真心請教....

Oreo

事情有小小長...希望大家可以幫幫我

我月入13000 扣mpf 約12xxx
我本來早幾個月係anx申請左一筆清 清數  月息好貴無計 總數實借23萬 但要還6k 60期
屋企又有事 所以要用credit card現金套現 又再差hsbx成8萬
我實在頂唔住了

我係大型公司做左3年 佢指定左係某幾間銀行出糧 恆x hsbx 中x
我一向係hsbx 自動轉帳
我想問如果一交文件比人凍戶口 公司會唔會知？我可以點出糧 我係咪應該交文件前開定戶口
我想問生活費又點去證明 我要比6000蚊家用 另外3000食飯 1000坐車 重未計幫我媽交電話費同針灸錢
我連拎15000去破產都難 我決定再借最後一筆錢 約25000先去破產
對唔住 我真係好想還 但我已經無本事了
大家教一教我

Oreo

我借既係anx 同hsbx
Anx無啦啦出封信話有可能要我清左筆數或者唔比我分咁多期
我真係唔知點做..
我好怕佢派人搞我屋企人同公司...

cc4321

如果你選擇申破,同時問律師攞解凍信,但要收錢,公司一般都唔知,詳情睇呢度,希望幫到你
http://www.hkiva.org/forum.php?m ... p;fid=89&page=1
如果佢未比收數佬,無咁快搞你屋企人同公司,首先要冷靜同諗清楚點做,想好就要快,免得夜長夢多

Oreo

師兄 我實在無辦法
不過我都諗住頂多一至兩期先破 還得既我想盡力

獅子銀行就應該唔會搞 但另一間 我好怕 無左份工唔得架....

cc4321

Oreo 發表於 6-2-2015 22:01
師兄 我實在無辦法
不過我都諗住頂多一至兩期先破 還得既我想盡力

搞你公司應該無咁快,如果搞到你無左份工,咁咪更加無得還,當年我都等收數追到上門先申破,當時真係有D驚唔知點算好,依家回復自由諗返轉頭,當年決定都無錯,四年啫,好快就過

Oreo

我想下個月月頭還多一筆先破產
我又未有收數上門咁嚴重 我一直有還錢 而係我計過再咁落去唔得姐....

我有兄弟姐妹 一個搬走左 一個都有野做 不過我爸媽就無野做了...
要比兩間公屋既租..
生活費如果無10000就死得

可唔可以話我個邊個律師較好 不用開全名

flypig

1 律師搵專門做老破，大間的，15k樓下就可以。
2 飯錢可以多少少。我會申4k,因為物價貴好多了呢兩年。
睇佢還價。而家庭饍食，更儘量加多d.
3 要交兩間公屋租，比較麻煩。有可能會被質疑。咁要你全家收入呈上。到時再研究。就算有姊弟搬走，會被質疑點解佢地唔俾？有個不成文原則係，唔應該由財政不健全之人去供養財政健全者。假如你父母二人，你想一人供養2k.咁外判未必批。有可能要求要全家財務資料。

Oreo

2間我無辦法 因為我係舊式公屋 講緊無無房個隻
除番開 我要交一間 千鬆小小

全家得我 哥 姐有收入  
我媽做散到唔散既散工 唔穩定 加上近日身體好差 停晒
兩個月1500-2000蚊都未必有

Oreo

我都好苦惱.....其實我應該今年會加人工 但我只係捱唔到去年尾
我好辛苦..但用4年去換又值嗎 我如果有10000生活費都要還4-5000....

nelson_cml

有1萬點都好過日日諗爆頭點生存

flypig

Oreo 發表於 7-2-2015 05:19
2間我無辦法 因為我係舊式公屋 講緊無無房個隻
除番開 我要交一間 千鬆小小

1 外判未必批.因為要睇邊間外判做.同一間外判,亦有可能唔同人負責.
2 外判唔批,可以唔簽名.要求法官判....
到時就計大數...全家ASSET/SALARY / 洗費拎上庭.

好消息: 餓你唔死!!!法官仲通常鬆手少少.
壞消息:此判決係最後的. 而且你要搞全家 財政狀況,麻9煩. 私隱無哂.

如果判左了!!! 你衰左.咁點??? 你唔夠錢真係可以拖住俾. 俾夠4年未清.就俾到 清為止==>
唔止4年老破....所謂清,唔係指債務,係外判要求你每月上繳的銀碼.

如果俾夠8年都未清,就唔洗俾了.8年係 MAX.你都可以解破.

死唔去,但生活就係艱苦的...

Oreo

8年！？破產不是4年嗎...4年仲要還？..我其實都計左 破都要還4000左右 x番4年 其實數都差不多還晒

flypig

破係4年。但如果你被判月俾 2k.經法官判決或者你簽了名同意。
你唔俾，對方可以加刑。最多加4年。

4488914

講真師兄，你吾破每月都無10000蚊生活費啦（我諗），破咗每月起碼有8~9仟，個人覺盡快破好過去死頂

Oreo

flypig 發表於 7-2-2015 13:51
破係4年。但如果你被判月俾 2k.經法官判決或者你簽了名同意。
你唔俾，對方可以加刑。最多加4年。 ...

師兄 我會負責任當然 我只怕佢比唔即足生活費我同搞到我家人

講多小小 我爸媽今年身體突然轉差 家姐又搬左出去要供樓 啊哥同我搵差唔多 但佢要儲錢結婚 所以我先擔心
有一萬   其實我都要好慳 有4000真係比父母 重未計要帶我媽睇針灸 我自己實際要坐車 同飯錢先要4000 我病都係食成藥 邊敢睇醫生.....

Oreo

4488914 發表於 7-2-2015 18:15
講真師兄，你吾破每月都無10000蚊生活費啦（我諗），破咗每月起碼有8~9仟，個人覺盡快破好過去死頂 ...

我好想 但問題係 一筆清我係11月先申請 另外重有岩岩係hsbx drew左筆錢 約22000 過年同還錢用

我而家想死....

4488914

唔使死，我破前都好以你咁諗，驚老公及家人知，最後我好彩跟主任和老公及家人都不知道。我生活費批12800，要養母親及一兒子。

Oreo

4488914 發表於 7-2-2015 18:43
唔使死，我破前都好以你咁諗，驚老公及家人知，最後我好彩跟主任和老公及家人都不知道。我生活費批12800， ...

師姐 可唔可以分享下個case...我單身 無子女 只係得老父母要養

永遠的零

其實大家既生活費係點寫架？

4488914

每個個案不同，但我信在破聯，每個兄弟姊妹都經歷過你現在的心情，我真係好好彩由頒令日（即日可取解凍出糧户口信）到交文件都好順利，到交年報前一個月，主任寄信給我生活費批幾多，我的個案由他接手。我剛交年報兩星期佢都冇揾我，就當過關      提提你如供養人有病就囉單據比佢睇，及供養人的身分證副本。祝一切順利