希望大家給我一點寶貴的意見！

alfredsclee

自金融海嘯，已經變賣所有資產，也負債累累，要養妻活兒！捱到現在，百物騰貴！租金勁升！入不敷支！已知道在不久的將來會借無可借！離破產不遠！有很多問題想請教咁多位大大！

1. 本人有一間有限公司，我媽佔98%，我佔2%！如我破產是否也要提供一年資料嗎？安會計準則每年都冇錢賺，有影響嗎？有需要在破產前除名嗎？

2. 因為自己公司，當時沒有定期的出糧記錄，但一個月出糧記錄已經可以借到錢，加上現在我在外面打工，現時人工遠不及當時借錢時，銀行會否因我破產而嘗試算賬找出任何可指控我的原因？反駁我當時欺詐或提供假資料？

3. 破產時，有保險是否要cut單嗎？聯名未到期的基金如何處理？他們有能力找得到我在那裏有保險或基金嗎？

4. 破產後住屋的大小及租金是否有限制？


希望大家給我一點寶貴的意見！

kungfu

可以撐到而家，你都算本事。
1. 要交最近一份核數報告，亦要辭任董事（小弟是破產令發出後見主任時辦的，很容易，即時搞掂）。
2. 只有你自己知道。一般而言冇人會查，除非做得太難睇。
3. 所有保單都會自動終止，不論有冇現金價值，保險公司會通知你。甚麼是未到期的基金？你須申報所有財產，不勞任何機構查找。
4. 冇，不過你不一定會獲批全額租金。

flypig

你與我同期爆煲,但我頂到2012年就無以為繼,如功夫兄所講,你都算本事.

1. 有需要在破產前除名嗎？
我傾向在申破前 搞哂所有保險,基金,董事之類.但等破令後先搞,分別都不大

2. 因為自己公司，當時沒有定期的出糧記錄，但一個月出糧記錄已經可以借到錢，加上現在我在外面打工，現時人工遠不及當時借錢時，銀行會否因我破產而嘗試算賬找出任何可指控我的原因？反駁我當時欺詐或提供假資料？
如果係舊時申落之CREDIT CARD, OD 之類,你無水時DRAW 就一定無事.重點係,你有無填寫不實資料.如果,你借PERSONAL LOAN,要填當時月薪.咁,你填舊時人工,就 有機會被SUE.
如小弟最後幾年無業炒股,揎兜打電話要借60K俾我做循環LOAN,又唔駛問人工又低息又唔駛簽任何野.開頭都唔想借,個女仔打10個8個電話俾我,結果盛情難卻之下...咁當然無事.

3. 破產時，有保險是否要cut單嗎？聯名未到期的基金如何處理？他們有能力找得到我在那裏有保險或基金嗎？
呢D野唔好呃.一衰左就刑事.個人認為,本地的保險業,破署絕對有能力查找.點搵??我唔肯定.
不過當你購買基金,好多時 經過銀行,有數目來往.人地一睇BANK STATEMENT 再順勢查找落去,就咁就GAME OVER. 另外破署會唔智逐間保險公司問,我就唔知了.個人認為,如果你幫趁海外如瑞士銀行買基金,俾錢就唔經銀行,俾 CASH...咁就真係唔知.但犯法野都係唔好做喇.