還款給債權人係咪真係可以贖回半個業權？

mickeyminne

我媽2002年破產，當時有層居屋係老豆同佢聯名的，當時亞媽欠債23萬左右，前幾日收到一問顧問公司的單張，說可以幫助贖回半個業權，咁我亞媽叫我打去問，佢話可以幫我哋做，做法係要還錢比所有債權人既數就可以，咁我話我哋冇咁多錢點還呀，跟住佢話可以叫我老豆去按層樓借果筆數還。我想問問大家，係咪真係還款比所有債權人就可以贖回果半個業權？再按層樓（層樓己供完及己補地價）咁樣嚟還款係咪最好方法？請大家比比意見，謝謝！

flypig

想層樓送俾顧問就幫趁佢喇。想贖番層樓就正正經經搵個律師。無水可以自己搞。詳細請爬文。但再按一半業權可能有難度。

flypig

http://hkiva.org/forum.php?mod=v ... &extra=page%3D2

flypig

http://hkiva.org/forum.php?mod=forumdisplay&fid=88

admin

樓主。
根據我所知。

1. 層樓一定已釘契。
2. 即係正路無得按！
3. 顧問通常實話得，不成功不收費。

咁乜叫成功，按到就成功架啦。

也叫按到？

即係借到錢。

乜叫借到錢？

即係按到 50%，但係你實收 5%，其餘 45% 係手續費，轉名費，再拉費，個樣廢，呢樣又廢。

跟住你就發覺自已最廢！

聽 朱 C Hing 話啦。

mickeyminne

聽你哋咁講好驚呀！佢話按到，但講明收費係按揭的10%，佢大約計應該按50萬，我同佢講我老豆亞媽都60+，佢話只可以做到14年按揭，而家比你哋咁講一講我真係好怕，我怕我累左老豆亞媽冇埋果半層樓

mickeyminne

Flypig,謝謝，我看看

samam2015

真係要小人考慮清楚呀

honey

我之前都好似收到類似嘅信，我都打過去！不過當時顧問説當私人貸款！另外，我相信如果你用還回當時的欠款，你必須通知破處主任看是否可行！我是收到破處信同主任再傾！希望你未跟中介簽任何文件，要小心D！

mickeyminne

honey 發表於 15-12-2015 00:01
我之前都好似收到類似嘅信，我都打過去！不過當時顧問説當私人貸款！另外，我相信如果你用還回當時的欠款， ...

佢話幫我哋揾銀行做按揭，借60萬分14年還，大約每個月4500左右，仲話如果想年期長啲就要擔保人。

honey

你未簽文件，對嗎？

samam2015

我搵朋友借咗筆數清晒d債權人，預算去銀行加按都話有難度，唔知點解你間中介講得咁簡單。

samam2015

攪銀行數同埋廢止破產令，分分鐘三四個月，佢當私人貸款幫你清數，計你幾個月利息同埋手續費，仲要第日d律師破署法庭費，如果到時真係加按唔到，你係邊度搵錢清返佢條數? 到時好似pig兄同版主所講，真係連你父親果半層都冇埋，小心行事呀!

flypig

http://hk.apple.nextmedia.com/news/art/20150806/19245071

flypig

哂氣喇！！顧問，你幫趁之前唔知佢係唔係老千！！佢慣用個招係手續費。你睇下新聞就明。你屋企不過欠23萬，可能連利息都係40/50個之內。你應該正正經經同銀行研究借錢可能。甚至一線財務如兄弟 醫昂。人地當然會考慮你家庭收入。

flypig

警突擊巡查中介財務公司拘31人 更新：2015/11/26 18:16 警方突擊巡查油尖警區內多間中介財務公司，拘捕三十一人，懷疑他們透過電話推銷，吸引至少十名事主借錢，然後收取高昂手續費，並串謀詐騙超過 440 萬元。   被捕的包括十六男十五女，年齡介乎 20 至 43 歲，分別是財務公司的董事及職員。他們涉嫌在尖沙咀及油麻地開設中介財務公司，以隨機抽樣的方式打電話給事主，聲稱可以協助他們用低息借錢。    其中一個個案，事主被吸引去到中介公司辦公室，簽署合約借錢，但合約就隱藏條款，收取高昂手續費，例如借 100 萬元現金，要收取 80 萬元中介費，變相只是拿 20 萬元，就要還至少 100 萬元。    警方相信至少十人被騙，涉及金額總共超過 440 萬元，其中單一個案金額最多超過 200 萬元。警方指正調查涉案的四間中介公司有否關連，提醒市民如果借錢，要看清楚條文，如果有懷疑就要報警。

samam2015

去破署攞份債權人欠款記錄，了解真正有幾多債權人先，再逐個check清楚個欠款連利息實數，同佢地講下價，最好就係搵到自己人借到筆錢清數先再翻按還返俾佢地，或者試下去搵d二三線銀行傾下，一步步去拆局，總會有轉機嘅!