解破後想申請信用咭一問

nakamura

301 發表於 16-6-2016 23:03
首兩年免年費,
可能一萬額.

今晚收到卡啦,有萬七蚊額,打電話問過係免首兩年年費
好開心~

just4me

各位, 我2015年2月破解, 2015年6月交破解令TU更新資料, 之後每隔幾個月睇一次新報告個信貸評級都係「此項目不適用於本報告。因類似個案之代表性樣本資料不足用作評分，因此未能於本報告顯示評分。」，有無朋友知點解?

而且發覺邦X條數2015年6月時已係「撇帳項目」，但到現在每個月都更新一次話係「撇帳賬戶」，其他銀行/金融機構欠款幾年前係撇帳後已經無更新，點解會咁呢?!

小浩南

just4me 發表於 20-6-2016 22:56
各位, 我2015年2月破解, 2015年6月交破解令TU更新資料, 之後每隔幾個月睇一次新報告個信貸評級都係「此項目 ...

因為你無用任何信貸服務,所以無評分, 舊數要由你解除破產令日起計5年後先會無出現係報告到, 5年內報告都係會顯示你之前既欠債銀行或財務公司係撇帳賬戶 , 有d公司係會每月更新一次,有d係唔會,正常既,我之前份報告都係其他銀行無更新,但係大x銀行就每月更新, 唔駛擔心。

nakamura

小浩南 發表於 24-6-2016 22:43
因為你無用任何信貸服務,所以無評分, 舊數要由你解除破產令日起計5年後先會無出現係報告到, 5年內報告都 ...

除左果兩間財仔,仲有邊間銀行會批卡畀已解破人士?

小浩南

nakamura 發表於 29-6-2016 15:13
除左果兩間財仔,仲有邊間銀行會批卡畀已解破人士?

真係唔知, 大銀行就多數唔得, 細銀行可以試下, 不過真係唔提議咁造, 因為你申請一次唔批, 你個正面評分就會有記錄一次, 申請5次就會有記錄5次, 會被拉低評分, 都係先由個2間財仔信用卡申請, 大機會批D, 之後慢慢正確用正常還升高D評分先想其他銀行

nakamura

小浩南 發表於 1-7-2016 14:29
真係唔知, 大銀行就多數唔得, 細銀行可以試下, 不過真係唔提議咁造, 因為你申請一次唔批, 你個正面評分就 ...

咁解破後幾耐先至會有信貨評級出來?

yssuen

以本人親身經驗,解破後超過5年去TU攞份報告睇,以前Ｄ屎忽數同老破記錄通通喺度,即刻Fax份解破書比TU然後再睇返已經乜都冇哂仲有B級.

nakamura

yssuen 發表於 14-7-2016 08:05
以本人親身經驗,解破後超過5年去TU攞份報告睇,以前Ｄ屎忽數同老破記錄通通喺度,即刻Fax份解破書比TU然後再 ...

咁係咪即係解破後頭果五年內個TU都係冇任何評級?

補充內容 (15-7-2016 22:33):
另外想問下有冇已解破人士成功申請到AE卡黎用?

yssuen

nakamura 發表於 15-7-2016 10:19
咁係咪即係解破後頭果五年內個TU都係冇任何評級?

補充內容 (15-7-2016 22:33):

好似有評級,我個評級係i,點解一定要AE?我就攪靚哂個TU去恆生開個戶口,佢仲批張白金卡俾我.

wahtung

小浩南 發表於 1-7-2016 14:29
真係唔知, 大銀行就多數唔得, 細銀行可以試下, 不過真係唔提議咁造, 因為你申請一次唔批, 你個正面評分就 ...

其實批與不批,評級都會拉低

admin

wahtung 發表於 20-7-2016 22:34
其實批與不批,評級都會拉低

No la

我請教過業內人士。

好似係3個月內有多過一次申請先會。

重新戰士

nakamura 發表於 15-7-2016 10:19
咁係咪即係解破後頭果五年內個TU都係冇任何評級?

補充內容 (15-7-2016 22:33):

AE 係 同 大貓一樣難批卡！好人好姐都未必一次申請成功。
你可以去試既...

busdriver.430

各位好, 好耐都無上黎吹過水了, 見咁多位畢業生有呢方面問題我都想分享下
小弟舊post 在此
http://hkiva.org/home.php?mod=sp ... w=me&from=space

總括黎講, 小弟03入學, 07 年畢業, 而家已經有4張信用咭了, 當中既攻略請參考小弟舊post
四張加埋既信用額已經超過 17萬, 夠晒用
而其中一間係港資大行 "病夫銀行", 我仲開埋佢地個乜乜理財戶口, 當中無任何破解文件要交, 十分順利
呢間病夫銀行, 小弟係十六年前都試過爭佢咭數幾期, 之後俾佢cut 咭一次要還晒全數, 咁當時我問家人度水還晒, 估唔到十幾年後佢肯同我做生意喎..

伊戇我就無再搵過佢喇, 直接搵銀行出咭
未有呢堆咭之前, 終割銀行就試過俾拒批, 衰左一野, 等左兩年 TU 無左呢個拒比紀錄後先再出手搵 "City", 佢查都無查過 TU  就拒批, 但我從來同佢地同交過手
不過亦係因為佢無查過 TU, 我先可以唔駛等多兩年先再出手
至於貓貓同 AE 呢d 大支野..真係無謂o徒時間, 搵d 細行試下水好過, 衰一次要等兩年架嘛

各位畢業生要加油呀

301

busdriver.430 發表於 28-7-2016 16:30
各位好, 好耐都無上黎吹過水了, 見咁多位畢業生有呢方面問題我都想分享下
小弟舊post 在此
http://hkiva.or ...

多謝回來分享,
冇錯,申請紀錄保留兩年,
務求把握一擊即中,
向細銀行及昔日無瓜葛為目標.

同時間有幾個申請紀錄,亦會被誤以為突有"手緊"需要.

BTCHAN

本人解破巳九年,現有AEON同星展銀行信用咭、破産後係可以申請到信用咭

nakamura

BTCHAN 發表於 12-10-2016 21:16
本人解破巳九年,現有AEON同星展銀行信用咭、破産後係可以申請到信用咭

係咪由解破日起計夠五年個TU就會自動洗底,定要申請洗底先?

BTCHAN

nakamura 發表於 12-10-2016 21:57
係咪由解破日起計夠五年個TU就會自動洗底,定要申請洗底先?

係要由解破日開始計八年先可以全部洗晒,唔會自動洗底的,要自己攞埋破解令上環聯更新資料

nakamura

BTCHAN 發表於 12-10-2016 22:48
係要由解破日開始計八年先可以全部洗晒,唔會自動洗底的,要自己攞埋破解令上環聯更新資料 ...

有D人又話解破日起計五年既?我一攞到解破紙已經叫左環聯更新啦

BTCHAN

nakamura 發表於 13-10-2016 08:53
有D人又話解破日起計五年既?我一攞到解破紙已經叫左環聯更新啦

請問你現在有無信用咭?

nakamura

BTCHAN 發表於 18-10-2016 01:28
請問你現在有無信用咭?

有兩張財仔卡