頒令前收到破署信，點樣分辨暫時主任/直接外判跟，佢哋跟有咩分別

Anmi2019

12wan12lau 發表於 18-9-2020 03:28
頒令日我要出現嗎？

你自己舉手定搵律師? 自己舉手就梗係要親身出現啦，如律師，你律師費包唔包代你上庭?

Anmi2019

12wan12lau 發表於 18-9-2020 03:43
我網上大象户口  有2個  欠錢個萬用已消失  得反個薄仔戶口  可以睇下一個月紀錄   消失個萬用户口  平時 ...

仲睇到記錄，就用方法留定交易記錄

Anmi2019

Tommyleee 發表於 18-9-2020 12:38
想問下師姐 我電訊果份沒合約 點算..不過有追收果D信 因為都系電話續約果D ...

續約都可以欠到2萬幾@@
上噃佢網頁，登入噃自己資料，搵唔搵到份約呀?
總之顯示到有你名，債權人名，相關戶口號碼，最好有埋欠款總數，就提供俾破署，破署之後就會同債權人對數啦。

Anmi2019

黃色月亮 發表於 18-9-2020 12:43
第一次上去見外判完全唔使單據，可能依家嚴啲

師兄，單據喺交文件俾代收公司時，連埋#初步訊問表同#收支表俾哂啦。到見外判時除非要增加支出項目，否則仲駛咩俾姐。

Anmi2019

12wan12lau 發表於 18-9-2020 17:56
我律師搞   之前無出席過

之前? 你之前頒過令錯資料要延期呀?
正常第1次頒令，如果律師費包代你上庭頒令，頒令當日你唔需要出席。
但如果第1次因錯/漏資料唔成功頒令，要延期第2次再上庭頒令，第2次頒令就要自己親身上庭/再俾錢律師代你上庭。

Anmi2019

12wan12lau 發表於 19-9-2020 00:59
師姐  可能我5識   講得5清楚  我第一次  未到頒令 因為你話律師包5包埋  盼令日出席  我也5記得  所以甘講 ...

你最好頒令日前問清楚先律師，有d律師唔包代上庭的

Anmi2019

12wan12lau 發表於 19-9-2020 10:47
剛問左银行  月結單1月50元  有2户口  一年要1200元  幾多個月先夠？？

間間外判做法唔同, 有D只係叫你拎TU; 有D咩銀行記錄都唔駛你俾.
現階段知幾錢拎已足夠, 唔好嘥錢去拎! 唔好嘥錢去拎! 唔好嘥錢去拎!
到時等外判決定要唔要你俾錢去拎呀!

Anmi2019

Tommyleee 發表於 19-9-2020 17:45
睇反第一頁post我系跟佢 屬於B,可能太緊張 一時忘了 哈

打電話約會面時, 順便問埋外判當日除咗要帶#初步&#收支+單據外, 仲有咩資料文件要帶上去.如供養父母/配偶/子女~好似要提供埋佢哋個身份証影印本.

Anmi2019

Tommyleee 發表於 21-9-2020 16:49
但系我入卡落提款機度睇..正正常常既 ..

睇到唔代表可以提款，如可以提款，9秒9拎哂d錢出嚟先

Anmi2019

Tommyleee 發表於 22-9-2020 07:55
咁點睇到係咪凍結左@@

拎/轉唔到錢去其他戶口，咪凍咗囉

Anmi2019

thomas64 發表於 26-9-2020 03:17
債 權人是怎樣决定開吾開會?

1. 破產令頒布後，破產人的任何一位債權人都可以要求暫行受託人(破署)召開債權人大會，藉以委任受託人。

2. 如果沒有債權人提出要求，暫行受託人(破署)會自行決定是否就委任受託人而召開債權人大會。如果破產人所有的財產總值相當可能不超過200,000元，暫行受託人(破署)可向高等法院申請頒布命令，以簡易程序管理破產人的產業，即不會召開債權人大會，而暫行受託人(破署)會被委任為受託人。

3. 債權人必須填妥一份債權證明表，以證明破產人拖欠債項，連同支持文件證據和不會退還的35元呈遞費用一併繳付給暫行受託人(破署)／受託人。如果是工資／薪金的申索或債項不超逾250元，呈遞費用可獲豁免。在債權人大會上，只有已登記債權人才有權投票委任：(i)   受託人；及 (ii)  債權人委員會。

4. 債權人繳付了訂明的費用，便有權取得一份資產負債狀況說明書的副本。

5. 任何債權人如取得佔債權總值不少於四分之一的債權人同意，可要求受託人向法院申請對破產人進行公開訊問，而所有已登記的債權人都可以出席。

Anmi2019

sosad2020 發表於 28-9-2020 23:55
我係B  咁系吾系一定耍開大會？ 幾時會收到開大會信？領令前定颁令後？

B 3. 債權人大會~直接外判咗, 唔須要開大會!

Anmi2019

thomas64 發表於 29-9-2020 01:20
唔該師姐。另外想問債權人可以反對我破產嗎?

只要法庭信納你是無能力償還你的債務, 就會頒佈破產令. 除非你涉嫌犯咗《破產條例》5(3)/5(4) 法庭/破署先會擱置/申請駁回你嘅破產呈請.
詳情可以去 https://www.elegislation.gov.hk/ ... D_1438403511024_003 睇《破產條例》3.誰可提出破產呈請, 4.須就債務人而符合的條件及5.其他初步條件.

Anmi2019

sosad2020 發表於 29-9-2020 14:56
請問什麼情况會直接外判？ 什麼情況要開大會？

全部都係債權人決定, 佢哋有權委任破產管理署署長或私營機構從業員為我哋嘅破產案受託人, 我哋無權選擇跟邊間/邊位.

Anmi2019

sosad2020 發表於 29-9-2020 15:12
還有 失業是否不會和我傾生活费？  但填初步份表仍耍填開資？

每間受託人做法唔同, 失業都要填開支, 如果佢批(傾)咗膳食, 電話費, 交通及個人雜費......俾你. 到你填年報時, 就可以按佢批個數直接X12(電話費要跟單填), 下面空位寫由家人/朋友代支就可以了.

Anmi2019

Gn03507306 發表於 29-9-2020 22:02
借帖問：佢叫我初次會面時要提供番過往三年報稅單，我無keep起之前既報稅單有咩方法可以補回？ ...

最直接係親身去稅局拎張個人入息記錄~#IRC2816(無得網上申請)
地址: 香港灣仔告士打道5號稅務大樓1樓
辦公時間: 星期一至五, 上午8時15分至下午12時30分及下午1時30分至5時30分
電話號碼: 187 8022(個別人士稅務事宜)

1. 去到門口拎個籌等叫no.
2. 埋位後同職員講想拎2017至2020年度個人入息記錄(拎埋2016年最穩陣)
3. 之後佢會俾張好簡單嘅個人資料表格你填
4. 張記錄會即時print 出嚟俾你, 走得

*張入息記錄會寫明依幾年, 由邊位僱主, 幾時, 用你名報咗幾錢稅.
*如無業/無人用你名報稅, 會寫明無記錄.

Anmi2019

tinghoyin 發表於 4-10-2020 13:02
如果可以做到呢個情況下，再做一份現金糧兼職既情況，至少我唔兼職都可以正常生活，如果兼職更可以儲到錢， ...

1. 做左一次債務重組，如要申破最好問清楚律師 意見先。
2. 預個人生活費約有5千，家庭開支就要睇你屋企有幾多人有工作(有收入)去平分噃有單據嘅家庭開支/供養父母，所以好難計實條數。仲要睇吓跟邊間受託人，每間批嘅生活費有鬆有緊。

Anmi2019

rosemiu 發表於 10-10-2020 01:19
@Anmi2019, Anmi 姐四月入學，應官跟的，伹好奇怪，今天收髟2014~5, 2015~6, 2016~7 及2017~8 的個人報税表 ...

破署定稅局寄俾你填?

Anmi2019

rosemiu 發表於 10-10-2020 22:41
咁我之前己申報，咁仲要唔嘉多次！

稅局有權追查噃7年內嘅稅項, 依家佢可能抽查到根據你ID no., 有公司用你ID no.報咗嘅稅項同你自己報果份有出入, 唔一致/你報時有D項目你報咗免稅, 佢依家發現其實唔獲豁免, 所以要你重新再填多次, 寄噃俾佢. 有咩問題, 可以聯絡噃稅局 https://www.ird.gov.hk/chi/cu_enqs.htm
  
24小時自動電話詢問系統, 電話號碼: 一般事宜 187 8088
個別人士稅務事宜及僱主填報的薪酬及退休金報稅表 187 8022
辦公時間內的詢問處職員服務: 星期一至五, 上午8時15分至下午12時30分及下午1時30分至5 時30分

Anmi2019

Kuen1021 發表於 12-10-2020 10:12
我想問賭博宣誓 係咪去政府合署宣誓就得

係，去到門口同職員講做宣誓，佢會有張表格俾你填咗先