【經驗分享指南】入學前後二三事 (2)

Cheung89

入紙前準備的文件

1.     戶口月結單（3-4年，如無的話有咁耐save咁耐。唔駛印出黎住）

2.      信用卡月結單（同上）

3.     資產相關資料（車啊樓啊果啲）

4.     強積金戶口資料（強積金公司名，戶口號碼，供款結餘。記得係有幾多個戶口要全部報哂）

搵律師搞要準備的文件
我係搵律師入紙的，自行遞表請參考其他PO。

1.     戶口月結單（最近3個月）

2.     信用卡月結單（最近3個月）

3.     資產相關資料（車啊樓啊果啲）

4.     強積金戶口資料（強積金公司名，戶口號碼，供款結餘。記得係有幾多個戶口要全部報哂）

5.     大概計個你估你欠債權人的數（律師會直接再問債權人的）

6.     每月人工

7.     每月生活費的約數（租金、差餉、管理費、食飯、電話費、寬頻費、供養父母、子女學費書簿費補習費、交通費、長期病藥費等等）

宣誓到拎到NO要幾耐？
如果你文件齊，交齊錢，律師會叫你即日宣埋誓的。如果唔係即日，就要睇律師果邊約你幾時再上去交埋尾數，通常一星期左右。

正常宣誓後，幾時會入到紙拎到NO，係要睇律師樓負責拎文件去法院果個人幾時出開去的。短則第二日已入紙，長則一星期左右，如果等左成個星期都未得，請打電話聯絡返佢地個負責人啦，宣誓後佢地會比個相關電話號碼你的。

特別情況就係之前法院唔開，之後啲案件積到有排清，咁ge情況應該律師樓都答唔實你，上論壇同大家交流下啦。

入紙前溫馨提示：
記得戶口啲錢拎哂出黎呀，一入就全部凍左，到時拎唔到架。申請一次解凍好麻煩的，申得黎有啲師兄姐話正式令都頒埋了。同埋痕身係出左名你申請都唔會攞到錢，記得記得記得拎返啲錢出黎食飯呀。

Anmi2019

Anmi2019 發表於 5-5-2021 03:57
搵到關於申請頒令前解凍銀行戶口個程序資料 https://www.judiciary.hk/zh/cour ... lities/hcf_cfi.html
1 ...

依個要留意呀! 依個要留意呀! 依個要留意呀! 搵到關於申請頒令前解凍銀行戶口個程序資料 https://www.judiciary.hk/zh/cour ... lities/hcf_cfi.html
1. 申請解凍銀行戶口 – 參考指引
2. 申請解凍銀行戶口 – 傳票
3. 申請解凍銀行戶口 – 誓章

通常同入紙(交呈請書)時一齊申請埋, 經律師樓申請一定會收你錢.
之前有同學分享過, 等上庭, 之後仲要等份解凍令, 中途你可能已經成功頒咗令, 搵破署主任/外判拎開/解信, 仲快過佢.
如非萬份必要, 唔好嘥錢, 嘥時間去申請.

Cheung89

入紙後拎到律師樓寄來的呈請相關文件和26頁初步訊問
到呢步可以放鬆少少嘞。呈請相關文件就係有法庭同檔案編號，俗稱NO果兩張紙。正常律師樓喺入紙後一兩日就會幫你FAX通知哂債權人，一線銀行同大財仔收到後就會停追數。如果真係仲有人追你，唔駛慌，打上佢地客服搵追數部門，拎個FAX no 或email，send返果張NO比佢地就得架喇。

提一提，我個人經驗係痕身會寄封信黎，叫你帶同剪左的信用卡比返佢地任何分行，而旗仔銀行係會一個月出一次信，話你而家戶口總共欠佢地幾多錢。旗仔果個收左就算，有時銀行個系統會一路係咁自己出statement的。

依哦美名在外，好多分享話FAX佢地真係奉旨收唔到……唔想搏的話直接打佢地hotline，話「我入左紙破產，請問點比返相關文件你地？」等佢地話你知點做啦。

入紙後準備的文件（準備填26頁初步訊問同生活費）
填之前請影印多兩份，如果真係填錯好多直接填份新架啦。因為26頁係唔可以用塗改液，填錯只能刪除再在旁簽名。

1.     戶口月結單（3-4年，如無的話有咁耐save咁耐。唔駛印出黎住，等頒令後主任／外判話你知佢要睇幾耐。如果你真係冇save到，去銀行問返佢地Print啦，有啲銀行要交手續費有啲唔駛）

2.      信用卡月結單（同上）

3.     資產相關資料（車啊樓啊果啲）

4.     強積金戶口資料（強積金公司名，戶口號碼，供款結餘。記得係有幾多個戶口要全部報哂）

5.     糧單／稅單（如果你冇，即係自由業者／出現金糧／兼職等類，請去稅務大樓1樓，查詢果度問佢拎IRC2815同IRC2816。個職員如果問你做咩要拎，直接話係破署果邊要就得）

6.     過去一年租金、差餉、管理費、食飯、電話費、寬頻費、供養父母、子女學費書簿費補習費、交通費、長期病藥費等等的單據，影印定哂放File

7.     環聯報告（呢個係睇外判要求的，有啲外判唔需要，等正式頒令後聯絡左交文件果時問清楚啦）

戶口凍結左，令又未頒令冇開戶信，我點出糧？
之前申破頂多一頭半個月，可能咬咬牙捱過去就算。今年疫情好很大鑊，動輒等成3-4個月先頒令，呢段時間點過呢？

如果你本身現金出糧就冇問題啦，或者你公司肯出現金票／冇劃線支票，咁就直接去銀行拎身份証出黎攞現金就得。

一定要用戶口出糧的話，請去返冇牙齒印的細銀行，開個儲蓄戶口頂住先啦！
冇牙齒印即係你冇欠佢地錢，至於點解揀細銀行，係因為佢地通常個資料庫Update得冇咁快，你可以用的時間會長啲。呢度大家通常選用的細銀行有：永０、小新、創星、冬亞。

拎到NO至正式頒令呢段時間內開新戶口係不違法ge，開完記得喺26頁資產果部分填返你呢個戶口係邊間銀行同個戶口號碼就得。

失敗到極

Cheung89 發表於 15-6-2021 02:34
定啲黎，還MIN PAY佢地就唔會掉去收數部門。你就返好啲時間，截數日還完MIN PAY去申破，時間夾得好完全唔 ...

師兄，請問如果頂唔到唔止冇還一個月，銀行到時交咗去收數嘅係咪我一有number俾佢就會唔會追我？

Anmi2019

堅持到底 (ง •_•)ง 加油

Anmi2019

推推推

Cheung89

輕輕推一推

Anmi2019

芝士火腿沙律 發表於 25-10-2021 01:26
想請問tag&go 連唔係自己名戶口
但電話係自己，有無影響？

綁個銀行戶口可以唔係卡主本人?

芝士火腿沙律

Cheung89 發表於 2-11-2020 17:37
入紙後拎到律師樓寄來的呈請相關文件和26頁初步訊問
到呢步可以放鬆少少嘞。呈請相關文件就係有法庭同檔案 ...

想請問tag&go 連唔係自己名戶口
但電話係自己，有無影響？

Cheung89

jocha 發表於 18-10-2021 17:14
唔好意思Anmi師姐，想問下最好係入紙後當日即刻去開戶？定入左紙之後第2-3日先去開好？定無分別如果係無 ...

可以稍等一下？入紙之後會通知銀行凍原先戶口，太早去可能又通知左新果間銀行比人凍埋

jocha

Anmi2019 發表於 6-10-2021 23:50
正確. 入紙後開果個戶口因填呈請書時無相關資料, 破署又點凍到呢

唔好意思Anmi師姐，想問下最好係入紙後當日即刻去開戶？定入左紙之後第2-3日先去開好？定無分別如果係無牙齒印及呈請書無填相關戶口？

Anmi2019

依個帖好有用㗎，花d時間最少爬咗第1頁啦

Anmi2019

(ง •_•)ง 加油

Peterman

明白，多謝師姐！！！

Anmi2019

Peterman 發表於 7-10-2021 11:50
Cheung89：我想請教下（入紙後準備的文件（準備填26頁初步訊問同生活費）5），兼職，現金糧，是否一定要去 ...

唔理你失業/做咩工，老闆無報稅無供MPF係佢問題，但26頁內一定要提供。如依3年無人用你名報過稅，張#IRC2816會寫明邊年~無記錄。
你帶埋身份證去稅局(我當時去1樓，你去到再問吓職員)，到門口撳個籌，到你時填張好簡單嘅個人資料表格，再同職員講拎入息記錄通知書 #IRC2816，免費即場就拎到。稅局辦公時間係星期一至五，上午8:15至12:30，下午1:30至5:30。

Peterman

Cheung89：我想請教下（入紙後準備的文件（準備填26頁初步訊問同生活費）5），兼職，現金糧，是否一定要去稅局攞稅單，我做裝修散工，老闆無報稅，無報MPF。

Anmi2019

jocha 發表於 6-10-2021 23:22
明白 即係最好係最完呢期糧就即刻入紙，入完紙就即刻開儲蓄戶口，用到頒令，領完令就即刻拎解凍信去解凍 ...

正確. 入紙後開果個戶口因填呈請書時無相關資料, 破署又點凍到呢

jocha

Cheung89 發表於 6-10-2021 22:23
入紙後解凍好似係可以破署自己申請，解凍完果一次你拎左錢個戶口又會凍返。至於頒令後係咪仲可以拎信解凍 ...

明白 即係最好係最完呢期糧就即刻入紙，入完紙就即刻開儲蓄戶口，用到頒令，領完令就即刻拎解凍信去解凍？
有多個問題，如果頒令有阻礙 要3個月先頒到，咁我入完紙之後開果個戶口捱唔捱到3個月架？
萬分感謝！

Cheung89

jocha 發表於 6-10-2021 09:13
Thanks!
幫你申請頒令前1次性解凍戶口又收多1至2千，
請問係咪即係入紙後戶口會馬上凍結，叫佢幫我申請解 ...

入紙後解凍好似係可以破署自己申請，解凍完果一次你拎左錢個戶口又會凍返。至於頒令後係咪仲可以拎信解凍，要睇銀行有冇喺等頒令期間成個戶口取消埋。

取消左就算有信都解唔到，只能叫主任/外判再寫開戶信。

一次性解凍極有可能解得黎都頒埋令，所以大家都唔係點申請，直接拎哂錢出黎由得佢凍算

jocha

Anmi2019 發表於 5-10-2021 23:52
基本入學費點都要$9045(自己舉手價)~破署$8千(以供支付破產管理署署長/受託人將會招致的各項費用及開支)  ...

Thanks!
幫你申請頒令前1次性解凍戶口又收多1至2千，
請問係咪即係入紙後戶口會馬上凍結，叫佢幫我申請解凍個普通儲蓄戶口，然後就算頒令後都要自己再拎信去解凍多一次？
入紙後想解凍係咪自己做唔到要佢幫一定？頒令後就自己拎信去解都得？
而如果入紙後去開新儲蓄戶口就只需頒令後解凍一次？

Anmi2019

jocha 發表於 5-10-2021 19:15
Anmi姐
想請教下你 依家出面搵6c搞 全包價連破署費用通常係幾多？ 有d唔知佢點做到咁平 好似你講水腳都唔 ...

基本入學費點都要$9045(自己舉手價)~破署$8千(以供支付破產管理署署長/受託人將會招致的各項費用及開支) + 法庭費用$1045。
搵律師/會計師樓搞全包價要睇佢包你咩，另睇你需要佢幫你做d咩。
基本佢幫你填埋呈請書+代入紙+代上庭頒令，約收萬三至萬五。如佢要幫你寫咩証明書就收多1至2千; 佢幫你申請頒令前1次性解凍戶口又收多1至2千; 之後幫你填4年報表約收2千。
見過有同學話收萬二+填4年報表，我估只係陪佢一齊去填表同入紙(喺旁邊教佢點做)，唔包代上庭。
決定搵邊個搞前，最好問清楚哂包咩事先！

Cheung89

jocha 發表於 5-10-2021 19:15
Anmi姐
想請教下你 依家出面搵6c搞 全包價連破署費用通常係幾多？ 有d唔知佢點做到咁平 好似你講水腳都唔 ...

搵6C搞睇平均數連破署果9XXX，通常價位落在14000（+-1000），有識人的話聽講過12000左右

jocha

Anmi2019 發表於 4-10-2021 17:40
新同學爬文呀

Anmi姐
想請教下你 依家出面搵6c搞 全包價連破署費用通常係幾多？ 有d唔知佢點做到咁平 好似你講水腳都唔夠
有d又超貴

Anmi2019

新同學爬文呀