破產聯盟

標題: 第一次破產期內有雙糧 [打印本頁]

作者: cheungsh 時間: 19-11-2011 19:46
標題: 第一次破產期內有雙糧
我係外判王＋石跟，破產已兩年一個月，
今年３月轉左工，公司黎緊話有雙糧，雙糧跟12月份糧出，
我想同外判申請返多少黎用！
填年報表已經寫左全年負2萬幾，
主要係家人醫療開支！（但佢地都冇打電話黎問咁你負咁多，如何解決／問邊個借等．．．）

由於第一次破產期內有雙糧．所以想問問２個問題：
１）我係出左雙糧至寫”調整供款申請表”申請定未出就申請定？
２）如果我照寫因家人醫療開支，有冇人試過都係唔批？

唔該晒～

作者: smallcat 時間: 19-11-2011 20:20

我都想知
請問師兄, 王+石辣唔辣?

作者: man152 時間: 19-11-2011 21:16
先估你講負二萬幾的意思 ,即係收入少 ,未到達佢批俾你條數

如我估岩 ,你冇問題鳥 ,將那個月的數加上去咪剛剛好

但以上的想法 ,是年結才合用

如你是每月交數的 ,那就另計

仲有一點請注意 ,老破人士係唔可以講 [借] 架 ,但可以資助

作者: dopod123 時間: 19-11-2011 21:52
佢地應該每年12月都會寄-雙糧或花紅申報表比你，你之前應該收過？冇就叫佢地比份你。

填完交回及即時申請要用但一定要清楚交代用在那裡。等佢地批。

做好先填調整表比佢地。

有問題不防直接打比跟你嗰個人

佢地極煩，唔批比你要極力一點爭取(不要和佢地嘈）

支出多過收入，我就係，都重未問過我

祝你順利爭取

作者: MEIMEI 時間: 19-11-2011 23:42
我其實同你的情況差不多,不過我個外判知我月薪係幾多(因為初次見佢交文件時佢要我公司寫薪金證明書).不過佢無講實批幾多生活費俾我.

作者: devil 時間: 21-11-2011 18:25
王＋石你死左條心啦, 佢 9 成要你上繳!

不過有結果麻煩單聲, 因為我都煩緊同一樣野呀

作者: queenielamok 時間: 22-11-2011 10:34
我都係佢地跟...

上年12月我出雙糧後... 先用來交稅... 之後填"調整供款申請表"... 通知佢地我用左錢來交稅... 再申請買野... 佢地批$1000(固定金額，無論你賺幾多都唔會俾多過呢個金額) 俾我用... 之後農曆年前我公司出左花紅... 我又再填申請表... 佢地都係批$1000俾我用...

(註: 我打過去問過... 一定係出左雙糧先申請... 未出就申請... 佢地係唔會理你...)

因為呢間pk係月結... 唔係年結... 你年表負幾錢都無用... 佢唔會因為你負2萬幾... 而將雙糧/花紅d錢俾你補貼... 反而會問返你... 負咁多錢邊個補貼你？

不過... 如果你真係需要俾醫療開支，你可以照申請... 我記得我曾經問過佢地咁上下問題... 大約係要錢做手術... 金額多過每月還款... 例如... 手術要$10,000... 而每月還$1,000... 佢地會批你10月唔使還錢... 但你點攞呢 $10,000 出來就自己諗掂佢...

作者: devil 時間: 22-11-2011 11:58

queenielamok 发表于 22-11-2011 10:34
我都係佢地跟...

上年12月我出雙糧後... 先用來交稅... 之後填"調整供款申請表"... 通知佢地我用左錢來交 ...

其實乜_都係佢地講哂, 點解手術又可以咁樣計, 其他唔得呢?

講落去佢根本比唔到一個合理準則, 最後佢都係一句: 有乜野不滿可以去高院申請覆核.

作者: queenielamok 時間: 22-11-2011 14:49

devil 发表于 22-11-2011 11:58
其實乜_都係佢地講哂, 點解手術又可以咁樣計, 其他唔得呢?

講落去佢根本比唔到一個合理準則, 最後佢都係 ...

無話其他野唔得... 你拗得贏佢就乜都得... 只係手術費係逼切需要... 佢地多數會批... 其他野... 你有講得服佢的合理原因... 佢都無可能唔批...

作者: cheungsh 時間: 23-11-2011 23:08

man152 发表于 19-11-2011 21:16
先估你講負二萬幾的意思 ,即係收入少 ,未到達佢批俾你條數

如我估岩 ,你冇問題鳥 ,將那個月的數加上去咪剛 ...

其實初初外判幫我度生活費時已計到入不敷支，
然後我今年填年報，計出黎負數了，
點解負兩萬幾？其實係家人醫療開支，因我家中有長期病患者的。
所以想試試話因為應付醫療開支而未能交出雙糧。

作者: cheungsh 時間: 23-11-2011 23:12

dopod123 发表于 19-11-2011 21:52
佢地應該每年12月都會寄-雙糧或花紅申報表比你，你之前應該收過？冇就叫佢地比份你。

填完交回及即時申請 ...

有呀，上年收過，不過因為上年冇雙糧，所以一ｄ印象都冇～～～
咁我申請時，洗唔洗附上埋ｄ單據俾佢地參考？

作者: cheungsh 時間: 23-11-2011 23:22

queenielamok 发表于 22-11-2011 10:34
我都係佢地跟...

上年12月我出雙糧後... 先用來交稅... 之後填"調整供款申請表"... 通知佢地我用左錢來交 ...

好，唔該晒，咁我等出左雙糧至行動～

其實真係好灰喎，得$1000.... 不過又好過1個仙都冇（唯有咁安慰自己）
我本先收入都少過佢幫我計的生活費，所以每月唔需要還款的，聽到你話”點攞呢 $10,000 出來就自己諗掂佢...”真係更灰，唉！！好想我餘下的２年快Ｄ過！！

作者: dopod123 時間: 23-11-2011 23:43

cheungsh 发表于 23-11-2011 23:12
有呀，上年收過，不過因為上年冇雙糧，所以一ｄ印象都冇～～～
咁我申請時，洗唔洗附上埋ｄ單據俾佢地參 ...

申請時最好付上價格.例如買電器比個市價佢,

作者: queenielamok 時間: 24-11-2011 11:07

cheungsh 发表于 23-11-2011 23:22
好，唔該晒，咁我等出左雙糧至行動～

其實真係好灰喎，得$1000.... 不過又好過1個仙都冇（唯有咁安慰自 ...

你可以話多出果d錢係屋企人資助囉...

我當初都覺得雙糧/花紅批得$1000 真係好少... 仲要我花紅係差唔多有1.5個月人工... 但後來我都接受左... 我就同自己洗腦... 我花紅其實得$1000... 咁心情就好好多...

你要去諗... 你起碼仲有$1000用...

你要去諗... 其實宜家已經好過未破時好多了...

你要去諗... 仲有2年啫... 好快過...

諗下諗下... 就到你解破啦...

大家一齊加油啦...

歡迎光臨破產聯盟 (http://hkiva.org/)