破產聯盟

標題: 以後做人真係自私D算數 [打印本頁]

作者: KennyPang 時間: 5 天前
標題: 以後做人真係自私D算數
各位同學！又係我！話說今日返緊工！見到便利店有個貓仔筆袋幾得意！跟住我買左！諗住放工拎返屋企送俾個囡！開心下！哄下小朋友.….. 返到屋企我拎住個筆袋行埋囡囡度話：爸爸買左個筆袋比妳????睇下鍾唔鍾意….! 囡囡接左個筆袋就話：多謝爸爸……就係依個時候….. 女人就大聲話…. 都話你死性不改架啦！破產仲買！又同個囡講…. 依D人冇用架！唔好要…買埋D垃圾.. 一手搶咗個筆袋丟落地！！叫個囡入房瞓覺！唉……. 算啦….. 係我自己一直以為可以用時間證明一切會變好！！個一刻我同自己講….. 做左自己要做嘅嘢！負起自己應負既責任！唔好再比希望自己！每月收入淨返D比自己！令自己每日過得開心就算！為自己打算下！

作者: 天意玩弄人心 時間: 5 天前
及早離婚，唔係他朝一日火姐眼上黎又一宗家庭悲劇

作者: mirror0822 時間: 5 天前
一路唱一路播鄭伊健感激我遇見感化佢。

作者: mayan 時間: 5 天前

mirror0822 發表於 16-9-2024 23:48
一路唱一路播鄭伊健感激我遇見感化佢。

見到你回復我笑佐，好鬼衰吖你

作者: mayan 時間: 5 天前
師兄你好忍得…一次又一次都係咁受

作者: Yuyuyuu 時間: 4 天前
事出必有因，你曾經做過咩事令到老婆咁憎你。

作者: CKC 時間: 4 天前
你個囡又幾乖喎!忍多9個月就畢業，到時有錢，睇你老婆有無咁顛，不過呢d女人，肯定楂乾你!

作者: MoneyZero 時間: 4 天前
師兄你咁都忍到其實做左咩事個老婆都唔應該咁樣喺個女面前做啲咁嘅行為囉師兄你當日衰咩佢咁憎你

作者: sosadnow 時間: 4 天前
破產啫，又唔係殺人放火，Kenny兄，人生流流長，你真係好好諗下以後條路點行

作者: KennyPang 時間: 4 天前

Yuyuyuu 發表於 17-9-2024 00:03
事出必有因，你曾經做過咩事令到老婆咁憎你。

淨係話結婚之後就係要滿足佢！養佢係責任！自己要做全職主婦！！唉….

作者: KennyPang 時間: 4 天前

Yuyuyuu 發表於 17-9-2024 00:03
事出必有因，你曾經做過咩事令到老婆咁憎你。

破產係因為媽媽！過身…爸爸返地盤嘅…. 太傷心身體轉差⋯⋯唔可以再返！（心臟問題）..！成年冇收入…. 我一個人搵錢！處理媽媽白事既錢同全屋開支太大！之後去借銀行同信用卡現金透支！完全唔係賭錢！舉手之前我同爸爸都商量過！但係女人就覺得我破產影衰佢！所以佢覺得我累咗佢！俾唔到榮華富貴佢

作者: 金龍華 時間: 4 天前
離婚啦！做大戲咩！

作者: 天意玩弄人心 時間: 4 天前
咁辛苦點解唔離婚

作者: Hing426 時間: 4 天前
有冇諗過呢段婚姻可能係錯？小心小朋友情緒,吾好以為佢乜都吾知

作者: a981142 時間: 4 天前
盡快放手啦,日日呻唔係辦法

作者: 貓女 時間: 4 天前
自己條命生成。。要怨就怨自己克夫。。
個女人有本事就興家旺夫啦。。。。
自己陀衰家無公主命就扮公主。。。咁樣DＩＵ７佢。。再離婚啦

作者: whysocrazy 時間: 4 天前
食得咸魚抵得渴，佢肯比說話你聽算好唔理你仲驚

作者: nolifesasha 時間: 4 天前
個老咁咁差通常個老公都唔係啲咩好人

作者: Jo883 時間: 4 天前
師兄，你EQ太高啦

作者: mirror0822 時間: 3 天前
全部教人離婚傻傻地。感化佢咪得。

作者: mirror0822 時間: 3 天前
要有冷靜既思維頭腦。因為仲有個女兒。點可以隨便離婚變單親好悲哀的。

作者: debtfighter 時間: 3 天前
為自己打算下好重要

作者: 走出黑洞 時間: 3 天前
我破產，係另一半照顧有病嘅屋企人及失業，我借咗錢比佢，然後還唔到又照顧唔到我。但我選擇原諒。或者你可以忍耐，但你要看呢段婚姻有冇將來和質素。沒有原諒，大家怎樣下去呢？

作者: lifeishopeless 時間: 昨天 18:16
師兄，離婚啦！有D人係唔可以共患難！記得你之前都提過係咪入左紙離婚？你都應該就快畢業啦！好好計劃畢業後的生活吧

歡迎光臨破產聯盟 (http://hkiva.org/)