想幫妹妹申請破產

greedypig

各住好，本人想幫妹妹申請破產，因為我真的沒有能力再幫她了﹔
有一些問題問，希望版主或有經驗的人可以提供意見，謝謝！

1. 妹妹是做會計的(一般細公司那些一腳踼會計文員吧)，申請破產會影響到她的工作嗎？
2. 她月入約九千，沒有物業跟其他資產，那她申請破產後可以有多少生活費(我和另一弟弟有工作，爸爸做保安。媽媽要供養，估計她欠債約二十萬)
3. 她主要欠恆生銀行卡數(約兩萬)﹑安信(或邦民)(約十幾二十萬)和我(約四萬)，這些公司破產令有效嗎？(希望她沒有街數，她告訴我沒有。)
4. 其實她有需要申請破產嗎？不過她而家有一個月沒有還款了(因為她公司開始拖糧)

希望有心人能幫忙，因為我自問再幫不到她了﹔
謝謝各位！

ranger

請問你細妹條數係因為賭定係大洗??
其實可同其他成員商量,以廿餅野黎計,話多唔多,話少唔少.如果其他成員財政上許可的話,而她本人可嘗試iva條數應該可以攪掂的,始終她做會計,破產會有影響的.始終大家都是一家人ma

一怒殺龍手

本人以過來人身份 試下解答 當然唔一定啱  

1 細公司做會計應該無低觸[我自己諗]  除非你細妹係執業會計師 佢既職業要講求誠信 咁就無得撈囉

2 有幾多生活費因人而異 好難去界定  就算有媽媽要供養 都可能要除幾份咁計 你地個個都有野做

3 恆生 邦民 對破產令都有效 你果四萬就可能無效.... 你唔知可唔可以成為債權人之一 ......

4 無話需唔需要 當你發覺前景唔樂觀 能力遞減 力有不逮 咁就舉手囉 無話值唔值得既

如我以前所講 債 一超過十萬 基本上已經好難還 觀其大數仲係財仔 有牌大耳隆 年息成45厘 真係有排還

又如果你地一家人齊心幫忙 先清減財仔條數大部份 我諗咁樣會比較樂觀 卡數先兩萬 其實整體數唔係好大

如果大家都已經省油的燈 咁就唯有行最後一步啦 反正都拖量 叫佢咪做 然後破產囉

ranger

安信(或邦民)係會麻煩的

roy

1)無影響.

2)生活費無人知道會批到多小,因為每個人情況都不同.不過你可以自己大約計下,好似你妹妹咁所有家庭開支都會除4份,因為你屋企共有4人有工作.至於母親沒有工作,可填報$2000供養費,其他個人支出就照申報吧,例如車資,個人雜費,MPF,膳食(可以報$3000).

3)無問題.

4)需吾需要申請破產,依樣要你自己衡量,你妹妹月收$9000,欠債二十萬,還min pay都每月成萬紋,如果扣除開支,要還清筆錢相信好難.一係夜晚找多份兼職,辛苦D捱幾年,又或者屋企人幫下手.

[ 本帖最後由 roy 於 2009-5-18 23:49 編輯 ]

admin

原帖由 ranger 於 2009-5-18 23:39 發表
安信(或邦民)係會麻煩的

親人的次序係非常低，唔駛諗啦。

greedypig

謝謝大家的意見，我只希望幫完她這次，給四年時間她重新人﹔
不然的話，我想這畢欠款是無止境的…
anyway, thank you so much for everyone and i will keep update the status and share to others who face the same situation.
thank you.

admin

你又唔睇舊文！

你死啦，呢度某版主對用英文的人，有莫名的沖動。

一定又去自X架。

話唔定搵你乜乜架。

老柴

用 iva 啦，你們咁多人只供養一個阿媽，照睇佢的生活費可能會批得好少。

計落條數，老破並無著數，多多限制，個底又花埋。

温sir

原帖由 admin 於 19/5/2009 02:13 發表
你又唔睇舊文！

你死啦，呢度某版主對用英文的人，有莫名的沖動。

一定又去自X架。

話唔定搵你乜乜架。

........................................