生意失敗欠落10幾間扣底財準備破產

MoneyZero

自己做開零售，上年開始生意唔多掂要借錢周轉。
因為本身TU差（曾經有張卡比盗用無找到點知就有個不良紀錄）
但公司急用錢之下戇居居比介紹借扣底財。
一直都順供左大半年，突然間屋企有急事要錢用公司啲資金又唔夠；
就開始再借點知借借下已經開始還唔掂，因為全部扣底15日數。
加加埋埋咁樣數冚數之下、借左近20間
每間2-4萬（有啲還剩一期有啲剛剛續數）開始頂唔順還唔起了。

過去呢半年一直都準時還無遲過（比個膽我都唔敢），
琴日已經有兩三間扣底張條數交左比收數。
即晚有WhatsApp/電話轟炸（但其實呢三間 每間講緊係3-4萬）

其實依一刻都好擔心（因為啲人話扣底收數好狼死）
屋企有大有細，佢地上到門都真係驚嚇親小朋友。
所以諗左成晚，破產可能真係影響到日後4年嘅生活，

各師兄們可否講下你哋破產前後嘅經歷？
破之前點樣應對呢啲收數佬？
破之後生活最大分別係咩？啲收數公司仲會唔會繼續滋擾身邊人？

失意中

MoneyZero 發表於 25-6-2024 18:33
真係擔心，又驚佢哋搵到佢喺邊度返學；
你知啦佢哋搵嗰啲收數佬你唔知佢會唔會做埋啲恐怖嘢 ...

只有傻的收數佬才搞學校，學校一定唔會放過佢，差佬做硬，所以99.99999999%的收數佬係唔會傻到搞學校

whysodump

師兄，你廿間扣底數，一定比收數煩L死！不過早兩年我屋企人勁過你，四、五十間三、四線，依家風平浪靜！你知唔知填左邊個係諮詢人？佢哋最鍾意WhatsApp或者寄信去諮詢人屋企度尋人！如果你住緊私人屋苑都好D！如果樓主有能力嘅話，我提議申破前，搵個保安嚴密嘅私人屋苑租住先！扣底嗰啲，你預咗佢抄低晒你電話簿裡朋友嘅電話，然後佢哋會send whatsapp 比佢哋，大字標題話你借錢唔還，嫖賭飲蕩吹乜都齊，面子當然無乜剩，但冇計，鬼叫你爭佢錢咩！

NickIva

首先, 你住咩樓？唔係公屋就搵地方搬先,
新地址用老婆名租, 所有信唔好寄去新地址, 去郵局申請郵箱服務, 轉寄過去

你預左係咪扣底財都好, 財仔一破產就係咁煩, 呢d你唔還錢就預左要受
記得通知你比過既資詢人, 話佢地知唔好理d電話wts

NickIva

同埋你個情況有得唔破產咩？唔好幻想咁多。

MoneyZero

師兄 謝謝解答????????????

MoneyZero

師兄 謝謝解答。 其實最擔心係連累到身邊人。 我心目中有十個資詢人（但其實佢地好多資料都唔齊、最多係張相，地址都無）

MoneyZero

我反而擔心嘅係 依家決定破產 由申請到頌令前 呢啲追數有咩手法會出/追？ 我聽律師講就話即日做張律師信發哂比所有債主，但呢張信有無咩效用架？啲扣底財見到會唔會照追？因為唔係頒發令

bjerrykmc

老友，有無地址佢哋都會有計搵到地址！因為香港好多人等錢駛只要係相關部門就會搵到！而你個情況唔好諗舉左手先，扣底預左街招電話上門就睇你差幾多

a981142

20間,每間2-4萬,都係講緊60萬左右
係期短先逼死你,有無親友幫到手?可以拖長還?
或許有無可能申請到百貨之類幫你清數?

MoneyZero

就係期短所以咁大鑊 其實如果順供每個月三萬蚊我都仲頂得順

MoneyZero

而家已經準備申請破產 係擔心喺呢個申請途中會唔會有啲乜嘢問題又或者係如果經紀幫我去做嗰啲會唔會有啲乜嘢蠱惑嘢啫

a981142

MoneyZero 發表於 25-6-2024 14:10
而家已經準備申請破產 係擔心喺呢個申請途中會唔會有啲乜嘢問題又或者係如果經紀幫我去做嗰啲會唔會有啲乜 ...

唔好信中介,搵返律師樓或者自己搞
問親友借/借名借銀行幫你啦

MoneyZero

其實而家我係擔心緊如果我去做破產中間會唔會有啲乜嘢阻滯例如嗰啲才仔會唔會見到我做緊破產走去駁回又或者阻止另外就係最擔心啲收數佬會唔會癲到去搞我啲小朋友呢但係當時我就冇填過任何小朋友嘅資料佢哋有冇辦法可以搵到佢哋讀邊間學校之旅去做啲嚇到小朋友嘅嘢

MoneyZero

我問咗個中介話律師做大約四萬蚊但係聽落去好似有少少古怪已照借錢俾你做之後還返俾呢個律師但係我又覺得咁樣借錢去做破產好似唔係好MakeSense 如果我搵律師申請做破產佢哋嘅程序係咪同一時間入紙去法院等法院頒發領？因為個經紀話律師會同一時間將啲信寄俾才仔話俾佢哋聽呢個仔仔已經做緊破產(

MoneyZero

因為呢啲求底才講到破咗產都照追如果佢哋知我做緊破產會唔會中間搞事呀又或者律師俾佢嗰封信其實又有冇阻止佢哋收數行為嘅權力

菲尼克

放心
我都係差廿幾間扣底
我間間都10萬八萬
咪又係咩事都無
總之你申破當日 轉手機號碼就得
你同屋企人單聲啦  過多個幾月就無事

菲尼克

MoneyZero 發表於 25-6-2024 15:46
我問咗個中介話律師做大約四萬蚊但係聽落去好似有少少古怪已照借錢俾你做之後還返俾呢個律師但係我又覺得咁 ...

4皮攪破產? 比人昆左啦
攪破產都係皮幾野攪掂

MoneyZero

菲尼克 發表於 25-6-2024 15:49
4皮攪破產? 比人昆左啦
攪破產都係皮幾野攪掂

我未上去搞㗎但係佢話呢個情況係一個仙都唔使拎出嚟住（因為我窮到連破產都冇錢）

MoneyZero

菲尼克 發表於 25-6-2024 15:48
放心
我都係差廿幾間扣底
我間間都10萬八萬

師兄你破產之後係咪即刻比封信佢哋
佢哋即刻停晒動作？

因為頭先個經紀同我講就係搵咗個律師做
律師出信佢哋已經唔可以再追

失意中

你最擔心只係小朋友，教你一招絕殺，6C搞破，立即搵定酒店搬，住到判令出，判令一出，佢敢上門，見一個拉一個