各位師兄師姐救命

Oreo

在下差anz. 同hsbx 銀行兩條數 期期有供
我琴日先出糧 已禁晒錢用
我預左自己要還 但怕申請破產會搞我屋企人 想問下星期自己搞 至快幾時可以完成？
因為下期數係十幾號要交 還是我找朋友幫手死都交埋今期先申請較好？


我想找律師 但怕佢地唔接... 因為我 acc呢兩三個月有轉錢去馬會紀錄
我自己蠢 信埋d比錢貼士網 以為可以幫我頂到日常開支

我頂唔住了..

flypig

1 轉錢去馬會無問題。如果你唔係老細。投資賭博老破先好，唔駛俾人懷疑你資產轉移而且合法。馬會投注有紀錄，好！！聽日俾d案例你定定經好唔好！！2 至於幾耐有檔案編號。自己搞上午去，快上午有。慢虎下午有。律師需要3/5/7日不等。無論自己搞定律師搞，都應該知道需要準備甚麼文件/單據。聽日我俾link 你。

Oreo

flypig 發表於 1-3-2015 23:12
1 轉錢去馬會無問題。如果你唔係老細。投資賭博老破先好，唔駛俾人懷疑你資產轉移而且合法。馬會投注有紀錄 ...

我唔知點多謝你好

其實我早半個月問過資料 都係師姐你答我

不過今次立定心去了 真係無計....

我想問等上庭會不會好耐 因為我的數 下星期要找了 我怕來不及

flypig

我睇番以前 POST,你的確有危機.
如下:
屋企又有事 所以要用credit card現金套現 又再差hsbx成8萬
如果,你起碼還 HSXX 3個月,咁就好D....

問題不在你 賭馬與否,而在 DRAW 數目唔細 80K....而如果係3個月內 DRAW,就會好易俾人CHALLENGE.

目前我所知, draw 10k-20k, 一個月佈老破,一般問題不大(指有人告上法庭及被 質疑.)

先唔好講被告上法庭,俾外判/主任 寸得兩句同你要解釋更深入,個壓力大到無倫呀!!!

flypig

先講問題在那!!!

所謂問題,即驚被告 欺詐.分野在 借時一刻,有無準備還. 假如你今日draw 80k,聽日老申,
咁法官絕對可能相信你 有心走數....
所以好多律師,只接 3個月外 draw 過錢的 case.

如果你今日借,立即被騙. 或者被炒. 咁就無事.

而事實上, 是否一定被告呢???
下個post 解釋.

flypig

case 1:
http://www.raymond.hk/2.html
因賭博而申請破產是否犯罪??

最近有想申請破產又或已透過我正在辦理破產的客人，經常向我查詢，提及最近看到一則關於因賭博而引致要申請破產的過案，被破產署或破產管理署提刑事票控，要上法庭打官司。現在對申請破產感到非常懮心，所以特別向我查詢。該案據報章報導撮要如下：

"一名髮型屋股東因拖欠舖租3萬元及其他欠款無力償還，其後破產，他接受署方查詢時「自爆」，破產前兩年曾到澳門豪賭並欠下50萬元，署方遂提出票控，他昨被裁定罪成。 案件押後至3月20日判刑，以索閱社會服務令報告，其間被告袁錦榮(55歲)獲准保釋。 被告被控一項「破產人因賭博等而有罪」的罪名。控方指出，他自2006年6月起開設髮型屋，翌年9月欠租，同年12月破產，當時欠下19.7萬元欠債，包括拖欠領匯的3.7萬元租金、利息和差餉。 其後袁會見破產管理主任，在問卷內透露破產前的兩年間不時「過大海」，承認因「賭博過度以致無力償還債務」，欠下50萬元賭債，其間曾向3間銀行借貸，用以周轉和賭博。"

以上所提及的控罪是根據《破產條例》第133條(a)提出的，即任何已被判定破產的人士若曾從事任何行業，而頒下破產令時尚未清還因經營該行業所招致的債項，且在被頒令破產前的兩年內，曾因賭博或作輕率冒險的投機活動而影響還債能力，而該些活動與其所從事的行業無關的話，即屬違法，最高刑罰監禁兩年。

以上法律只是針對有經營生意而因賭博等行為而引致要申請破產的個案才是犯法，而一般只是打公仔的市民，因賭博而需要申請破產，是沒有觸犯上述的條例！

flypig

case 1 可見, 人地今日賭,聽日申.衰左都唔係被告詐騙.只係告另一條罪,即做生意者 去賭搞到老破就犯法.
我有兩種睇法:
1 《破產條例》第133條(a) 不過 判 緩刑.而唔告的詐騙,可能因為 未必告得入,可能因為 入一條大的控罪 133a 算數.
2 賭博申破唔係問題,如果你打工.

flypig

If I were You, 我搵死黨,親友,頂都頂夠 3個月(由 HXXX 借錢開始計).
當然,唔還唔一定被告.但個壓力可以極大極大.
當然,更進取的 申破預備者 可能 一毫子 都唔還 都無事. 呢個就係 人與人 的 決策分別了.
我亦唔敢講我做法一定O岩. 而你要為自己決定了!!!
決定對與錯,都係自己承受.與其他花生友無關.

flypig

請仔細睇下老破流程,與及破前的準備如 MPF 之類. THANKS TO 版友 HEIHEI 提供.
http://hkiva.org/forum.php?mod=v ... &extra=page%3D1

頒令上庭經過, 基本上帶張ID CARD 去就OK.... , again thanks to HeiHei 提供
http://hkiva.org/forum.php?mod=v ... &extra=page%3D1

flypig

請細心睇 要點填, 你主要填 FORM 28C...無論搵唔搵6C, 你都要提供 資料. 6C 變唔到 資料出黎.
破署出埋注釋. 在填寫表格前，請小心閱讀載於第5-8頁的註釋 。如果你填完無信心,可搵 社工,志願機構 明X, 東X望一下......
http://www.oro.gov.hk/cht/publications/debtor.htm
你睇清楚 28C,就會知道要答咩問題...加埋 HEIHEI 之前所講的.基本上就係需要呢D 資料.

6C 呢?? 佢幫到4樣野:
1 如果比較複雜的 CASE, 可能真係需要佢.....
2 一D TERMS 你唔明,佢可以解答
3 秘書服務代填
4 你搵專業人士,個心定D..係一種心理的輔導.

Oreo

師姐 我其實從無拖過hsbc數
佢早兩個月重將我由白金卡 upgrade做signature
實際其實只係上個月再draw2萬
前面個8萬 係本身已經差落 anz幫我做一筆清 清左本身條萬應錢loan同credit card
  但credit card centre同我講我本身既數有大半係現金套現  所以d錢放係度都係逐個月扣 之後我1月頭就同佢講要draw番5萬出來
所以新數嚴格來講係2月新年前我draw既2萬

6c我未必會搵 如果自己去會較快
但而家我擔心我星期三去遞紙 係個幾月我上庭期間比佢地滋擾我屋企人

flypig

Oreo 發表於 2-3-2015 12:52
師姐 我其實從無拖過hsbc數
佢早兩個月重將我由白金卡 upgrade做signature
實際其實只係上個月再draw2萬

ng....我係一個麻甩佬...當日你第一個POST,另一位係 C9 對答....可能就咁令你...誤會...

如果新年前 DRAW 20K,問題不大.呢期俾人寸下都有可能.但應唔會上COURT. 放心!!!
搵6C 都係3/5/7日.差不遠...你搵唔搵6C,都係要睇齊 HEIHEI 篇野...準備好文件,單據.BANK STATEMENT,MPF... ETC..

我就明X 都無搵,自己殺上去破署.但 事前準備功夫做足了. 如果 HEIHEI 做左 90分,我75分左右喇.
結果,上午去,下午搞掂. HEIHEI 快少少,呢個就係準備功夫的分野了.

GOOD LUCK!!

Oreo

師兄 唔好意思叫錯你做師姐

6c比多差唔多50%
我比唔起 因我要預留做生活費 我做大公司 指定得三間銀行出糧 獅子 恆x 中條
我怕佢一凍戶口好麻煩

我想請問入左紙 點先比佢地知我已申破？我參考其他post等上庭要幾個月呢段時間真係好擔心  獅子應該唔會搞我 但澳x個面我怕佢會死追

flypig

1 入紙後，你應逐間銀行債主通知。我係咁的：
申破後第二日，打電話去一間債主銀行卡務中心話佢知我已申破。問佢地邊個部門負責。電話幾號，有無fax.跟住打電話通知相關部門。再黎手fax.再發個輪問佢地有無收到。事實上，我只欠三間銀行錢，申破前我係深水埗，經過主要債主兩間銀行就入去，要求最update的欠款。跟手追問佢地負責的部門contact，因為第二日會fax 相關文件。頭尾玩左一粒鐘就ok.

flypig

至於freezing戶口，十分麻煩。你可能要公司出票。因為好多
難友的銀行不接受 autopay. .請與其他有經驗版友討論，如下：
http://hkiva.org/forum.php?mod=v ... &extra=page%3D1

Oreo

即日遞紙個個係咪只係等於我成功申請 唔等於成功批准？一切要等上庭先判？

死得 如果我申請左 下個月份糧咪無得拎

我去中銀開定先 還是等頒令先開

flypig

1 去永o 開定戶口，要公司出票。
Ng...你都係同上面條link 的版友研究好。
佢地最updaye.

4488914

豬9佬，破聯平台吾系分享個人經歷既咩，信唔信係個人問題，無得迫呀！我做會員已一年，每次上黎睇都見你post 好多資料或教人點做，起初還以為豬9佬你係破署做高官甚至處長！！最後知道原來都係破者。笑咗

admin

4488914 發表於 2-3-2015 23:32
豬9佬，破聯平台吾系分享個人經歷既咩，信唔信係個人問題，無得迫呀！我做會員已一年，每次上黎睇都見你pos ...

老闆。其實你想表達的係？

flypig

4488914 發表於 2-3-2015 23:32
豬9佬，破聯平台吾系分享個人經歷既咩，信唔信係個人問題，無得迫呀！我做會員已一年，每次上黎睇都見你pos ...

去投考 破署做高官甚至處長??

That's a good idea!!!