破產聯盟

標題: 賭博真係壞三觀。你地又點戒賭 [打印本頁]

作者: 外圍撚 時間: 4 天前
標題: 賭博真係壞三觀。你地又點戒賭
細路35 而立衰賭入學之前玩網上百家樂平均一鋪一萬，有時五萬十萬一鋪百家樂都試過。但其實自己打份牛工。正所謂輸錢皆因贏錢起。最高峰贏過一百萬有多。果時覺得返工無用工作上都唔上心返一日休幾日果隻因為我果時落一注已經差不多1/3份糧。覺得返黎都哂氣。我上網禁個制五分鐘都唔洗就贏到份糧返嚟　。價值觀出哂問題。最後輸到入埋學。不過依家仲有賭雖然限制自己賭極唔可以超過一千注/又或者限個數比自己輸。但過左幾個月真係無輸超過自己限制果個數。但諗落又好無謂。不如儲起佢好過。但好似心中有個賭癮。今天起立心想戒各位師兄們又用咩方法戒賭？

作者: ccckeikei 時間: 4 天前
師兄，網上896,真係唔好掂，識幾個真係俾佢搞到

作者: 外圍撚 時間: 4 天前

ccckeikei 發表於 17-9-2024 13:08
師兄，網上896,真係唔好掂，識幾個真係俾佢搞到

贏過錢。依家一有錢就身痕。一出糧大部份已經比哂老婆管。留返幾千比自己過。但都係拎依幾千去賭

作者: 金龍華 時間: 4 天前
賭波賭馬都仲要等開場，網賭百家樂，戒啦！死路一條

作者: a981142 時間: 4 天前
100萬,真係可以提現咩?
錢全部借返黎?爭幾多入學?
戒啦,講多無謂

作者: Anmi2019 時間: 4 天前

外圍撚發表於 17-9-2024 15:30
贏過錢。依家一有錢就身痕。一出糧大部份已經比哂老婆管。留返幾千比自己過。但都係拎依幾千去賭 ...

Cap底個網d出入數記錄，方便之後解話用，之後一嘢del咗個網。
心引嚟啫，一日無玩可以會手痕，搵其他嘢做，過多幾日幾個月，捱過咗就會無咗條引啦。
咁撚辛苦返工先賺1千幾百，幾秒就輸撚咗去養人，自己拎去食好西好過啦。提自己，唔要再做猪閪！

作者: 外圍撚 時間: 4 天前

a981142 發表於 17-9-2024 15:50
100萬,真係可以提現咩?
錢全部借返黎?爭幾多入學?
戒啦,講多無謂

提到過9十幾萬出黎。都無用過。心諗賺多一百萬就停，之後留左20萬係到玩。點知幾日輸哂埋輸埋果90萬。輸完又想追。去銀行借 30萬 30萬咁借最後借到銀行唔批大約90萬左右因為我太短時間借好多錢。銀行唔批就去搵財仔借到財仔又唔批去搵二線，到二線都唔批就搵電話數但最後因為驚所以無借電話數。 total 差球半左右。

作者: 外圍撚 時間: 4 天前

Anmi2019 發表於 17-9-2024 15:56
Cap底個網d出入數記錄，方便之後解話用，之後一嘢del咗個網。
心引嚟啫，一日無玩可以會手痕，搵其他嘢做 ...

唉，一無聊就想禁。太方便。入錢幾分鐘就到網戶口。提錢又係。贏就好啦但一輸又想追。已經唔比自己咁多錢。留幾千一個月。但好多時都會賭埋。琴日先輸左兩千得返幾百蚊過依個月

作者: whysocrazy 時間: 4 天前
師兄賭開咁大而家賭咁細應該好冇癮，搵其他野學下好過，我同你差唔多但冇贏過大錢而家學下車修心養性

作者: ccckeikei 時間: 3 天前

外圍撚發表於 17-9-2024 16:37
唉，一無聊就想禁。太方便。入錢幾分鐘就到網戶口。提錢又係。贏就好啦但一輸又想追。已經唔比自己咁 ...

咁樣其實好大鑊。。因為你腦入面，已經覺得佢曾經俾你贏成90萬，即係永遠都會覺得呢啲網賭有機會，仲要咁方便，有上網又有得玩。。。破產的確係令你借唔到錢，但唔知邊日又會出事

作者: 外圍撚 時間: 3 天前

ccckeikei 發表於 18-9-2024 10:59
咁樣其實好大鑊。。因為你腦入面，已經覺得佢曾經俾你贏成90萬，即係永遠都會覺得呢啲網賭有機會，仲要咁 ...

我今日開始cut 哂轉數快唔比自己賭轉數快太方便

作者: whysocrazy 時間: 前天 02:18

外圍撚發表於 18-9-2024 12:37
我今日開始cut 哂轉數快唔比自己賭轉數快太方便

破左仲用fps收付錢唔驚咩

作者: 外圍撚 時間: 前天 08:26

whysocrazy 發表於 19-9-2024 02:18
破左仲用fps收付錢唔驚咩

賭仔驚咩用支付寶同埋輸多勝小全部都係入款

作者: whysocrazy 時間: 前天 10:31
師兄你出現金糧報無業用朋友戶口算啦咁樣會捉蟲

作者: 外圍撚 時間: 前天 10:36

whysocrazy 發表於 19-9-2024 10:31
師兄你出現金糧報無業用朋友戶口算啦咁樣會捉蟲

無啦依家已經cut哂轉數快唔比自己再網賭了

歡迎光臨破產聯盟 (http://hkiva.org/)