可能好易頂唔住

singleboyisme

問心我23-25K一個月之前還都還20K咩多餘錢都無，二家破左，雖未知要上繳幾多，但起碼我可以盡到一個仔的責任，唔係無就問家人攞。係無的士，無私家車。但二家返工放工個部車重貴過之前個部車。(知足常樂呀CHING)

jacksonpun

係, 家人幫手的確好緊要, 最先有事時就應該要用正確方法處理
早D處理, 對家人另一半都好, 當然佢地未必會體諒, 但好過雪球越滾越大, 祝c兄捱過幾年重生, 共勉之

至於我的供款, 一切都要等銀行覆做唔做先知, 希望到時順順利利,
亦希望係律師搞, 會再順利d, 又做我想要的供款....