我會唔會被申請破產

hasgp

各位，我一年前創業開咗間餐廳，無限公司獨資經營，當時因為資金不足，問銀行借咗30萬，又問朋友借咗30萬，銀行果條數每月還9千幾準時還款，朋友果條數借據訂明今年6月還5萬，今個月(12月)還15萬，出年12月還10萬，6月果5萬已經還咗，問題係今個月到期果15萬還唔到，我能力範圍最多分期每月還15,000去償還欠佢嘅尾數25萬，而佢同我因為某d原因已經反咗面無計傾，所以我唔太肯定佢會接受我嘅分期還款提議，我嘅問題係：
1) 佢因為我到期唔還錢而申請我破產嘅機會大嗎？
2) 假設佢真係[size=14.3999996185303px]申請我破產，我仲可以繼續經營我間餐廳嗎？
[size=14.3999996185303px]多謝回覆

flypig

1 點知？你同佢有仇定有義，要佢先知2 佢破你，就拎間舖去拍賣喇。
又或者，最簡單，要執左間舖，頂手費同業主講數。

大拿拿借30個你？？係partner 反目嗎？？
係的話可能佢接手做番。

flypig

理論上，申你破要俾錢。要你破期間，係不能做生意的。
你呢d case 幾複雜，因為中間有租約，頂手又可能值錢。最後點，係
兩者互動，或有三者互動（連埋業主）。

kungfu

可以無條件借30萬畀你嘅肯定係老友。反目嘅理由我相信係你做咗件佢不能接受嘅事，否則你唔會擔心佢申請你破產。正常情況下老友還唔到錢，我只會唔多高興，冇下次。

我認為你點都要先揾佢傾次，起碼通過第三者傳話，將還錢計劃告訴他，請求他同意。之後再講其他。

hasgp

我哋唔係partner, 舖頭係100%我名下的。佢有提議過入股但我無答應，30萬純粹係私人借貸。

其實我仍諗緊辦法籌15萬還俾佢，我同佢簽果份借據只列明還款日期，無寫任何罰則，如果今個月到期嘅15萬我還唔到，佢有權call loan要我一次過連同出年12月先到期還果10萬全數清還嗎？

我舖頭每月都有大約35,000純利，扣除所有生活費同銀行還款後可以還到比佢嘅錢最多可以有15,000, 如果佢申請我破產而令到舖頭結業，我出去打工嘅人工唔會多過15,000, 我繼續經營間舖頭嘅還款能力遠遠大過我去打工出糧嘅還款能力，其實破產管理署會唔會衡量哩d因素而準許我繼續經營？假如真係要拍賣我間舖，佢係咪可以出錢買咗我間舖呢？

kungfu

其實我仍諗緊辦法籌15萬還俾佢，我同佢簽果份借據只列明還款日期，無寫任何罰則，如果今個月到期嘅15萬我還唔到，佢有權call loan要我一次過連同出年12月先到期還果10萬全數清還嗎？
朋友之間立嘅借據邊有咁仔細？有爭議一般都係雙方傾掂解決。人哋無條件幫你，講真你應該準時還錢，不失朋友之義。如果15萬還唔到，佢當然可以通過法庭追討，一并追埋餘數及堂費，你輸硬嘅。先揾對方傾下喇。

我舖頭每月都有大約35,000純利，............ ，其實破產管理署會唔會衡量哩d因素而準許我繼續經營？
你係假定咗你朋友已成功地申請你破產。
唔會。破署只會接管你所有財產，變現後還畀債權人。注意：你嘅財產係間舖入便屬於你嘅生財工具，唔係間鋪。

flypig

重點係你地係唔係好大仇先？
一般俾錢搞掂。你本來俾 25萬，
宜家俾多D 利息，變 say 30萬，即還多3期+。

一般會放你一馬。因為：
1 你間舖，最值錢係頂手。但未必收到。
因為業主同租客有約。你一執，隨時告你毀約要賠償。
到時佢收條毛。所謂頂手，只係假設業主想快快租出，費事
你搞幾個月唔交租，大家好黎好去。唔制都有可能
2 佢要你間舖呢？都要睇業主同你份約。有d約規定主要經營者不能換人。
3 佢申你破，要俾 一萬有多

flypig

最後兩招，無仇work 9成。
認低威+俾息。
唔好以為俾息大哂。
幾多錢，大家傾姐。300k兩年息，一年當10%，都要60k喇。
信用卡收30+%，仲係複息添。

admin

有鋪頭，有交稅，有收支紀錄。去銀行都應該借到啦。

同埋，我唔會覺得你朋友會破你產：
1. 要比1萬幾2. 破你產，收唔收得番先？香港法律寫明，銀行係優先的，即係你破產期間，還錢，銀行係羅先的，即係佢會乜都無！

老實講啦。
當時佢肯借 30 個比你，可見你地的關係不是一般，或者佢好多錢。唔知用來做乜。其實有朋友肯咁樣對你，真係算唔錯。

我建議不如你們諗下點解搞到咁，可唔可以修補關系。

再試下搵個朋友幫手，大家講好修數啦。

唔得就試下調解啦。

hasgp

我問過citibank 同渣打做私人貸款都唔批，連日本網絡都問埋又係唔批。
我債主係想我死同埋想食咗我間舖, 所以未必會接受比我分期每月還錢，係咁情況我
可以點應付, 佢破我產唔緊要我唔想比佢攞咗我間舖。

flypig

hasgp 發表於 6-12-2014 12:35
我問過citibank 同渣打做私人貸款都唔批，連日本網絡都問埋又係唔批。
我債主係想我死同埋想食咗我間舖, 所 ...

要睇番你,你業主,同佢 3個點互動.
同埋你份約係點.

呢版唔係律師版,我諗你最好搵 專業人士傾下.

不過呢D野,隨時可能係兩敗俱傷.對方都會盤算的.但如果有仇,人的
恩怨大於利益時,就點分析都無用.

kungfu

如果你寧願破產都唔想你朋友攞到間舖，最保險就係而家自己執咗佢，變得幾錢得幾錢，還哂畀銀行。
如果個店名係重要嘅，揾個信得過嘅人註冊咗佢。

不過使唔使咁呀？先揾佢傾下啦。

hasgp

各位，我已經同佢傾咗，佢都係無得商量一定要今個月15號收翻15萬，我依家唔知點算..............

kungfu

hasgp 發表於 9-12-2014 18:12
各位，我已經同佢傾咗，佢都係無得商量一定要今個月15號收翻15萬，我依家唔知點算.............. ...

努力籌旗喇，有一盤健康生意，15萬唔係咁大條數啫，可以搵番借緊錢畀你嗰間銀行傾。

hasgp

kungfu 發表於 9-12-2014 18:47
努力籌旗喇，有一盤健康生意，15萬唔係咁大條數啫，可以搵番借緊錢畀你嗰間銀行傾。 ...

多謝您鼓勵！我已經問過間銀行佢哋唔再借。 我連邦X都問埋都唔批，前後問咗5間銀行+財務，我已經唔敢再問啦。
我諗我朋友唔係為咗錢，佢大把錢已退休，我直接同佢講話每月還15,000分18個月還，多還果d算係罰息，其實佢都係遲六個月先收翻哂全數兼有額外利息收，佢都唔肯，我都係打定輸數15號還唔到錢佢會做嘢，您哋知唔知咁嘅case佢跟住會有乜行動架？。。。唔該哂

kungfu

正常的追討過程可能是這樣的：
(1) 發律師信給你，要求你在某限期前還清全數
假設你無法辦到，你應回信提出你的還款建議。如你所言借款人不會同意，但幾次信件來回可把事情拖延三數星期，且有利於稍後的發展。
(2) 通過法庭民事追討
你是輸定的，但法官會給予你一些時間安排資金。想像中你並非資不抵債，所以借款人不大可能成功申請你破產。在過程(1)中你曾顯示還錢誠意，故輸掉堂費的機會較低。

以上是小弟在一件類似事件中的遭遇，你最好現在就尋求法律意見，早作準備。

flypig

你一俾人reject,tu 就有record.
你不妨check下tu 個grade.
如果太低，就哂gas.
如果唔係太低，就唔好一次過借150k.借 50k試下先。