破產聯盟

標題: ( 轉貼 ) 睇完星期二檔案講有關於中女既，覺得自己決定正確 [打印本頁]

作者: 20202003 時間: 5-3-2010 19:22
標題: ( 轉貼 ) 睇完星期二檔案講有關於中女既，覺得自己決定正確
睇完星期二檔案，我自覺我選擇唔再拍拖，專心事業，去搵自己既天地係無錯的。

片中講到佢地跌過好多次，都未結到婚，點解？因為佢地後生時鐘意靚仔、飛車、去蒲，個個呢個年紀既女仔而家都否認緊，我諗佢地自己知。要跌過、傷過、痛過仲要老左先明白，先比以前更成熟，已經太遲啦。

跟住原來好多女仔都做過人地第三者，更令我心淡，我都知香港都仲有好多單身既好男性，可惜年輕既女仔又會視之為「電車男」，寧願揀 D 靚仔、飛車、鐘意去蒲、係女仔面前扮出位既男性，又唔知佢對住你可以咁，就可以對第二個咁，人地結左婚，仲可以呃住你，同你玩咁耐，我只可以講：「Ok, You win」。

佢地覺得要男仔付出我都唔想講啦，最離譜既就係原來鐘意男友既禮物係扮出黎，耐左先露尾巴，咁叫真情真意嗎？雖然善意既大話係有時要，但係後來會變，即係個心變左，即係三分鐘熱度。

我都明白果 d 女仔都係想有人愛，但老左先反省，有用嗎？同你地一樣有事業既男仔，當然想搵個又靚又後生既女朋友，你地揀完果 D 男仔之後，仲想搵返個可以依靠終生既有事業男仔，世事又欺能盡如人意。相反你地睇返以前既 BF（我指揀左個壞男仔做 bf 既女性），佢地而家點，你之前就係同呢 D 男仔一齊…

希望果班女性最後搵到佢地既真愛啦，而家未婚既後生女仔會引以為鑒。聽完佢地講，我更加對愛情絕望，女性後生揀靚仔、飛車、去蒲既男仔，要跌過、傷過、做過人地第三者先知自己揀錯，即係比人揀完先到我啦，揀既時候佢地已經年過三十，一路想人陪住自己走，要到老左大過左先有個識得回頭是岸既女仔揀，我覺得已經太遲啦，所以而要讀好書，搵好錢，無女仔都可以做自己想做既野，搵到自己既天地 ma，決定永遠單身係無錯既。

作者: nokia 時間: 5-3-2010 23:16
你唔係已經簡左 e 姐咩