破產聯盟

標題: 求師兄師姐解答關於出糧問題 [打印本頁]

作者: whysodump 時間: 11-7-2024 18:02
標題: 求師兄師姐解答關於出糧問題
我諗住月尾出埋今期糧，第二日就去舉手, 咁我應該舉完手後攞封開戶信捱到頒令，然後再問破處攞解凍信? 想睇吓點樣做先至可以確定出糧戶口唔會因為臨時令頒完之後被凍結、出唔到糧就麻煩啦，希望有經驗嘅師兄師姐俾啲意見我！感激不盡！

作者: whysodump 時間: 11-7-2024 18:15
補充一句，公司唔會出現金票俾我嘅，一定係經銀行戶口出的

作者: 天意玩弄人心 時間: 11-7-2024 19:32
無人保證會唔會凍wo

作者: 欠一百萬 時間: 11-7-2024 20:01
你遞紙入去申請破產, 叫做破產呈請, 之後會有個排期及一個屬於你的破產案號碼. 並非臨時令, 亦不存在頒臨時令.

你入紙後, 你呈報的戶口, 尤其係欠款戶口會好快凍結, 因為你會通知這些債權人你已申請破產.

沒有欠款的銀行都隨時會凍, 也有用到頒令先凍.

入紙後至頒令期間, 破署係唔會比開戶信你的. 如果你驚呢段期間凍左你出糧戶口, 你可以申請破產時, 一併申請解凍戶口, 律師通常都會加費申請解凍戶口. 解凍戶口都要排期等法庭判, 解凍戶口快, 定係頒令快, 無準則.

其他人也會係入紙後, 偷雞去開個戶口比公司出糧, 不過直至頒令後, 呢個戶口又會再凍結, 而且呢個戶口要在26頁申報. 至於呢個方法並不保證個戶口唔會頒令前被凍結.

所以, 你自己考慮一下點做.

作者: whysodump 時間: 11-7-2024 21:52

欠一百萬發表於 11-7-2024 20:01
你遞紙入去申請破產, 叫做破產呈請, 之後會有個排期及一個屬於你的破產案號碼. 並非臨時令, 亦不存在頒臨時 ...

多謝百萬兄詳細解答，咁即係話我呈請後偷雞開個出糧戶口都唔能夠保證不被凍結？我唔會搵律C攪，因為全部一線，慳得幾多得幾多

作者: 欠一百萬 時間: 11-7-2024 21:57

whysodump 發表於 11-7-2024 21:52
多謝百萬兄詳細解答，咁即係話我呈請後偷雞開個出糧戶口都唔能夠保證不被凍結？我唔會搵律C攪，因為全部 ...

只可以講偷雞呢個方法, 有人係可以用到頒令, 也有人係中途也凍左.

歡迎光臨破產聯盟 (http://hkiva.org/)