就 2009/4/24 銀行公會的兩項改善建議進行會員咨詢

ely07

知死呢.,包裝成糖衣毒藥(送上門的批核信貸額),而家貓哭老鼠假慈悲,我們受夠啦.

gpo4074

依家市道差成咁,信用咭呢隻鑊遲早爆煲,到時肯定吾只每年2萬人去破產.

華女

而家係銀行自己心慌,吾知仲有幾多人要申請破產,根本吾係想幫破左嘅人,而係想幫銀行,分分鍾佢地

宜家已經有左對付想申請破產人事.(有陰謀論)

gpo4074

原帖由 華女 於 2009-4-27 12:26 發表
而家係銀行自己心慌,吾知仲有幾多人要申請破產,根本吾係想幫破左嘅人,而係想幫銀行,分分鍾佢地

宜家已經有左對付想申請破產人事.(有陰謀論)

一d都吾出奇.

話吾定第日會有黑手去打擊破產聯盟,或有駭客入侵破產聯盟的伺服器.

又或破產聯盟被標籤為非法組織,或者到時破產聯盟會改為地下運作模式.

小人物

如果要傾,首先一定要各大銀行,財仔自己有個共識先,
邊d條件既客可以幫
仲一定要有一個援衝期(例如三個月至半年先開始還第一期)
仲要低息長還款期,
因為依家都唔會係單一銀行問題,
通常都有幾間銀行同財仔一齊,
如果各自去傾,
根本就解決唔到問題,
其實講到尾,d銀行邊係幫人減少破產吖
佢地只係想減輕自己既損失啫

gpo4074

等到銀行公會成立一個組織來協調債仔與各大財務機構,到時都吾知有幾多人已經申請左破產.

小人物

原帖由 gpo4074 於 2009-4-27 13:12 發表
等到銀行公會成立一個組織來協調債仔與各大財務機構,到時都吾知有幾多人已經申請左破產.

依家係驚佢地把口就話幫忙，
而事實係收風睇吓邊個唔掂，
即時加強追數既行動咋！

ely07

追數行動升級才真,冇人肯做雷曼苦主.某大銀的私人銀行部再冇金可掘,唯有博命翻舊賬,抓得幾多就幾多,好過渣都冇埋

小人物

原帖由 ely07 於 2009-4-27 14:56 發表
追數行動升級才真,冇人肯做雷曼苦主.某大銀的私人銀行部再冇金可掘,唯有博命翻舊賬,抓得幾多就幾多,好過渣都冇埋

好認同你既講法

calendar

銀行為咗盤生意，不斷叫人借錢，又預先批核，信用額重越加越大，隨時都十萬八萬。一時唔小心就落叠高息陥阱，根本就係銀行推出嘅屎橋。而家見多咗人破產收唔翻本就叫人唔好攪破產。倒不如降低債務重組嘅費用，凍結利息半年至一年，拉長還款期及減小收數佬滋擾，等債仔有時間回氣，好過一拍兩散。

calendar

銀行為咗盤生意，不斷叫人借錢，又預先批核，信用額重越加越大，隨時都十萬八萬。一時唔小心就落叠高息陥阱，根本就係銀行推出嘅屎橋。而家見多咗人破產收唔翻本就叫人唔好攪破產。倒不如降低債務重組嘅費用，凍結利息半年至一年，拉長還款期及減小收數佬滋擾，等債仔有時間回氣，好過一拍兩散。

calendar

補充小小，如果聨盟出頭梗係好啦，話曬都有集体談判權，人多講嘢都大声D，而且破產人仕最清楚需要D乜。但係人地財雄勢大未必同你傾，重可能駛橫手。一定要有政府人同議員代表先至可以傾，小心D好。

bb_q_888

我覺得有咩好傾?有人問我地咩?

銀行要"做蘇",咪由佢....表演下.

睇下點?

一怒殺龍手

銀行公會主席王冬勝表示，針對破產個案急增，他們提出兩項改善建議。

王冬勝表示，破產個案升至1872宗，是自2003年10月以來的新高，銀行公會提出兩項建議，幫助破產人士。

他表示，首項建議為債務重整試驗計劃，銀行將考慮在破產管理處，放置人手，協助申請破產人士，考慮其他債務重組方法，以免破產，但這涉及地方及人手問題。

王冬勝亦指出，考慮加快銀行與銀行之間的債務重組計劃，幫助涉及人士。


睇完後 真係悲憤莫名  只有四個字 假仁假義  


旗號夠大 鑼鼓夠響  協助申請 債務重組 以免破產 何其偉大


我呸!! 銀行賤狗 少跟我們來這套  弄致今天是誰做成的?


1. 是誰在逆境下把信用卡息率推至年息48厘 ?


2. 是誰在市道低迷下要欠債人馬上清還 所有欠款  而幾呼沒有商量餘地?


3. 是誰找來收數賤狗 無所不用其技 日以繼夜 滋擾欠債人?
[為何不採取正當而合法的法律行動]


4. 是誰不依法章 濫將收數費用同時駕於欠債人?
[別以為你們的合約寫下轉駕就將該費用轉給消費者 你們以為你們的合約可凌駕法例嗎?]


5. 所謂的債務重組 你們的代表 說穿了連半點誠意都沒有  基本的生活費都想扣減 還得以收低息還多於60期以上  去你的重組


我說啊  銀行賤狗 你們就不要來這套  什麼銀行之間的債務重組 就不怕笑掉別人的牙嗎 你都當我們是白痴啊?

老實點講呆壞帳大幅颷升 發業績報告時要大幅撇帳令股價下滑評級被降  別說成自己這良心企業 草泥馬聽到也想吐

我就拜托你別不要臉地說想幫助欠債人  把你們的收數狗拖回去吧 認真而有誠意地協商吧

我就告訴你們  收數賤狗一出 我一塊都不會還 不要說什麼休麼費用 誰要跟你玩重組 寧為玉碎不作瓦存

現在大家想法都一致了 我們寧可破產都不會跟企圖以不合法收段收數的賤銀行與其賤狗收數 有一分一毫的進帳

弄致今天還不是你們一手造成 今天卻來假惺惺作態 一副臭奸商慈悲咀臉

ely07

沒有昨日的因,那有今曰的果,惡性遁還,基麽盾還再借,,一百幾拾都不放過,再勿再愚弄.再玩報警

zbridgehead

同阿bb_q_888一樣，比面Admin(特登PM通知我)先發表意見,

王X勝有個親戚走數，佢都俾收數佬攪左好耐!

條友係到狗up，做show，要幫都唔應該等個客去到破產處門口先致幫啦？個腦裝屎架！係幫就早o的，只要將個信用卡利息減到變成P+1%咪幫到所有人羅！

gpo4074

P-5%會好D

zbridgehead

原帖由 gpo4074 於 2009-4-30 00:05 發表
P-5%會好D

P-5%又唔得，你都要俾銀行有錢賺先得架！發一張卡俾個客，由收到你張申請表開始計，到您第一次用太約要成本 $3,000元，外國利息都係收十幾厘喳！香港銀行賺咁多都裁員，正仆街！

civetkc

『銀行公會主席王冬勝表示，針對破產個案急增，他們提出兩項改善建議。
王冬勝表示，破產個案升至1872宗，是自2003年10月以來的新高，銀行公會提出兩項建議，幫助破產人士。
他表示，首項建議為債務重整試驗計劃，銀行將考慮在破產管理處，放置人手，協助申請破產人士，考慮其他債務重組方法，以免破產，但這涉及地方及人手問題。
王冬勝亦指出，考慮加快銀行與銀行之間的債務重組計劃，幫助涉及人士。』

我都唔知究竟王冬勝先生想做D咩野？請問佢以上既兩點建議如何幫助破產人士呢？既然已經破咗產，又何需要接受佢既所謂銀行既怎麼重組計畫呢？佢既建議，極其量係幫助果D準備去攪破產既人士。但係攪債務重組唔係話咁易，一定要有番咁上吓既穩定收入同還款能力，可以支付每月既還款，但係當你有咁既還款能力既時候，你必然唔會走最後一步棋(破產)啦！人就係咁衰，臭屎一定密冚，一定係行得一步得一步既心態，爭銀行卡數唔想比屋企人知，借上借、卡冚卡係必然既，到後來10個煲2個蓋，點冚？卒之咪爆煲囉！到時已經泥足深陷了......因此奉勸一些還未走投無路的人士及早回頭，如果個人唔能夠解決的話，千祈唔好去賭去搏去借，借上借、卡冚卡.....死硬，應該坦白告訴家人，盡早同家人商量，一定可以解決問題的，否則後果會嚴重千百倍！切記！

所以我覺得王先生既建議對我地D破產人士都係無咩幫助！

~長空~

王生只係想減少銀行既壞賬,
但就美其言幫助準備破產既人士,
點解佢又唔提下信用卡息口實在太高直接減息,
佢呢招真係高吖,
想要幾漂亮有幾漂亮~

神又係佢鬼又係佢