破產後還債回購業權求助

rainbow

咁我地係問清楚係受託人定係銀行職員,(你個受託人都有建議你可以直接同債權人傾價，咁你可以問清楚佢地，另外會加收你其他乜嘢費用。)因為唔係太明,可唔可以再解答

samam2015

係問受託人，佢既然建議你可以自己同債權人傾還款，咁你再問清楚受託人佢果方仲會有乜嘢附加收費要你俾，佢話可以幫你搞埋解除破產呈請果部份，你可問下要幾多收費囉，咁咪心中有數你個6c受託人總數要俾幾多了。

samam2015

你同債權人(銀行/財務)議價結果係點，都要知會受託人，因為佢係破署個外判，將來你還清所有債權人欠款後，要俾晒佢地簽出嘅不反對廢止破產令信件，先至可以向破署或受託人申請呈請上法庭解破起釘，呢個程序你明未呢?

rainbow

但我地打去問佢地只係話可以同債權人傾,又冇講佢會收(乜嘢附加收費要我地俾),咁其實係未我地一定要問哂6c受託人所有收費先可以去傾還債

samam2015

rainbow 發表於 25-9-2016 20:17
但我地打去問佢地只係話可以同債權人傾,又冇講佢會收(乜嘢附加收費要我地俾),咁其實係未我地一定要問哂6c受 ...

為求穩陣，先打俾受託人6C了解清楚，佢有責任同你講清講楚，包括受託人將來會收取佢嘅費用，佢地都只不過係破署外判，最終若有問題，破署都有責任，所以受託人唔能夠有任何隱藏的。

honey

Rainbow, 我這樣提醒你因為我知有一DCase 外判， 佢地獅子開大口收取費用大致近六位數！ 而我地政府破產管理處跟只要萬多至二萬！ 只希望你自己心中有數先！ 打去問又冇蝕底！ 問啦

samuel1010

Samam Honey多謝你地,我個case由3月拖到而家,終於都到最後直路,全靠呢個post我先知點做,而家係睇邦x收我幾多喇.

honey

Samuel 1010, 恭喜您入直路， 其實我地冇邦x , 可唔可以分享下幫下D網友？

samuel1010

Honey多謝,我而家update下

HSBX 8% X 年期冇價講
大X(前身JCX) 8% X 年期
恆X 8% X 6年
星X 叫我交信同資料去分行,電話中人有D掘,佢俾左個電話我叫我交低後再打去COMFRIM佢地收到未,有點擔心
邦民本金X6倍,我話還唔到,佢叫我還個可以AFFORD既而又覺得佢地接受既價,我都未諗到還幾多價好.

有新進展我再UPDATE~

rainbow

但有冇人可以教我點樣寫信問aeon講想還款,因我唔知要寫d什麼資料俾aeon,請大家教一教我

samuel1010

Rainbow,其實封信上面你寫返破產檔案編號，破產人名id no,道明來意你因要申請廢止破產令，而家想還返因當時破產沒有繳還既欠款還清，查詢返所須金額，再寫返d原因求情去息口減免咁左右喇。

samuel1010

Honey,我啱啱同邦X deal完，我開佢講息口減半，我下星期抬Cash俾佢，佢還返我星期五前入到數，就本金加利息x6個數減半，最後而家係大概本金x2.5多d成交。

rainbow

samuel,多謝你教路

rainbow

咁我駛唔駛留電話俾aeno

rainbow

aeon封信寫係要寫俾會計部定財務部

honey

samuel1010 發表於 27-9-2016 15:52
Honey多謝,我而家update下

HSBX 8% X 年期冇價講

恆生應該可以再問下
星展個女人好好架， 莫非放左假。  咁你唯有寫左信先，你話慘D啦！ 佢應該

honey

rainbow 發表於 28-9-2016 12:41
aeon封信寫係要寫俾會計部定財務部

其實你找到果位小姐未？ 電話照留！ 信抬頭寫回aeon credit 便可

honey

honey 發表於 29-9-2016 02:21
恆生應該可以再問下
星展個女人好好架， 莫非放左假。  咁你唯有寫左信先，你話慘D啦！ 佢應該 ...

應該ok 架， 唔好太擔心

samuel1010

唔該你呀Honey,今日終於去到恆X星X分行放到信，分行同事幫我tran去有關部門，而家等下先，希望有好消息。

honey

Good! 咁你留意信箱喇1-2 星期會有消息