破產後還債回購業權求助

samam2015

andy, 你入去條link參考下關於房署有關未補地價居屋嘅按揭方針: http://www.info.gov.hk/gia/general/201505/13/P201505130474.htm

samam2015

建議你搵銀行傾下，但唔建議你搵中介同財仔，未補價居屋要先經房署批準，但如果你準備到補地價嘅錢，佢一定會批俾你，問題係你手頭冇咁多現金，其實有銀行係可以幫你先補地價，再將層已補價嘅物業加按，我當年都係6C介紹痕身俾我，一條龍咁做，我當時係6C樓簽晒文件，房署就搵咗測計師行去我屋企影相，跟住覆咗份以市值計算嘅補價信，咁銀行就幫我清付補地價費用俾房署，然後連同我要套現嘅金額，重新做按揭，以已經補地價嘅樓價，減去未供完嘅尾數、代補地價費用、套現嘅金額等，重新做按揭，呢個係當年我將層未補價居屋套現嘅故事，係經6C一手包辦，雖然政府話咁做係唔合法，但銀行係識走灰色地帶，所以你搵6C問下而家情況有冇得搞啦，我呢個係04年老破前嘅經驗，你當參考好了。

samam2015

漏咗講，我層居屋係白表買嘅，本身係痕身做按揭。另外綠表申請補地價同白表有冇唔同，我唔係咁清楚，請你自己了解一下，祝你早日了結按揭一事!

andy928

多謝samam嘅提供資料 非常詳細 我都係白表買居屋 我遲少少等法庭嘅文件返到6c樓， 到時再同6c傾下，睇下有冇補地價加按或者其它嘅辦法，再一次感謝samam提侠嘅資料

samam2015

andy, 唔好客氣

Kitty123

安太太，恭喜哂，一齊順利。

robi

唉…我等上庭途中有阻滯呀！好擔心。。。破處話我有筆電訊數無還，要提供曾經搵過該公司嘅時間。另外，因層樓仲供緊，破處話我地仲有欠款紀錄，6c話不如贖回層樓，好在就供完，依家攪手續，希望順順利利啦！

samam2015

robi 發表於 23-11-2016 23:16
唉…我等上庭途中有阻滯呀！好擔心。。。破處話我有筆電訊數無還，要提供曾經搵過該公司嘅時間。另外，因層 ...

層樓未供完應該冇問題噃，你係還錢俾債權人，銀行未供完嘅尾數，只要提供銀行嘅供款記錄俾破署就可以啦，我地呢度個個都係有尾數未供完，所以唔一定要先贖銀行契，但你有餘錢贖埋就梗係最好啦。

honey

我都未供完， 當時只要銀行出信我仲欠佢幾多，個市價高過你現欠銀行款項便可。 另電訉公司是否律師代你處理，佢地都會keep 住出比電訉公司D信，但如果自己同電訉公司聯絡就有麻煩

amychan

大家好，我想請問大家同恆生傾是打去那個部門，有沒有電話可提供？因為佢地比D電話號碼我，打去又話唔係呢度負責，到而家都未問到點還錢

honey

有冇去分行問？ 我係放低封求情信比分行架

amychan

未，但想問是否同恒生先用電話傾價錢？

honey

不是， 電話唔傾架， 恆生係叫你寫信比分行轉交

amychan

哦⋯⋯明白，謝謝！

amychan

頭先去問過，佢叫我搵破產管理處寫信，想問清楚你地同恆生傾還錢，係咪都要搵主任寫信？

samam2015

相反我地係破署主任叫我地自己同債權人傾，主任唔會插手，但有問題唔清楚，你可以聯絡你單case嘅主任。

honey

自己寫的

andy928

amy,我自己都系先去恆生分行話比啲職員聽想還番之前嘅欠款，最好寫埋之前自己嘅欠款号碼比D職員查證，佢地都幫到手揾到相關人士嘅姓名同電話比我，應該系吾駛經破產處，或者妳去過第二間恆生問下，因為我覺得每間銀行嘅職員處事手法都吾同

amychan

多謝大家解答，我聽日去第二間分行試試

am1200

家父早年因欠債而申請破產（大約欠10幾萬），最近收到外判律師樓的信話要賣樓/回購業權，係咪都有機會以還債方式拎番果50%業權？
究竟係要同受托人傾定破產主任傾先0岩？