希望大家比啲意見

萬念俱灰 · 發表於 14-5-2019 16:17:21

欠一百萬發表於 14-5-2019 15:58
給你一個問題先，你去問下別人。

"假如你打算破産，你仍會找方法找錢來還債嗎？" ...

所以我都豁出去諗住唔找兄弟。但係好驚呀真係。

萬念俱灰 · 發表於 14-5-2019 16:34:06

都唔知點捱落去。就算月尾去搞入學。都未咁快得啦。加上我啲信一定唔齊。

對唔住身邊人 · 發表於 14-5-2019 16:39:42

萬念，你未入織？自己整會快d

對唔住身邊人 · 發表於 14-5-2019 16:40:25

你未入紙？

痛苦 · 發表於 14-5-2019 16:48:12

喺呢段時間,為自己做好準備,所有嘅資料銀行月結單,準備入學！

萬念俱灰 · 發表於 14-5-2019 16:52:00

萬念以家俱灰緊。咩都未搞。我間pk公司唔比請假架。請假就係罪人。如果下個月出糧去整就真係坐定定係到邊間都還唔到。屋企人之前有講過月尾會幫我。但係唔知佢地點。兄弟又殺到埋身。反而琴日同個二線收數傾完之後。我今日自己打比佢。佢竟然話好忙轉頭先搵返我。今日一個電話都冇。連群都冇再拉我啲屋企人。其實我知佢係想施軟工要我地還錢姐。佢話佢以家唔加我息啦。淨係叫我清返原本條數。仲話咁樣佢一蚊都冇佣收。

萬念俱灰 · 發表於 14-5-2019 16:53:59

加上我冇各位師兄師姐搵咁多錢架。我都係做份診所仔。每個月都係萬2,3。仲要扣mpf。

萬念俱灰 · 發表於 14-5-2019 16:57:59

hornet 發表於 14-5-2019 14:23
剛我細女打比我喊哂問我係邊，叫我快d返去同佢玩，聽到果刻，我即刻崩潰 ...

Hornet加油呀。記得要間唔中報個平安比我地。不如你試下我隔離屋個招。擺個得個殼既cam係出面扮下野都好呀。

Anmi2019 · 發表於 14-5-2019 16:59:12

萬念俱灰發表於 14-5-2019 15:53
我身邊得一個朋友知我咁環境。自從個個月清之後。仲邊會有社交聯誼呀。有時係fb見到啲朋友去旅行去食好西 ...

阿妹，依度有邊個未入學前唔係月光族吖，連入紙都係問親戚朋友借咋。如果還哂錢仲有錢淨，可以去旅行食好西就唔駛申破啦。好坦白講，無得羨慕朋友咁嘅生活，只怪自己理財不善先搞到咁嘅田地。

Jim69 · 發表於 14-5-2019 17:02:18

hornet 發表於 14-5-2019 14:23
剛我細女打比我喊哂問我係邊，叫我快d返去同佢玩，聽到果刻，我即刻崩潰 ...

我好明白這感受，好快捱過，頂住呀！之後可以陪多的佢地。

Jim69 · 發表於 14-5-2019 17:04:03

Anmi2019 發表於 14-5-2019 16:59
阿妹，依度有邊個未入學前唔係月光族吖，連入紙都係問親戚朋友借咋。如果還哂錢仲有錢淨，可以去旅行食好 ...

依樣真，要重新審視自己的理財態度，錯一不可再，仲有好長嘅人生路要行。

萬念俱灰 · 發表於 14-5-2019 17:09:38

Anmi2019 發表於 14-5-2019 16:59
阿妹，依度有邊個未入學前唔係月光族吖，連入紙都係問親戚朋友借咋。如果還哂錢仲有錢淨，可以去旅行食好 ...

之前本身有個親戚諗住幫我搞全清。要我例哂啲數比佢睇。跟住佢睇完話我啲數太亂唔幫。唔係話多。係因為我例得亂。例完出黎個刻我先真正敢去面對自己條數。由個日開始我個人仲亂過啲數。

萬念俱灰 · 發表於 14-5-2019 17:11:29

Jim69 發表於 14-5-2019 17:04
依樣真，要重新審視自己的理財態度，錯一不可再，仲有好長嘅人生路要行。 ...

如果搞左入學再過左4年。我覺得我一定可以儲到好多錢。因為以家我先發現原來可以咁慳。

Anmi2019 · 發表於 14-5-2019 17:13:37

萬念俱灰發表於 14-5-2019 16:34
都唔知點捱落去。就算月尾去搞入學。都未咁快得啦。加上我啲信一定唔齊。 ...

你預計月尾入學又知d料唔齊，快d趁呢段時間去申請定啦，有d銀行資料要1，2個星期先俾到你架。你諗住自己搞就上網print 定form，得閒睇吓點樣填，唔明就問我哋。

SISI0322 · 發表於 14-5-2019 17:20:55

萬念俱灰發表於 14-5-2019 17:11
如果搞左入學再過左4年。我覺得我一定可以儲到好多錢。因為以家我先發現原來可以咁慳。 ...

真呀，都係咁都唔知原來自然可以慳到咁，所以快d聽師兄師姐既自己最近搵齊晒d資料先，到時就算自己申請都唔洗兩頭騰。

萬念俱灰 · 發表於 14-5-2019 17:23:36

知道。今晚收工返去我會上網睇下。今日wexxx又打黎話幫我做全清。我電話都冇聽。以我家陣既tu邊做到架。

SISI0322 · 發表於 14-5-2019 17:27:51

萬念俱灰發表於 14-5-2019 17:23
知道。今晚收工返去我會上網睇下。今日wexxx又打黎話幫我做全清。我電話都冇聽。以我家陣既tu邊做到架。 ...

係呀，咪鬼理佢啦，佢都係哄你落搭....今晚收
工好返屋企啦，唔好係街流浪啦

欠一百萬 · 發表於 14-5-2019 17:29:54

你一日未遞紙, 日日藤藤震, 申破其實係填表的一種, 識填自己填, 唔識就要找人幫手, 只需要最近的負債資料,邊間欠幾多, 近期每月開支單據, 包你一遞紙, 有號碼, 你自然判若兩人.

100個人未遞紙, 有98個同你一樣處境. 100個人遞紙後, 有100個肥番幾磅. 你勇敢D, 不要原地踏步. 回想4,5天前, 已經又過了4,5天.

萬念俱灰 · 發表於 14-5-2019 17:30:24

今晚收工攝手攝腳咁返入啦唯有。好彩今晚應該收十點幾唔算早。仲要諗埋今日7點前交唔到兄弟。聽日又要場硬仗。

萬念俱灰 · 發表於 14-5-2019 17:34:28

欠一百萬發表於 14-5-2019 17:29
你一日未遞紙, 日日藤藤震, 申破其實係填表的一種, 識填自己填, 唔識就要找人幫手, 只需要最近的負債資料, ...

近期開支收據？？

		自動登錄	找回密碼
密碼			註冊