獅子做到IDRP機會大唔大

KC2221

TU G 432k債
月入20k (-mpf=19k)

獅子卡 全min pay
1.208k
2. 32.2k
3. 24.5k
4. 19.2k

MXX BANK 卡+貸款
26.2k

花X銀行 結餘轉戶(已還27期, total 48)
81.3k

X-Wxxxxx
34k

獅子成功做到idrp既機會大唔大？謝謝

KC2221

好詳細好詳細 真係十分感謝你！！

Kawaiii

X 錢包應該唔會INCLUDED，MXX 我都唔SURE。  你每月還款分布如何？ IDRP 要 3個以上債權人，你可先考慮獅子個別DRP 先/ 或CUT 卡計數轉每月分期還～

KC2221

琴日打左去獅子， 佢地大概了解左之後話7天後會有專員打翻比我。 我想問下cut卡計數每月分期還係可唔可以張依4張卡合併左齊計？ 定係合併既話就等於獅子個別DPR? 謝謝你

KC2221

每月獅子約9500, MXX 800, 花X 3879, X銀包 1555

KC2221

其實只要解決到獅子可以每月還款低啲 唔需要再還min, 我其他順供其實都可以，花X 都係差20個月

Kawaiii

建議做獅子DRP 一般做DRP 一做就所有CARD。 以保守DRP息口計，15% 年利率， 分72期，本金欠280000，每月獅子供太概ROUND UP 6000 一個月，供 72期。（當然我唔係銀行批個個，只可以比個參考你，實際情況你要等銀行同你DEAL）每月收入 19000 - 獅子 6000 -花仔 3900- X 包包 1600 ＝7500 。 有7500 比你慢慢還MXX 同平時食飯返工既車錢，建議有閒錢盡快先清冇分期既結欠。MXX 同 X包包 要先清。

Kawaiii

你要生性唔好再借錢同碌卡，唔想你步我後塵 ！！ 你個情況唔算最壞既，但停止增加負債比率同增加收入（1，2000都好）先係最穩陣既方法。

KC2221

謝謝你， 我就係想好好解決依家個問題，真係要生生性性，希望獅子可以做到DRP 。

KC2221

另外我見你都有開post講你既情況， 介唔介意講下文件上同同銀行傾既大概情況係點， 我想準備得充足，避免要處理太耐。 我都爬過文 但詳細既好多都係好幾年前既案例。

Kawaiii

文件方面,

1~~~獅子出糧既要過去半年出糧戶口紀錄, 每條DEBIT CREDIT 都清清楚楚個隻月結單~~ 冇既可以去分行申請左先, 因為前前後後都要2星期份野先到手,( 其他出糧銀行一樣啦, 如唔係自動轉帳就要準備埋最近半年糧單, 支票出糧就要埋個幾張支票COPY,) 現金出糧既話係可以直接BYE BYE, 99%唔受你玩.
2~~~上網買份TU 3舊水, 係必須既~  
3~~~你獅子信用卡所有最新月結單, 4張卡 就4份,   
4~~~MPF 供款最近3個月 OR 半年 月結單,  要證明有幾多個MPF ACCOUNT 同結餘, ( 幾多個ACCOUNT 呢就可以去積金局網頁登記, 24~48小時就會有RECORD出倒黎 )
5~~~ 準備你每月個人開支預算,  燈油火蠟既, 上網費, 電話費 月結單 清楚睇倒每月要比幾多錢為準

傾既情況呢就好睇跟邊個STAFF 既, 佢地都會盡量幫你, 但前題係你要全透明話比佢地知你情況 同你心目中既預算,  佢地係非常非常忙, 因為好多人還唔倒錢 XDDDDDD,  你要預最快都要2-2個半月先有結果

第一步: 打比佢地話(電話NO, 上網搵啦 )[ 還唔倒錢喇, 好慘, 頂唔順, 唔想破產, 我真係好想盡力清左條數 ] 都係個D野啦~

二 : 等第一位職員打黎, 佢會問你既情況, 欠債結餘, 供款能力, 點解會搞到甘之類. 佢聽完之後就會叫你再等DRP 部門既同事打比你, 你預1星期啦 ( 如果唔受你玩正常會即刻REJECT, 當然之後REJECT 都有可能, 只作參考)

三. DRP 同事會叫你交文件, 以上個一大炸野啦, 來來回回, 填錯呀 填小左呀,  紅日假期呀~ 1個月 走唔甩

四. 上去DRP部門 1 V 1 , 主要對數, 睇番RECORD 有冇不尋常大出大入既銀碼, 有既話請準備真實原因, 賭錢既都要有RECORD , 填一大炸你之前第三步已經填過既表, 冇錯再填一次, 所有野都要如實墳寫. 之後會大概講下你既供款能力 錢呀, 期數呀, 息呀, 等等等等

五: 返屋企等消息 睇下銀行批唔批,  你預2 星期冇死.

六: 打比你話比你知結果, 咩 PLAN , 你受唔受.  受就簽約,  個PLAN唔岩既話 你當冇事發生過你繼續還錢 ,

~~~前後2個月左右差唔多, O係你未確認接唔接受個PLAN之前係要繼續還錢既~~~~!!!  以上只作參考~~希望師兄你一切順利 重新做人~

KC2221

Update 下  今日收到第一位職員打比我，佢主要了解我左我既情況，都係問翻主要係咩原因所以先搞到要申請， 每月收入同支出係幾多，接受到每月供幾多，收入要講清楚實數，咁樣佢先可以計到數。獅子話我依個case只係做到佢地自己數其他做唔到，之後佢好快開左個息同供款期數比我問我o唔ok，之後再講翻啲條款細則問我同唔同意。 以上既嘢傾完之後就要再等大概一星期會再有同事打翻比我。 因為今次係獅子第一次打電話嚟問既，但第一次就已經出左個offer問我o唔ok, 但我估依個offer都係睇我有冇依個能力同願唔願意去比咁既數去供款，加上我根本未交任何文件。  所以想問下係依家依個情況入面，成功申請既機會大唔大？有冇人有同樣既經驗？ 好希望一個星期後有好消息。 同埋想同Kawaiii補翻聲多謝(唔知點解之前句多謝回覆消失左)，打左篇咁詳細嘅文比我。 多謝你！！

Yuyuyuu

KC2221 發表於 20-6-2024 17:16
Update 下  今日收到第一位職員打比我，佢主要了解我左我既情況，都係問翻主要係咩原因所以先搞到要申請，  ...

基本上你交得齊文件，銀行又信你係有呢個需要，又接納你既還款能力，9成都批架啦，Drp係好易批，銀行當賺息咋嘛。

KC2221

獅子啱啱應該截埋數cut埋卡, 因為Apple pay冇曬啲卡。

KC2221

但佢地未叫佢交文件上去。

Kawaiii

KC2221 發表於 20-6-2024 17:16
Update 下  今日收到第一位職員打比我，佢主要了解我左我既情況，都係問翻主要係咩原因所以先搞到要申請，  ...

唔洗客氣，我當初好驚好灰既時候都好想有人比倒支持我，所以有緣見倒你個POST，打幾隻字好小事～ DRP 絕對比IDRP 簡單容易好多，好似YUYUYUYU同學差講，比得OFFER都，8，9成架喇，不過你要計清楚個PLAN 幫唔幫倒你先SAY YES～  繼續等你UPDATE～！

Yuyuyuu

KC2221 發表於 20-6-2024 17:40
獅子啱啱應該截埋數cut埋卡, 因為Apple pay冇曬啲卡。

其實係咪當電話度申請咗啦？cut得卡即係埋單計數，免得你再有新債。

KC2221

Kawaiii 兄 你既支持真係對我好有幫助， 真係好感謝你。 佢今日同我講個利率同還款年期都好好，完全係我意料之外。 感覺到佢真係幫緊我。 但佢提及既offer 我相信係幫我用佢講既利率同還款年期去申請，實際既應該要到我成功申請上DRP部門1V1簽紙先確認到。  Yuyuyuuu兄 我相信係已經幫我申請左， 因為我問左我7月頭有其中一張信用卡需唔需要還款，佢地都話唔需要。直到申請有結果。   好希望可以成功申請。

KC2221

獅子手機app入面所以信用卡消失曬， 相信佢地計緊數了

KC2221

最後Update, 琴日獅子打左嚟成功批左DRP， 但唔知係咩原因，我成個過程冇交過任何文件。 由打電話到成功都係月左23日，中間有六&日同紅日。 再一次多謝Kawaiii同yuyuyuuu既留言同解答。 最後想講既係大家如果真係覺得自己真係需要去揾銀行解決既時候真係唔好再猶豫，直接揾。