開出糧戶口小分享

屎忽痕

話說早排我比痕身取消左個戶口，係7月19號終於收到佢地既取消戶口證明，當日即時sd e-mail比李周講要重新開新既出糧戶口，小弟做左research好多人都建議蕉傷永窿，所以我都係揀左佢地，到7月22號收到李周通知可以拎開戶信，當然都即時拎埋，到今日親自去左蕉傷永窿到開戶，即日已開到戶口。

以下係關於蕉傷永窿既重點：

1. 舉左手既同學如果打算去蕉傷永窿開戶，唔需要用佢地個app預約，因為最後都係同你講要落分行搞
2. 佢地開既戶口有兩種：
第一種係要平均每日最低存款額要有$10000，如果唔夠就會一個月收你一次$100手續費
第二種既係冇最低存款額，但每次經櫃位交易就要收$20手續費
3. 雖然係即日開到戶及有atm密碼，但提款卡要兩個星期內先會寄到比你
4.有網上理財服務，當日比埋密碼你，本人已試過登入成功，職員聲稱一般既轉帳果啲係可以做冇咩限制
5.唔一定要去總行開，我自己去左荃灣分行都冇問題，係要等耐啲咁解

希望以上資料幫到大家


補充內容 (24-7-2024 22:32):
補充返少少：開戶果陣係唔需要比錢入戶口，我當時開戶口蚊郁冇比過

欠一百萬

很好  

whysodump

多謝師兄！資料好有用 ????

whysodump

師兄，咁提款咭每日上限可以㩒幾多呀？另外想問下痕身取消你戶口係因為有牙齒印？我本身同痕身冇牙齒印但欠佢阿媽HSXC, 唔知頒令完後會唔會取消我戶口呢！我未有痕身戶口，今日啱啱網上開咗創x, 但如果我頒令後應該冇得留低因為係綜合戶口嚟！我開純綷用作舉手後，頒令前出糧用咋

屎忽痕

whysodump 發表於 24-7-2024 02:19
師兄，咁提款咭每日上限可以㩒幾多呀？另外想問下痕身取消你戶口係因為有牙齒印？我本身同痕身冇牙齒印但欠 ...

銀通機理論上係6000？呢樣我都冇問到，另外我同痕身冇牙齒印，我以前一直都係用開匯瘋，但舉左手有no.後先開痕身，正常頒左令有no.應該可以揀保留，我豐瘋係凍結左解唔到先焗開新戶口，而痕身點解取消我戶口佢都冇實際答案比我！

eugen666

我同你一模一樣，比恆生取消左，岩岩打左比主任，上網預約開戶。。去wing 龍搞

屎忽痕

eugen666 發表於 29-7-2024 14:37
我同你一模一樣，比恆生取消左，岩岩打左比主任，上網預約開戶。。去wing 龍搞 ...

唔使預約㗎啦，直接拎開戶信落分行開戶

timmoz

恆生有無牙齒印，其實都開到...只係舊既戶口要取消再開過...

Lbsl8

開戶信 申請左要幾耐先去拎得

Lou

頒令今日去永O搞開戶原來都要預約，同埋話要搞啲手續先????