想請問有關破產後出國的問題!!

妹妹仔

如果唔係去外國工作而係讀書,
學費生活費用全由家人支付,
亦唔打算在當地兼職打工,
如果有需要在當地開戶口以用來家人匯錢過來,交屋租學費等,
要唔要好似o係香港咁,要咩證明書先開得,
如果唔洗就咁開有無問題的??

另外一去就起碼一年,可能要一年後先返得來一次報周年表之類,
會唔會因為太長時間個官會唔批我出國的呢??

還有如果只是有計劃出國讀書,
真的要去也可能是一年後的事,即在破產期期間,
那我申請破產見官時應否先向他說有此計劃,
還是到正式實行搞手續前才通知比較好呢??

希望各位可幫忙解答!!!

kinha126

呢o的我就真係唔知道了... 唔敢亂答...= =

只係想話... 您屋企很有 $$$ 呢...
羡煞旁人...= =~~

老柴

原帖由 kinha126 於 2009-5-29 12:34 發表
呢o的我就真係唔知道了... 唔敢亂答...= =

只係想話... 您屋企很有 $$$ 呢...
羡煞旁人...= =~~

如果屋企有咁大支持，不如同你屋企人商量吓，唔好搞破產好過...
因為你有心讀書的話，幾時都可以讀。

bb_q_888

你呢問題聽落好好咁...不過世事邊有咁如意?

我睇過段新聞.... (同你有d唔同)

有個人佢破產期間去左外國"唔知攪咩",

跟到左四年再回來,破署對佢好好無告佢...但係要從新再計"四年破產期"~

你如果係香港讀就無咩問題,但外國....你真係要問清楚先攪...

IRENE

今日去黃x安律師交文件,講到出國問題,佢話出國已經晤需要報,但如果破產處或受託人要接見你,你就要隨傳隨到,多數都係寄信到你的通訊地址同有一個月嘅時間比你喎!

reborn

如果真係要出國, 預先同負責你個ｃａｓｅ嘅主任覆一覆保障你自己啲
而我嗰個話去一個月以上就要報！

妹妹仔

其實我本身筆負債屋企都唔係好幫到我的,
但佢地話如果我真係唔想走到破產,
佢地可能要去銀行或問人借,
咁其實又係一次迴環,最後可能連屋企人都唔掂!!
所以我同屋企人商量過如其用筆錢來還債,
不如用筆錢來讀書好過,而且我之後都要還比佢地的!!
錢既然都要洗不如洗得有價值o的,
雖然破產有好多不便,但要屋企人將筆錢掉落海,
就算可以繼續以往生活,但心裡都會唔好受!!

而點解我要選擇去外國讀, 因為我想讀o既o係外國先有,
o係香港可能都有得讀,但一定唔會有去外國讀咁好,
而且我就係o係香港讀過知唔掂才更想去外國讀呢!!
我也是為了將來著想, 這次金融海潚的經驗,
深深令我感受到自己的不足, 加上這次破產的教訓,
我相信這是個很好的機會去磨練自己!!
而且家人亦很支持我,
老實說,我家真的不有錢,但他們知我真的很有決心,
亦相信我會努力,所以才答應我的!!

其實我之前也有問過社工,
基本家人付錢出國讀書是沒問題的,
也有說可能會延長破產期,
但既然這4年在香港也是這樣過,
倒不如趁自己還算年輕還有好好的學習能力時去,
好過捱過4年後,心態可能已不同,學習能力可能也大不如前,
最後可能連出國讀書的諗頭也放棄,繼續以往沒有目標的生活,
如是這樣我寧願再多捱4年好過了,
起碼讀書回來後的生活總會比現在好,
不只是人工上,還有出國所見識的學到的,
在香港一定找不到!!

妹妹仔

原帖由 reborn 於 2009-5-30 00:30 發表
如果真係要出國, 預先同負責你個ｃａｓｅ嘅主任覆一覆保障你自己啲
而我嗰個話去一個月以上就要報！

這個我一定會同個主任講,
我真的是想去好好讀書,所以我會講清楚所有情況比佢知的,
而且我要去也是一年後的事,
這段期間我也會找工作,有餘款會照還錢,安安份份的!!

我只係唔知幾時話比佢知好o的,
因為我o岩o岩先搞破產,
仲排緊期,如果太早話比個官知有咁計劃會唔會好奇怪,
因為我咩資料都未有,讀邊間學校,到時住邊電話幾號都未決定!!
但準備哂先通知又怕佢會覺得我早有安排,
驚佢會以為我係有意想暪佢!!
真係唔知到底幾時講好!!

妹妹仔

原帖由 IRENE 於 2009-5-30 00:17 發表
今日去黃x安律師交文件,講到出國問題,佢話出國已經晤需要報,但如果破產處或受託人要接見你,你就要隨傳隨到,多數都係寄信到你的通訊地址同有一個月嘅時間比你喎! ...

其實我同常暑假可以返香港一次的,
而且我暫時可能只會讀一年,
因為屋企人只夠供我讀一年而已,
如有機會申請到獎學金才決定繼唔繼續讀落去!!

hkbankrupt

我諗呢度真係無乜人可以答到你呢個咁critical 的問題，就算答到都係個人意見，始終最後的決定在於破產局，如果主任唔批準或要求加你破產期，你都無辦法，都係問番主任先再自己決定啦....

温sir

妹妹仔....我覺得妳真你要間清楚至好決定，
注意嘅係......妳既要破產，但又有錢出國讀書，首先主任會懷疑妳破產嘅意圖，其次係"債權人"會否反對！

301

係呀!
問請楚主任,
有時間報番來,
等大家都知多d,
thank you.