破產聯盟

標題: 破產後申請公屋... [打印本頁]

作者: nanash 時間: 26-9-2012 18:02
提示: 作者被禁止或刪除內容自動屏蔽

作者: worldcat 時間: 26-9-2012 18:30
問過，你可以慳返。
因為就算還唔還錢，生活費已包屋租。你收入實際唔夠交租係另一回事。

你想試都可以，特別case可以搵社工申請中轉屋。

作者: worldcat 時間: 26-9-2012 18:32
我都係問社工，但答案明顯唔同。
試完話我知，我都想申請。

作者: 清風 時間: 26-9-2012 19:01
房處應該只係計你嘅收入幾多,唔會理你嘅支出,你嘅收入過左額,理應該唔合資格.........

作者: nanash 時間: 26-9-2012 22:05
提示: 作者被禁止或刪除內容自動屏蔽

作者: worldcat 時間: 27-9-2012 00:15

nanash 发表于 26-9-2012 22:05
你既社工點答你???
另外中轉屋係咩資格呢?thanks

淨計入息。
中轉屋係俾啲有特別需要嘅人，無話乜野資格。社工覺得你有需要就可以寫信同屋署申請。

作者: Waiting 時間: 27-9-2012 01:28
我可以好肯定話比樓主知,你既情況一定唔合資格申請公屋,社工只係亂答你,根本佢唔識.

作者: nanash 時間: 27-9-2012 03:15
提示: 作者被禁止或刪除內容自動屏蔽

作者: nanash 時間: 27-9-2012 03:21
提示: 作者被禁止或刪除內容自動屏蔽

作者: wahtung 時間: 27-9-2012 10:37
本帖最后由 wahtung 于 27-9-2012 10:46 编辑

nanash 发表于 27-9-2012 03:15
我好矛盾......

想唔做呢份工......放棄收入,自然符合申請公屋要求...但諗起劏房又要交租(得一百尺,冇廚房 ...

首先我唔係鼓勵樓主唔做呢份工

你外判講嘢呀

點樣刻意唔做份工嚟避債,乜破產人士無權選擇工種咩

或者可以揾份較收入少啲嚟申請公屋,因出面租房真係好辛苦,長遠真係好大壓力

作者: man3x 時間: 27-9-2012 11:15
破產人士絕對有資格申請公屋...不過都要附合入息同資產..你係破產人士.基本上就係0資產.至於入息..就要睇反你主任每女批比你既生活費...如果批個費無OVER...你就可以申請公屋.
不過..合資格申請...唔代表你可以比一般人快上樓..都係照排隊..
如果你係破產期內上到樓就無問題啦...如果你過左4年破期都未上樓..就都係會審查你既入息既.

2人家庭一般..如果你完全無要求...咩都要既話...2.5-3年都會派一次屋比你..不過一定係又遠又舊....屯門大興同天水圍個D...都應該比到你...其他地區你唔使諗..

我見意你照入紙申請..同時自己寫封信...講解下你既情況...比埋破處批你生活費個封信比佢..你應該可以照排隊..但最好就預左...派比你一定係遠咖啦....如果唔係,一過左破期,,而你入息又OVER...咁就晒心機同時間...

http://www.housingauthority.gov. ... t-limits/index.html
依家2人家庭入息上限係..$13,410元 (14,116元)

拿拿聲入左紙先啦....

作者: worldcat 時間: 27-9-2012 12:16
本帖最后由 worldcat 于 27-9-2012 12:36 编辑

nanash 发表于 27-9-2012 03:15
我好矛盾......

想唔做呢份工......放棄收入,自然符合申請公屋要求...但諗起劏房又要交租(得一百尺,冇廚房 ...

自己計下數。
我唔計你搵幾多，當你可用生活費$500。
兩老婆，租平少少$6000-7000, 淨生活費$7000-8000.
綜援2人批幾多你自己查下，但一定無$7000.
咁4年後點？可以搵返呢個人工定諗住成世綜援?
攞綜援係你個case真係無未要。

申請公屋唯有搵份少啲人工嘅，但你2人單位。正常都要等3-4年，你要諗下呢段時間點樣搵少啲又可以租出面屋住。屋署申請時係計過去12個月收入，中檢又係(話12個月但上6個月嘅資料先).

其實搵份少啲人工又好，保持宜家況態又好。都係要辛苦啲。唯有控制好支出。

作者: wexchau 時間: 27-9-2012 12:50

nanash 发表于 27-9-2012 03:15
我好矛盾......

想唔做呢份工......放棄收入,自然符合申請公屋要求...但諗起劏房又要交租(得一百尺,冇廚房 ...

樓主思想正確呀,可以做野一定要做,唔係將來會越來越懶呀,不過我都認為你可以轉份人工無咁高,合乎申請公屋的工做,不過申請期間就會好辛苦,因為要捱住貴租先,不過為將來,點都有間公屋住好些

...發左達另計呀

作者: nanash 時間: 27-9-2012 13:17
提示: 作者被禁止或刪除內容自動屏蔽

作者: man3x 時間: 27-9-2012 15:00
破產人係可以申請公屋咖..只要你生活費個度..批比你既...唔OVER房署既入息就可以...2人入息上限係..14XXX

作者: man3x 時間: 27-9-2012 15:03
我見意你即刻入紙申請...同時寫封信比房署解釋一下你既狀況....佢會比你排隊...但你最好就係係破產期內上到樓..如-如果唔係...4年後你又要同正常人咁要審查...
一般2人家庭..你無要求..咩都肯要既話..2.5年-3年都應該可以比到屯門大興或者天水圍比你..

作者: BB5555 時間: 27-9-2012 17:14

nanash 发表于 27-9-2012 03:21
雖然破產既我都冇乜尊嚴可言...但最後底線下都有少少自尊心...返工某角度除左人工之外,重有一份存左價值既 ...

我覺得申請公屋同有冇破產冇關係, 只要合乎資格就得.

樓主只要調整到合乎申請資格.....辦法D師兄都有提議. 樓主自己諗下行唔行得通啦!!!

作者: man3x 時間: 27-9-2012 18:22
房署網頁有寫明、特殊情況下係可以個別處理！破產都係其中一個可特別處理既理由！只要你提供到足夠文件！房署都會特別處理！
我自己都算過來人！你可以放心入紙！

作者: bb_q_888 時間: 28-9-2012 14:38

nanash 发表于 27-9-2012 03:15
我好矛盾......

想唔做呢份工......放棄收入,自然符合申請公屋要求...但諗起劏房又要交租(得一百尺,冇廚房 ...

如果有意唔做份工逃避還債,佢有權加長我4年以上破期...呢個好難証明.
比人炒又得,人事上問題又得,生活上不便同樣可以使人離職,
只係你點諗姐~
為左申請公屋要求...我聽過有人連班都唔敢加,老婆唔敢去兼職,因為規定係死....無法啦~
申請綜緩都未必有得優先上樓,到時兩頭唔岸,有時要衡量得失....

法律上我地係咪等同零收入?我認為唔係.
因為你真係有收入.
例如:你用哂D錢,又等唔等如你無錢?

作者: man3x 時間: 28-9-2012 16:24
唔係=零收入..
收入係計你...真正搵幾多...
之後睇下主任批幾多生活費比你...

假設...你(2人家庭,太太無工作)月入...16000..咁當然係OVER申請公屋既入息啦..
不過主任批比你生活費係...13000..超出既要拿去還錢..
咁你既入息就係計.....13000.....咁樣就變左合資格申請.

不過一般如果申請公屋...幾多年先上到樓..無人可以肯定答你...有人要求好高..又要新..又要大..又要地點好....可能10年先上到樓...
有人可能無要求..死過人既都要...咁就3年內一定上到...

咁破產人士就要自己睇下....因為如果你真係月入16000....4年後解破左...就會計反正常入息...如果你可以係4年內上到樓...入息先可以過到房署個關...

作者: nanash 時間: 28-9-2012 17:12
提示: 作者被禁止或刪除內容自動屏蔽

作者: worldcat 時間: 28-9-2012 17:17

man3x 发表于 28-9-2012 16:24
唔係=零收入..
收入係計你...真正搵幾多...
之後睇下主任批幾多生活費比你...

no~
搵16000, 不論生活費幾多都係計16000.

淨係破產唔算係特別case, 有其他因素先係。

如果特別case,可以寫信解釋或經社工轉介，房署可能會安排思恤安置。

但申請可以人人都交，得唔得另計。
以上資料，係去左樂富問。

作者: dopod123 時間: 28-9-2012 18:35

man3x 发表于 28-9-2012 16:24
唔係=零收入..
收入係計你...真正搵幾多...
之後睇下主任批幾多生活費比你...

假設...你(2人家庭,太太無工作)月入...16000..咁當然係OVER申請公屋既入息啦..
不過主任批比你生活費係...13000..超出既要拿去還錢..
咁你既入息就係計.....13000.....咁樣就變左合資格

不會這樣計的，你還幾錢你嘅事，入息一樣不可過上限。如果可以這樣計破完產係咪要即搬走？

另破產在屋署來講的（特別），是指如果你之前有用過政府的房屋津貼，例如居屋，首置，夾屋，等計劃。

但為因破產就可以即時再申請公屋（不雖等期限），文件只雖﹣破產令正本﹣。但不會有特快一樣要計分。

要快只有社罯可以幫到你，但要社署幫你就要你有特別事件發生。

作者: man3x 時間: 28-9-2012 18:41
試唔試就真係隨得你！
本來唔想講太多私人野係公開地方！但又唔想好似我得個講字！
唯有講小小！我曾經派過公屋！後尾買過二手居屋！之後又申請反公屋！申請左一年就上左樓！
上返公屋後再申請調遷出反葵涌最方便個個村！係咁多！
你可以話大家個案唔同！但我只認為！又唔使錢！做咩唔試下！當日如果我唔試！就唔會可以住係一個我極滿意既屋村！

作者: 2011年10月 時間: 28-9-2012 18:51

申請先啦 , 我交左表一年了....一D回音都冇

作者: 清風 時間: 28-9-2012 18:51

dopod123 发表于 28-9-2012 18:35
假設...你(2人家庭,太太無工作)月入...16000..咁當然係OVER申請公屋既入息啦..
不過主任批比你生活費係.. ...

123兄講得啱

你答嘅同我想答嘅一樣,唔洗我打咁多字.....

作者: man3x 時間: 28-9-2012 19:07
本帖最后由 man3x 于 28-9-2012 19:09 编辑

2011年10月发表于 28-9-2012 18:51
申請先啦 , 我交左表一年了....一D回音都冇

無回音你要打去問！正常佢收到你申請表會寄張紙話你知佢收到你申請！如果初步合資格就會寄張藍卡比你！得上年已經幫呀女申請左單人！早幾個月先收到叫呀女申請特快！
打去房署睇下佢係咪唔見左你份表！

作者: flypig 時間: 28-9-2012 19:17
朋友破完產﹐
現失業長居大陸

想問可以符合公屋申請資格嗎?

作者: flypig 時間: 28-9-2012 19:18
記得綜援的條件是不可以在港居留多少天
公屋的要求一樣嗎?
仲有﹐佢係單身

作者: 2011年10月 時間: 28-9-2012 19:56
我收左藍咭喇 , 我意思係冇叫我去選特快公屋

作者: dopod123 時間: 28-9-2012 19:58

2011年10月发表于 28-9-2012 19:56
我收左藍咭喇 , 我意思係冇叫我去選特快公屋

你特快意思係，特快安排定要那些不受歡單位？

作者: 2011年10月 時間: 28-9-2012 20:00
123 , 我接受果 d 有問題的單位架 !

作者: man3x 時間: 28-9-2012 20:08
係呀！一年有兩次特快！即係死過人個種！下次係一月

作者: dopod123 時間: 28-9-2012 20:11

2011年10月发表于 28-9-2012 20:00
123 , 我接受果 d 有問題的單位架 !

你要自已留意架，正常會出信通知有這類單位，你要跟指定時間去樂富走一次架。

早排剛剛出咗一批要等下

作者: 2011年10月 時間: 28-9-2012 20:14
ths 123 , 同 man

咁我要打去問問先..

作者: dopod123 時間: 28-9-2012 20:15

man3x 发表于 28-9-2012 20:08
係呀！一年有兩次特快！即係死過人個種！下次係一月

呢個就真係一個最快的方法

作者: nanash 時間: 28-9-2012 23:55
提示: 作者被禁止或刪除內容自動屏蔽

作者: man3x 時間: 29-9-2012 11:12

2011年10月发表于 28-9-2012 20:14
ths 123 , 同 man

咁我要打去問問先..

我家人...星期5...28號就去簡特快..只係簡唔岩...
我女...單人都可以申請..只係...我都唔預佢咁快可以有...下一期...1月...我會比呀女去申請特快...試下...

作者: man3x 時間: 29-9-2012 11:19
總括黎講...依家香港..住先係你最大既開支...如果可以上到公屋....真係輕鬆好多...小好多壓力..
所以我認為...試下都無防......房署唔會上門問你,,,,要唔要申請...
你自己有需要....都值得一試...又唔係要你比入場費..申請費..
如果...試都唔試...咁你..咪照租樓住...

破產...係唔會有特別優待....可以快上公屋...但..其實房署都有....體恤.或者其他方法..
我曾經都....有為過住屋而好煩...後尾都係因為一個同事..佢都係向房署有無理要求(又要高層..又唔要太舊..又要近地鐵..又要向南)...
當時我都覺得呢個人係咪白痴...買樓呀...
但...最終佢都得到佢想要既野...你吹咩....
我自問都係得到佢啟發......結果....我依家咪好開心...得到成果...
都係個句...人人個案都唔同....試唔試要睇你個人決定....

作者: worldcat 時間: 29-9-2012 11:19

man3x 发表于 29-9-2012 11:12
我家人...星期5...28號就去簡特快..只係簡唔岩...
我女...單人都可以申請..只係...我都唔預佢咁快可以有. ...

我表弟上期申請特快都無消息，單人可能無乜供應同埋後生分少。

作者: man3x 時間: 29-9-2012 11:22
單人係難D..佢會叫你申請....但到唔到你簡屋又係另一回事...
我...都預左呀女要...10年以上先會有屋,因為單人真係要好耐...
反正都唔急...咪慢慢排....
其實係我老豆...尋日星期5先去簡特快...不過無佢想要既SIZE...唯有等下次...

作者: worldcat 時間: 29-9-2012 11:57

man3x 发表于 29-9-2012 11:19
總括黎講...依家香港..住先係你最大既開支...如果可以上到公屋....真係輕鬆好多...小好多壓力..
所以我認為 ...

係，住真係好大問題。
就算俾人話依賴正苦都好，我都叫我表弟表妹18歲就申請左先。宜家佢地啱啱講大學過幾年乜野世界都唔知。到時有能力可以唔住，但收入唔好都有地方住。又有機會用綠表申請資助買屋。

作者: siesiuy 時間: 29-9-2012 11:59

man3x 发表于 29-9-2012 11:12
我家人...星期5...28號就去簡特快..只係簡唔岩...
我女...單人都可以申請..只係...我都唔預佢咁快可以有. ...

你好 ! 我想問單人申請的特快, 是否不受歡迎單位?

作者: man3x 時間: 29-9-2012 12:08

siesiuy 发表于 29-9-2012 11:59
你好 ! 我想問單人申請的特快, 是否不受歡迎單位?

應該係.....所有特快..都係不受歡迎既單位....大部份都係屎過人...小部份係....地區問題...

房署指標係....只要個個單位...派過5次比人,....都無人要...就會變左不受歡迎既單位...

作者: siesiuy 時間: 29-9-2012 12:24

man3x 发表于 29-9-2012 12:08
應該係.....所有特快..都係不受歡迎既單位....大部份都係屎過人...小部份係....地區問題...

房署指標係. ...

Thanks !

作者: dopod123 時間: 29-9-2012 12:25

worldcat 发表于 29-9-2012 11:19
我表弟上期申請特快都無消息，單人可能無乜供應同埋後生分少。

男人同女人唔同架，單親，離婚，女人過30的會快好多．

我有女性朋友都係2﹣3年就有．以前有個仲跟手買居屋（前後3年）

作者: wahtung 時間: 29-9-2012 12:26

man3x 发表于 29-9-2012 12:08
應該係.....所有特快..都係不受歡迎既單位....大部份都係屎過人...小部份係....地區問題...

房署指標係. ...

但好似現在啲所謂凶宅都大把人搶住要,都未必會好快

作者: man3x 時間: 29-9-2012 12:32
邊關男女人事！係計no!
到你no就到你！我有個男性朋友！佢依家41。佢申請左6年就上左樓！唔係特快！佢係2008年6月上左樂民新村

作者: dopod123 時間: 29-9-2012 12:40

wahtung 发表于 29-9-2012 12:26
但好似現在啲所謂凶宅都大把人搶住要,都未必會好快

你個邊好多架

作者: wahtung 時間: 29-9-2012 12:55

dopod123 发表于 29-9-2012 12:40
你個邊好多架

點止呀,直頭我果座幾鑊有人空中飛人呀

作者: dopod123 時間: 29-9-2012 13:02

wahtung 发表于 29-9-2012 12:55
點止呀,直頭我果座幾鑊有人空中飛人呀

直頭旺場

作者: worldcat 時間: 29-9-2012 13:08

dopod123 发表于 29-9-2012 12:25
男人同女人唔同架，單親，離婚，女人過30的會快好多．

我有女性朋友都係2﹣3年就有．以前有個仲跟手買居 ...

單身係計分，18歲(0分)起每一年3分，申請後每月加1分，到123分爆燈。
先睇分再睇申請先後。

所以越大年紀等候越短(同時入紙計).

表弟表妹18歲入，8年滿分都係26歲多啲。到時結左婚可以用原號碼排多人單位。

其實望就望佢地用唔著，當買個保障咁。

作者: dopod123 時間: 29-9-2012 13:17

worldcat 发表于 29-9-2012 13:08
單身係計分，18歲(0分)起每一年3分，申請後每月加1分，到123分爆燈。
先睇分再睇申請先後。

哈哈睇怕都用唔著

18開始排去到30都唔知有未？

作者: wahtung 時間: 29-9-2012 15:06

dopod123 发表于 29-9-2012 13:02
直頭旺場

我隔離單位個男人都係裡面暴斃

作者: dopod123 時間: 29-9-2012 15:41

wahtung 发表于 29-9-2012 15:06
我隔離單位個男人都係裡面暴斃

有冇得特別安置我去住

作者: wahtung 時間: 29-9-2012 15:43

dopod123 发表于 29-9-2012 15:41
有冇得特別安置我去住

我睇無啦,而家出面啲租咁高,啲人都唔怕乜宅物宅都照住,好多人出面交租都成半個月糧啦

作者: flypig 時間: 29-9-2012 15:44
幾多分左右可以住特快??

作者: dopod123 時間: 29-9-2012 16:37

wahtung 发表于 29-9-2012 15:43
我睇無啦,而家出面啲租咁高,啲人都唔怕乜宅物宅都照住,好多人出面交租都成半個月糧啦 ...

冇我份

作者: worldcat 時間: 29-9-2012 17:33

dopod123 发表于 29-9-2012 13:17
哈哈睇怕都用唔著

18開始排去到30都唔知有未？

話7-8年喎。

作者: worldcat 時間: 29-9-2012 17:36

wahtung 发表于 29-9-2012 15:06
我隔離單位個男人都係裡面暴斃

暴斃= 自然死？
咁都無咁驚。

作者: worldcat 時間: 29-9-2012 17:38

flypig 发表于 29-9-2012 15:44
幾多分左右可以住特快??

有藍卡就可以申請，申請完先計分分先後。

作者: wahtung 時間: 29-9-2012 17:44

worldcat 发表于 29-9-2012 17:36
暴斃= 自然死？
咁都無咁驚。

唔係,佢本身無做嘢,成日大炒大閙,果時同佢對面單位住戶嘈過好多次,啲人懷疑在家突然暴燥选底撞到頭在地上去咗,果時仲未知,後期佢單位好臭,於是報警,消防隊破門入屋,香咗,啲未真係好臭

作者: worldcat 時間: 29-9-2012 23:19

wahtung 发表于 29-9-2012 17:44
唔係,佢本身無做嘢,成日大炒大閙,果時同佢對面單位住戶嘈過好多次,啲人懷疑在家突然暴燥选底撞到頭在地上 ...

爛肉味真係好臭。
話說以前做暑期工sales,留上係酒樓。
間酒樓執左一排後，傳出超臭味。
細個膽生毛,同個物業主任，保安阿伯加幾個人一齊開門入去。一開鐵閘陣味十級臭，之後搵來源。果陣時真係有諗過喺咪有人c左。
最後發現原來係酒樓執左, 雪柜裏面有好多肉因為無電所以爛晒。爛到有堆 c蟲係到。
自己出左黎嘔左兩次定三次。

作者: dopod123 時間: 29-9-2012 23:53

worldcat 发表于 29-9-2012 17:33
話7-8年喎。

邊有噤快呀，起都起唔到啦

但老實講我唔太同意30以下可以申請公屋的

但社會這樣又好以冇計。。。。。

作者: flypig 時間: 30-9-2012 00:35

worldcat 发表于 29-9-2012 17:38
有藍卡就可以申請，申請完先計分分先後。

甚麼是藍卡??
另外有朋友長住大陸﹐可以申請嗎??

作者: man3x 時間: 30-9-2012 08:56

dopod123 发表于 29-9-2012 23:53
邊有噤快呀，起都起唔到啦

但老實講我唔太同意30以下可以申請公屋的

根本你幾多歲申請都係差不多！計分制你咁既！
如果你18歲就由零分開始！排左一個月就一分！依家閒閒地都一定要有130分你先有機會上樓！
假如你係40歲先申請！咁你即係40-18=22。一年有3分！即係如果你係40歲申請單人你一申請就有66。
比個18歲既人就快作一半啦！
跟本唔會話18歲就開始申請有咩著數！
而且！好似我女咁！因為我無取消佢係我個間公屋度個個戶籍！又要比佢倒扣30！！
我個女一開始申請係-30。不過佢都排左一年！依家應該係-18分

作者: man3x 時間: 30-9-2012 14:16
當你寄左申請表比房署！佢睇過晒齊文件！而又合資格！佢會寄返張藍色既卡比你！收到藍卡即係你已經正式排緊隊！但當然整個申請過程要好幾年同埋佢會係有需要約你去資產審查！

作者: wahtung 時間: 30-9-2012 17:30

worldcat 发表于 29-9-2012 23:19
爛肉味真係好臭。
話說以前做暑期工sales,留上係酒樓。
間酒樓執左一排後，傳出超臭味。

我仲記得消防隊要破門時問我借啲香,點著咗先入去,我都拿拿聲關門,啲味好惡頂

作者: pre-bankruptcy 時間: 7-10-2012 12:28

man3x 发表于 28-9-2012 18:41
試唔試就真係隨得你！
本來唔想講太多私人野係公開地方！但又唔想好似我得個講字！
唯有講小小！我曾經派過 ...

我想問一下，你話買咗間居屋，後又再轉返公屋，你系咪賣咗居屋兩年後先至申請公屋？因為我印象中好似申請公屋或居屋甚至夾屋，系兩年內都不能是業主，是這樣嗎？定系因為你搞破產會有特別安排？

作者: bb_q_888 時間: 7-10-2012 15:39

pre-bankruptcy 发表于 7-10-2012 12:28
我想問一下，你話買咗間居屋，後又再轉返公屋，你系咪賣咗居屋兩年後先至申請公屋？因為我印象中好似申請 ...

兩年內都不能是業主，因為你搞破產會有特別安排......係~
只要你出示張破產令,就有特別安排.

作者: man3x 時間: 7-10-2012 19:31
我係比銀行收左樓去銀主盆！
銀行賣左之後接近三年我先再申請公屋！初時比房署彈回頭唔比我申請！後尾我交左銀行收樓令！再加封解釋信佢就批左比我排隊！

作者: 清風 時間: 7-10-2012 20:38

man3x 发表于 7-10-2012 19:31
我係比銀行收左樓去銀主盆！
銀行賣左之後接近三年我先再申請公屋！初時比房署彈回頭唔比我申請！後尾我交 ...

我想問你再申請公屋時,入息有冇超額.........

作者: pre-bankruptcy 時間: 7-10-2012 23:10

man3x 发表于 7-10-2012 19:31
我係比銀行收左樓去銀主盆！
銀行賣左之後接近三年我先再申請公屋！初時比房署彈回頭唔比我申請！後尾我交 ...

三年都反對你申請？道理上你已經系合乎兩年內沒有擁有物業的條件至啱窩！點解會反對？

作者: worldcat 時間: 8-10-2012 00:26

pre-bankruptcy 发表于 7-10-2012 23:10
三年都反對你申請？道理上你已經系合乎兩年內沒有擁有物業的條件至啱窩！點解會反對？ ...

因為係居屋，理論上每人只可享用一次政府房屋計劃。
居屋，夾屋，首置申請過係唔合資格申請公屋，但特殊情況可個別安排。

唔關兩年內係唔係業主事。

作者: man3x 時間: 8-10-2012 08:58
任何人士都係！一生人只可以享有一次福利！
例如買居屋！借錢買首置等！
因為我之前係用公屋去買居屋！所以被拒絕！
申請公屋最基本條件當然係不可以超入息啦！超左一定唔得！

作者: mickey7100 時間: 8-10-2012 16:04
其實好簡單,唔理你係咩人,申請公屋第一步就係睇入息,過咗1蚊都冇得傾

亦絕對唔會理會你有幾多支出.
特快唔駛申請,一年有2次,通常第一年唔會有信叫你參加,第2年有信寄俾你問你參唔參加,當你參加後會有個no俾你,但通常3年後個no先有機會去選樓,我下年1月夠3年,參加咗3次特快,最近呢次個no先係8千幾,特快只係得千零間屋

月頭終於排到去見主任查入息,我同佢講我破咗產,佢話咁就簡單,因為資產一定冇,好快就check哂所有資料,又開始繼續等.....因有人查完等咗一年都冇消息,有人半年就有,所以好難講.最重要係不論你單親/破產一律照正常排隊,係唔會有特別,我就係一個人辦

歡迎光臨破產聯盟 (http://hkiva.org/)