報告+問題

hong

首先多謝呢度各位分享經驗的板主及朋友
以下係我的小小報告
我3月27號搵左黃律師幫我申請破產
同日下午宣誓及入紙、排期(排左5月5號)及fax俾銀行
4月初收到律師電話通知官冇野要問
所以我同律師都唔使上庭，會當日自動頒令
一星期後收到破產署封信
內容大約係講如果我係當日被頒令，我必須頒令破產當日三日內約約委任律師行會晤及交文件
5月5號根據黃律師的指示十一時後打去律師行約時間交文件
5月7號早上去左委任律師行交文件
我本身失業但下星期有新工返啦
我今早打電話俾破產主任
佢話唔使咁急通知佢搵到野做
佢話我而家最急切的應該係要開一個戶口出糧用
佢問我想開邊一間銀行，重叫我可以今早或下午上去取信
我本身今日會去深圳未必趕到去取信
又未決定開邊間銀行
佢話決定左後話佢知，可以寄俾我都得
我又問佢係唔係每次離開香港都要通知佢
主任話二年前法例已經通過左係唔須要通知主任
佢話只要唔係長時離外以致搵唔到人都冇乜問題

我想問一下我本身係用開HSBX冇欠佢地錢
但想轉中X銀行，亦都冇欠過佢地錢
開戶會有問題嗎？

reborn

你不如打去問新公司睇吓佢哋用邊間銀行出糧啦! 如果開咗間新公司唔用嘅仲煩!
要搵主任開過!!!


p.s. 　你有破產局嘅 開戶信/解凍信 就唔到銀行有問題架啦;　HSBX 要每日平均有５０００如果唔係就收每月＄５０蚊服務費(有一啲情形下可獲寬免　你自己同銀行ＣＯＮＦＩＲＭ啦),　而中ｘ就＄１０蚊開倒戶, 不過中ｘ你最好去總行開啦!

nokia

係呀！我今日去律師樓交文件，律師都話短線出外不必通知，
除非嫁人需移民就另計喎
至於戶口問題，同意再生人說法，先瞭解新公司是否需指定銀行戶口出糧再作考慮
祝你　工作順利呀

hong

而中ｘ就＄１０蚊開倒戶, 不過中ｘ你最好去總行開啦!

點解要去總行開？

係呀！我今日去律師樓交文件，律師都話短線出外不必通知

黃律師都有同我講唔超過5日唔使報，但係代收文件的律師行就話離開一日都要同主任講喎
重要提我話每次都要報，日日上就日日打，打到佢話唔使報喎
咁我諗住正式破左後第一次離開香港，打去俾主任穩陣d
結果主任就話唔使報啦

roy

其實都唔使一定去總行開既,你就自己方便囉.