自己申請(無律師)上庭當日的少少資訊

van

近來好多人問自己申請破產既問題, 我都係自己申請破產, 之前好多呢度既朋友都俾左好多有用既資訊俾我
之前都想post返申請過程和經歷, 不過太忙(又或者係我太懶=P)
身為一個過來人, 我建議大家搵律師攪會好好多, 始終填表有好多專業用語, 自己填係十分十分容易填錯.....(我就係其中既表表者)
填錯填漏導致再請假補辦資料同上庭就得不償失了....
所以填表交文件個D我呢度唔講了, 而家我打返少少上庭當日要注意既野吧:

由於自己申請無律師幫, 大家心情一定好緊張, 不過正如各師兄所講,
成唔成功係睇法官判, 基本上你破產前無再過度借貸/刻意轉移財產或者賭博的話.....
法官就 [應該] [或者] [如無意外] [好大機會] [可能]會判你成功破產(版主我咁打啱唔啱?)

1.
當你知道上庭日子後, 就當然係之前個晚唔好諗咁多野, 早D訓, 精神地上庭啦
我建議大家所有文件都要拎, 八達通一定要拎, 有需要影印都要靠佢, 由於今年申請既人數比較多,所以每次上庭既人數都比較多
(我5月時差不多有5-60人一堂)
盡量早30-40分鐘去到高院做準備

2.
上庭當日首先你入到去高院正門, 你會見到詢問處再向前行會見到一排BROAD,
上高有齊當日開庭案件既詳情, 假設你係個人破產案, 就喺個BROAD搵返個人破產案個張LIST
搵返你個破產案NO. ,睇返你係去邊個法庭, 搵到就去返詢問處前既大堂搭LIFT上法庭,
上到法庭, 正常門口都會有法庭職員做登記, 你拎出身份證同話俾佢知你個破產案NO.做登記便可以
坐定定, 平復一下心情等開庭了
***我上庭當日足足遲左20分鐘先開庭, 原因係有好多申請人遲大到, 我喺度希望各朋友可以準時去到,
雖然我地係破產, 但守時呢種美德我相信大家都唔會失去

3.
入到法庭當然係等法官開庭啦~
開庭後法庭書記會因應法官既程序, 叫出一D有問題既破產案NO.(例如填漏/填錯表彧者其他原因)而導致當天唔可以對你作出頒佈破產令,
需要再排期上庭(好多自己申請既朋友就係呢個MOMENT需要再排期上庭). 無問題既就等待法官對你作出簡單既詢問, 內容其實好簡單,
例如問你清唔清楚你申請破產, 又或者你對你申請破產仲有無問題.....最後法官正式宣佈你破產便完成了
(上庭既過程真係好快, 20分鐘左右便完成, 大家唔需要太擔心 )
而之前有問題被叫出既朋友, 出左法庭門口會有法庭書記遂一接見, 講解返大家既問題所在(書記會同你講要喺指定日期前辦理,
如果你係漏資料而你又拎哂所有文件去, 就可因應法庭安排有機會當日辦回, 不過上庭係一定會廷期的)

4.
頒完令既大家心情一定放輕鬆返D, 自己申請既朋友呢一刻仲未可以休息住, 上庭前大家會收到破產署的第一封信, 入面有跟你既破產官名字及電話, 交文件既地方
同埋一封解凍戶口或開戶信, 如果你有需要解凍戶口彧開戶你可以打電話去俾破產官問佢解凍程序
(但據好多朋友回報, 多數上庭當日破產官個電話都會非常繁忙.....大家有心理準備需要請多一日假拎開戶信....
我勸大家唔好諗住衝上去揾主任, 主任無義務即日幫你開戶, 咁只會俾主任一個壞印象, 祝大家好運)
同時間你要打電話俾交文件既地方同佢約時間(你試試同佢講你近來已經再請唔到, 佢多數都可以即日幫你收文件)
真係分秒必爭
完成埋交文件, 當日要做既野就算完成, 可以返屋企休息, 努力迎接新一天既來臨=]
***REMARKS: 解凍戶口係需要上庭後3日內FAX俾破產官辦理解凍, 如果過左3日銀行有機會取消你個戶口, 需要重新開啟一個新戶口

好去到呢度都差不多, 如果我以上既資料有任何問題, 請版主講聲等我更改返=]
亦希望能幫到某些朋友吧~

ely07

多謝分享....好有心機呀

van

THX!
希望能幫到有需要既朋友吧!

mmm888

咁你當時有冇填漏野要再攪？

van

原帖由 mmm888 於 2009-6-18 02:33 發表
咁你當時有冇填漏野要再攪？

有,就係好多朋友都會填漏既強積金

mmm888

好彩我有填．．．．唔知有冇漏其他野～

van

你都係自己申請?
如果你交左表就試下諗下仲有無野填漏或者填錯,
如果上庭當日無問題即日頒令當然最好, 假設真係唔好彩份表有問題的話
你除左補返d資料外, 如果你認為有部份地方填錯左你都可以自己改返
(補同改資料都係要重新宣誓)

reborn

多謝ｖａｎ分享

gamester

多謝樓主分享.我遲D都會係破產大軍既其中一員.

roy

真係多謝晒你既詳盡分享.

你既分享將會令新會員獲得更加資訊.

nokia

多謝分享

magmak

我都係呀~攪到要攞多日假 ~填錯咗好少嘅嘢
不過法庭來講錯即係錯~~