頂唔順想舉手

Bandu

欠AE30個
X打40個
獅子銀行30個
星星10個
安X10
加上之前向痕生私人擔保公司4.5m.
本來都還到。但今年D生意仲差過上年，最大嗰兩個客都執咗，公司基本上係冇生意。已經攞晒所有錢出嚟還都搞唔掂。想公司清盤及舉手，但公司個會計一句移民，就乜都冇幫我搞。現在公司盤數我又唔識搞，錢又還唔到，舉手及清盤是唯一出路。想問吓同路人，個程序我應該點樣做？是否搵律師搞，定應該搵會計？另外因為上年年尾開始變成長期病患者，舉咗手之後系咪唔可以睇私家醫生？????

Yuyuyuu

Bandu 發表於 15-7-2024 21:36
另外因公司地址係同朋友share租的,銀行會唔會上去清盤？

你係打算自動清盤定強制清盤先，強制清盤就有清盤人上門接收你全部賬目同營運，自動清盤就唔洗。

LALALALA

如果渣打同HSBC有欠債，預左好大機會會外判出去，如果你自己有公司，最好搵會計或者律師幫你搞，因為check得好嚴

Bandu

另外因公司地址係同朋友share租的,銀行會唔會上去清盤？

Yuyuyuu

公司清盤搵會計+公司秘書搞。個人破產搵律師搞。睇咩醫生都可以，只係佢未必批足100%私家醫生費落生活費到。

Terea

師兄，我同你情況非常類近，已舉手等緊頒令。個人破產我搵6C搞，6C叫我搵秘書公司辭任公司director。公司有負債唔可以自己清自己盤，要等債權人去做。當然6C有講最好audit好盤數，你個會計走咗，咁會計師樓幫唔幫到手？真係唔得都冇計～ 搵咗6C搞舉手先，一步一步嚟。生意難做，呢個苦況好明白，加油。

caveman10

有公司 有物業 如果資不抵債 係連自爆既資格都無架 即係舉手前要你埋好盤數做好手續先可以個人破產
我情況同你差不多 銀碼大你幾倍 我都係等被清盤破產算啦
原因：埋數 會計連核數估計都成2皮野 依加係你資不抵債 盤數都唔知點埋單 啲數唔解釋得清清楚楚係有機會比人告你既證據
盤數唔清楚 比債權人捉到 同你簽名果個核數師都有問題架 唔知夠唔夠膽同你簽 或者 唔知收你幾錢先肯簽
我選擇唔交盤數出黎算 大不了比人告 （董事7年無管理好盤數）罰2-3K算數啦 我諗住個解釋都係 蝕到無錢出糧個會計離職 交唔到數
等被清盤破產 簡單直接 交正都無錢 廢事晒錢晒時間攪咁多手續

Bandu

想問公司現時地址係同朋友夾份租，因租约9月到期朋友唔想搬佢想繼續租。如果租約用返佢公司租，到時公司被強制清盤，會唔會影響到佢。

a981142

個人有無欠債?如果唔係公司清盤應該得
私家應該唔得啦,私家太貴,有都枇唔足
睇返公立啦

從新做人1000

LALALALA 發表於 15-7-2024 21:18
如果渣打同HSBC有欠債，預左好大機會會外判出去，如果你自己有公司，最好搵會計或者律師幫你搞，因為check ...

師兄，知唔知欠邊間一定會開大會？我冇欠揸兜同師子都判左比石仔…

caveman10

公司無借錢 無COURT CASE  比2皮係可以自己比錢清盤（依個情況簡單好多） 但係清盤連舉手加埋35-40K 睇你自己肉唔肉痛囉
如果有上面既情況 就用董事炒自己唔撈  之後個人舉手（依個情況 自爆太複雜 又會計又核數又6C 九十幾樣文件 缺一不可）我就係依個情況 依加等債權人隊爆算啦

Bandu

如果等隊爆，個單位朋友用佢自己名簽新租約，銀行應該唔可以搞佢？因個單位有食牌所以朋友唔想搬，佢同我由细玩到大真係唔想害佢。

caveman10

你依個情況 可以同你老友簽返小小文件咪得囉 租無/頂手比佢 可以解決到
但唔影響收數佬收數 除非佢無依個地址/無你依個人存在

caveman10

你有條4.5M 依加公司借錢都要加個人擔保架啦
公司同個人都同一條命 一定要上身架啦 清盤又清唔到 唔清盤個人又破唔到
等債權人郁手算啦 我斷供4-5個月 有債權人開始告我啦 全部踢晒COURT無理到 依加做緊個正常人
但肯定好多手尾跟 依加開始3轉 洗現金 唔好用銀行卡出入數 慢慢習慣啦

Bandu

現在得返6千蚊，剛剛收到AE出律師信要求我7日內找清30萬，否則會有進一步行動。即係告我？ 痕生條4.5m係百分百擔保，佢應該會叫收數公司？因我公司户口係佢到開，佢睇到D出入數，一月開始已經近乎無收入，之前借個時真心諗住疫情過咗，所有嘢都會變好！但現在好似仲衰過之前。錢同心血無晒，仲謙落一大敗筆債，又變成長期病患者唔知為乜????

caveman10

律師信就間間有牌銀行財仔都會出架啦。佢地講既進一步咪交收數做野 收數佬2-3個月都收唔到 債主就告你咁囉  錢債case啫 佢贏就贏硬 你無錢還 出唔出庭都無影響 。佢贏左之後睇下告唔告你破產囉

臨老至頭痕

Bandu 發表於 16-7-2024 14:03
現在得返6千蚊，剛剛收到AE出律師信要求我7日內找清30萬，否則會有進一步行動。即係告我？ 痕生條4.5m係百 ...

我同你情況一樣, 借咗百份百, 要私人擔保, 獅子見我有兩期冇供, 依家俾咗外判公司收, 每月供住息先, 公司銀行戶口已經凍結咗, 每次要去櫃枱入, 不過諗住條尾數都冇可能還, 已經做定舉手動作, 爬定文先!

臨老至頭痕

caveman10 發表於 16-7-2024 13:17
你有條4.5M 依加公司借錢都要加個人擔保架啦
公司同個人都同一條命 一定要上身架啦 清盤又清唔到 唔清盤個 ...

師兄, "等債權人郁手"? 你意思係等佢申請你破產? 如果仲有其他咭數, 哩幾4-5個月斷供, 咪有好多電話追數?

stevenchan2004

Bandu 發表於 16-7-2024 14:03
現在得返6千蚊，剛剛收到AE出律師信要求我7日內找清30萬，否則會有進一步行動。即係告我？ 痕生條4.5m係百 ...

有興趣搵我傾吓可以，俾啲意見你

terry717

臨老至頭痕 發表於 16-7-2024 16:50
我同你情況一樣, 借咗百份百, 要私人擔保, 獅子見我有兩期冇供, 依家俾咗外判公司收, 每月供住息先, 公司 ...

咁你係公司申請清盤定注銷先定係申請個人破產先？