今天的一家三口，真的好心酸（有感而發）

cococake

點解唔去破產要自殺咁傻⋯⋯

金龍華

破產解決到應該唔會攬炒

cl475867

其實係一家四口，有一個逃過鬼門關

cococake

幾多口都好，冇野解決唔到

kktiger

現今好多人還不接受破產

BB__BB

我都接受唔到比D朋友話自己是破產人士！但唔這個決定，我也不知下一步是否去自殺！

cococake

係架，其實背後辛酸又有幾多人知，有時不一定係自己理財不善，係被家人連累既多的是，但d人已經標籤左破產既人係攞黎賤

cococake

BB__BB 發表於 26-2-2019 21:27
我都接受唔到比D朋友話自己是破產人士！但唔這個決定，我也不知下一步是否去自殺！ ...

我都是，所以朋友一定唔會講

PoorGuy2018

cococake 發表於 26-2-2019 21:54
係架，其實背後辛酸又有幾多人知，有時不一定係自己理財不善，係被家人連累既多的是，但d人已經標籤左破產 ...

大部份人睇人都係用有色眼鏡的。。。唉。。。唯有自己盡量睇開d囉。。。

flypig

cl475867 發表於 26-2-2019 20:04
其實係一家四口，有一個逃過鬼門關

你指 個大仔？？應該前夫生，新聞無講好詳細，但我睇未必同住。

deadmaninc

我明白佢地既心情 破左產都解決唔到既事 破產只係解決到面既問題 底下果堆先係大問題 就算破左都係無幫助 聽日或者黎緊幾日仲有一大堆數等住找 家人 最親既朋友親戚幫你唔到 有d仲落井下石 係你後面當笑話同人分享 果種無助 辛苦 好累好攰 講真 唔係咁多人真係體會到

flypig

kktiger 發表於 26-2-2019 21:12
現今好多人還不接受破產

破產唔係問題，問題係破產之後，該事主唔知如何繼續落去！無穩定收入。
一個做地產，晨早番下唔番下，宜家地產經紀無老底。
另一個做傳銷，隨時成屋都係貨，又賣唔去！男事主讀 聖保羅，唔知男女定淨男校，男女就近年公開試唯一對手就係女拔！！照計應該有多少fd 照下。
其實佢地算少少中產，接受唔到拎老綜，申破，住劏房的生活。

flypig

deadmaninc 發表於 26-2-2019 23:15
我明白佢地既心情 破左產都解決唔到既事 破產只係解決到面既問題 底下果堆先係大問題 就算破左都係無幫助  ...

照男事主fb睇，應該有自尊的，做唔到賴皮！：
欠7個位，佢工作借唔到。個d 錢我睇親朋戚友多。
其實申請破產，拎綜援，好友債主問到就死狗，如果做得到，應該過到呢一關

窮途

我破左產，啲朋友都知，所以斷晒來往，吾係佢地睇吾起我，而係我面對吾到自己

cococake

係既，有時條數太大或借左大耳洞，又真係冇去路，坦白講我之前還不到三十萬都好無奈，申請破產果陣都考慮左幾個月

Anmi2019

我都覺係好多人帶有色眼鏡睇人，其實破產又唔係打劫強姦犯法事，只係理財有問題姐。雖然申破咗錢可能唔駛還，但要過4年非自由嘅生活都已算懲罰啦

PoorGuy2018

窮途 發表於 27-2-2019 00:08
我破左產，啲朋友都知，所以斷晒來往，吾係佢地睇吾起我，而係我面對吾到自己 ...

我同你差唔多，我同大部分都斷左聯絡，部分都少見左只係間中用apps聯絡。。。因為就算見到面大家都會odd...唔知點咁。。。

PoorGuy2018

Anmi2019 發表於 27-2-2019 01:15
我都覺係好多人帶有色眼鏡睇人，其實破產又唔係打劫強姦犯法事，只係理財有問題姐。雖然申破咗錢可能唔駛還 ...

大部分人覺得只要你有過麻煩事負面事，唔會理會事情前因後果有冇苦衷，只會覺得你係“身家唔清白”，當你有傳染病既毒瘤咁避，或有事至焗住搵你做而無事無幹要搵你時就當你透明，有d人仲會背後唱你當你係笑柄，呢d苦況，我都試過哂。。。就算4年過左，我都預左人地會繼續咁對我。。。所以我而家都冇得點介意了，只希望重新平靜地工作過活。。。帶有色眼鏡對我果d咪盡佢冇到少接觸囉。。。唔係又可以點。。。

Anmi2019

真係講錢失感情…… 唉

PoorGuy2018

Anmi2019 發表於 27-2-2019 23:24
真係講錢失感情…… 唉

我諗。。。可能根本係感情未好到可以講錢。。。＞~＜