破產聯盟

標題: 未有令嘅時候好難捱！ [打印本頁]

作者: MoneyZero 時間: 11-7-2024 11:05
標題: 未有令嘅時候好難捱！
真心好困擾，之前借過嘅扣底好拿煩！
雖然已決定舉手，亦交哂文件仲未宣誓未通知對方。
(但三姓真係好慢仲要等）
一邊啲收數日日打黎喊打喊殺
其實本身我真係唔太擔心
但啲收數由朝到晚都轟哂我身邊嘅人
仲要send哂我啲全家幅、群組大頭照等等。
一時又話接放學一時又話搞我老婆仔女岳母，
真心問師兄們，其實我數唔大（只係多同散）；
呢啲財仔/收數，真係做得咩出樣？
當時無留過學校資料但有無辦法比佢地查到？會唔會搞到去學校？
老婆醫院做，會唔會搞到去佢公司（當時都係無報過）。

其實真心，佢地呢啲手法好能討厭；
預左未有令佢地實煩過西但諗緊、
有令之後佢地會唔會繼續追到天涯海角？

真心touch wood
有冇試過又真係比佢地撞到正/搵到？點應對？

出左令之後，佢地仲會繼續咁追又如何應對？

作者: Lee1234 時間: 11-7-2024 11:28
有邊幾間數

作者: MoneyZero 時間: 11-7-2024 11:32

Lee1234 發表於 11-7-2024 11:28
有邊幾間數

太多不能盡錄間間都係油尖旺嘅扣底

作者: timmoz 時間: 11-7-2024 11:33
如有對話錄佢音，佢恐嚇你已可報案，最緊要問佢代表邊間收

作者: timmoz 時間: 11-7-2024 11:37
三姓係慢但穩陣既，宣誓完有臨時號會好好多，但佢地未必理，正常唔會好激進都係言語上，極少上公司滋擾，拎埋正令就穩陣(到時再追咪俾佢），到時再追可以投訴放債人(最好知邊間）。撞到咪話已申破，信照收，錢就唔會俾。

作者: MoneyZero 時間: 11-7-2024 11:39

timmoz 發表於 11-7-2024 11:33
如有對話錄佢音，佢恐嚇你已可報案，最緊要問佢代表邊間收

師兄啲收數好古惑
10個msg 8個小老母
完全唔肯講邊間幾錢凈係系度吊同叫我打去
講真我完全唔想打去同佢地講啲咁嘅態度
仲要係根本還得一間還唔到第二間
無理由還一間唔還一間
一陣佢哋應該通哂天到時仲煩？

實質有無師兄弟試過佢地最過分會做到咩出樣？

作者: MoneyZero 時間: 11-7-2024 11:40

timmoz 發表於 11-7-2024 11:37
三姓係慢但穩陣既，宣誓完有臨時號會好好多，但佢地未必理，正常唔會好激進都係言語上，極少上公司滋擾，拎 ...

因為啲爛鬼口吻咁講到破左照追
所以先諗究竟點算
佢哋會唔會繼續咁樣破咗之後繼續繁多一年半載

作者: 菲尼克 時間: 11-7-2024 11:53
油尖旺扣底我借盡廿幾間都無事

作者: ddhung 時間: 11-7-2024 13:16
師兄，三姓是比較正路，要有耐性。扣底財全部都有律師在背後比法律意見的，所以佢地知道有咩做得 (電話數除外)，唔會過界。收數佬一定會講代表邊間，如果唔講，可能 1)佢知道自己用恐嚇手段追數是犯法所以唔敢講，所以估計唔會有更激的追數行為。2)那個追數佬是白撞的。

作者: MoneyZero 時間: 11-7-2024 13:57

菲尼克發表於 11-7-2024 11:53
油尖旺扣底我借盡廿幾間都無事

師兄你數多人膽大呀我嗰度加埋唔係大數
啲能樣打來串柒柒講真有心還都唔能想還
一時又喊打喊剎一時又講到乜嘢出隊開波
其實最擔心嘅因為佢哋有我個小朋友嘅相
嗰陣時仲要拎撚埋外母全家福
我係喺度諗佢會唔會真係玩嘢
我老婆就比較擔心啲因為佢醫院返工
（但借時無報過）驚佢地有冇本事搵到出黎
如果咁佢哋都搵到即係搵埋我啲小朋友喺邊度讀書都唔難啦所以我岳母同我老婆驚到震唉

而家仲要咁多間
講真還咗一間另一間知道咁樣有效又再追
真係有幾百萬都唔夠比（間間都收10,000幾千茶錢）

作者: 鐵男 時間: 11-7-2024 15:22
我百幾個一線破左成個星期都冇電話，咩環境

作者: bjerrykmc 時間: 11-7-2024 15:31
好多都係嚇鬼想你清到「自己條數」，分會同會兄弟會你俾得1間第二間1樣手法，繼續追繼續嚇鬼！好多有牌既2線財都會靠嚇話上門話呢樣那樣難聽啲講，佢哋有臨時no.明知唔會找亦唔會找只係靠嚇想你俾返多少！加上你差佢哋3萬1間好未？佢哋班收數真係攪拌左，成間公司攪亞蛇攪到無牌無生意，唔見既唔止你個幾萬，可能連鎖反應連其他既收入都無埋！

作者: 菲尼克 時間: 11-7-2024 15:48
都係個句

作者: 菲尼克 時間: 11-7-2024 15:48
轉電話就攪掂你唔理上都好過

作者: 天意玩弄人心 時間: 11-7-2024 15:49
試過fax 相去公司標住欠債還錢

作者: bjerrykmc 時間: 11-7-2024 16:09

天意玩弄人心發表於 11-7-2024 15:49
試過fax 相去公司標住欠債還錢

我就做三行，好彩既係佢哋搵都無用！
成班牛嚟，同我哋嘈真係攞架嚟扔！

作者: timmoz 時間: 11-7-2024 16:16

MoneyZero 發表於 11-7-2024 11:40
因為啲爛鬼口吻咁講到破左照追
所以先諗究竟點算
佢哋會唔會繼續咁樣破咗之後繼續繁多一年半載 ...

估計破左可能都會追個幾月，不過到正令你大哂。唔使同佢嘈，佢唔講代表邊間就當騙徒封鎖。係心理壓力要頂住，加油。有咩上門滋擾可以裝定cam先

作者: MoneyZero 時間: 11-7-2024 16:58
唉呢段時間內心好困擾。借嘅時候真係完全無諗過走數又戇鳩鳩比電話佢地原來偷左咁多相（我個人相無所謂）最慘有埋細路老婆岳母姨媽姑姐相，今朝老婆驚到工唔敢返、細路唔敢出去公園玩（驚比人捕）。但內心真心煩嘅係比得一間比唔到咁多間，佢地喊打喊殺其實可以點？破完真係系街比佢地撞到又可以點？大街大巷相信做唔出咩樣但真心驚係嚇親老人家同細路，希望快啲頒左令啲收數會收皮啦！

作者: MoneyZero 時間: 11-7-2024 17:00

bjerrykmc 發表於 11-7-2024 16:09
我就做三行，好彩既係佢哋搵都無用！
成班牛嚟，同我哋嘈真係攞架嚟扔！ ...

師兄夠惡
佢地其實都捉我唔到因為我鋪頭都執埋
但係係驚佢地有料到搵到啲細路邊度返學
一陣黎接放學就嚇死啲小朋友同岳母（接送）

作者: bjerrykmc 時間: 11-7-2024 17:11

MoneyZero 發表於 11-7-2024 16:58
唉呢段時間內心好困擾。借嘅時候真係完全無諗過走數又戇鳩鳩比電話佢地原來偷左咁多相（我個人相無所謂） ...

其實，電話打俾你果啲都係打份工，佢哋得把口唔好太介懷，真係會郁手既1早郁左要夾既唔會講咁多！
有時諗得太多真係會傷身，佢哋想既係收到幾多就幾多，好似我自己咁佢哋2線打嚟我日日都同佢哋屌1鑊，電話照聽佢哋要屌就同佢哋屌，你越驚佢哋越攪得多野，寄信街招有個人資料既去私隱條例公署度投訴，記住佢哋有留電話你照問邊間順手錄音投訴，有圖有錄音自然有人會做野！

作者: bjerrykmc 時間: 11-7-2024 17:17

MoneyZero 發表於 11-7-2024 17:00
師兄夠惡
佢地其實都捉我唔到因為我鋪頭都執埋
但係係驚佢地有料到搵到啲細路邊度返學

香港地，破產真係大晒（但係我唔係鼓勵叫佢走數破產！）佢哋知道條線可以踩到邊，知道你投訴都吹佢唔漲，但係你越驚自然會越慌，越慌自然會做錯好多決定！所以唔好太理會或者諗得太多，夾人嚇嚇係邢事並唔係打兩堂吹下水就解決到，佢哋打開門做生意唔會做到太過份！
朋友你同你屋企人放鬆啲，唔好太緊張！好易會有情緒問題

作者: MoneyZero 時間: 11-7-2024 17:27

bjerrykmc 發表於 11-7-2024 17:17
香港地，破產真係大晒（但係我唔係鼓勵叫佢走數破產！）佢哋知道條線可以踩到邊，知道你投訴都吹佢唔漲， ...

多謝你師兄
其實最戇居係當時比佢地拎左咁多相
有一刻真係諗住還左比呢間算
（但又諗到、如果咁樣還左、另一間知道應該會煩得仲癲）
加上都去到舉手無咩錢剩留黎開飯都唔會還

作者: bjerrykmc 時間: 11-7-2024 18:15

MoneyZero 發表於 11-7-2024 17:27
多謝你師兄
其實最戇居係當時比佢地拎左咁多相
有一刻真係諗住還左比呢間算

朋友，我都係過來人我今年年頭俾人走左數無糧無錢又臨近過年，tu I 申請1線唔批借2線4間3間扣底連電條數都借埋.
當時諗住過得1日得1日，點知2-3月每日跑數跑完還電仔，出糧唔夠1個鐘清袋（找1/2/3線數）跟住又續電仔跑足7日，每日唔係諗屋企事係諗點跑數返嚟找！
到4月真係跑唔到，電仔又清唔到當時我每晚訓得個幾鐘，因為每日每分每秒都諗點跑！
後期搵左向晴傾計，轉介我去睇精神科，醫生話我有嚴重情緒病（有自殺傾向）到5月同屋企老婆坦白，佢哋幫我清晒電仔，跟住幫我舉手入學！
所以係你同你家人諗既野我好理解！亦明白點解會咁慌張！我作為過來人同你講，所有事有開始自然會有結尾，唔好要問題諗到太復雜亦唔好過份幻想！
收數會點做無人知，但係你點過活你自己可以決定！
家庭先係你要每日幻想同憧憬既事嚟！

作者: bjerrykmc 時間: 11-7-2024 18:18

MoneyZero 發表於 11-7-2024 17:27
多謝你師兄
其實最戇居係當時比佢地拎左咁多相
有一刻真係諗住還左比呢間算

最後，有時間既做多啲善事！捐血幫有需要既人！
見到亞伯亞婆過馬路去幫幫佢！
上天會幫你過難關！

作者: 天意玩弄人心 時間: 11-7-2024 18:38

bjerrykmc 發表於 11-7-2024 18:15
朋友，我都係過來人我今年年頭俾人走左數無糧無錢又臨近過年，tu I 申請1線唔批借2線4間3間扣底連電條數 ...

清完電話數都要老破？師兄衰賭？

作者: MoneyZero 時間: 11-7-2024 20:56

bjerrykmc 發表於 11-7-2024 18:15
朋友，我都係過來人我今年年頭俾人走左數無糧無錢又臨近過年，tu I 申請1線唔批借2線4間3間扣底連電條數 ...

唉我睇來遲早我都要睇精神科
真心未同屋企人坦白之前
每日走去跑步跑步好似返工咁又未必跑到又跑得唔多真係最攞命
已經嚴重影響咗個生活照顧小朋友同埋屋企所有嘢都集中唔到
（生意就一早失敗咗所以同你一樣個TU變到得返I 先至行上呢條數冚數絕路！）
師兄咁你啲扣抵數大唔大？我而家其實每日都仲應附近啲收數（我都有諗過即刻轉晒電話咁就睇唔到）
但係一日未有正令又唔想完全失蹤搞到佢哋狂轟屋企人（雖然都轟緊）

其實我都已經去到冇乜嘢好驚嘅地步
唯一唔放心係真係小朋友同埋老婆外母兩個女人果種擔心唉真係唔知幾時先可以走出呢個困局！
經歷過呢個咁低嘅時候身邊係人定鬼就已經出晒來
真係好老土咁講除咗屋企人都冇乜邊個真係可以永遠留低

作者: MoneyZero 時間: 11-7-2024 20:58

bjerrykmc 發表於 11-7-2024 18:15
朋友，我都係過來人我今年年頭俾人走左數無糧無錢又臨近過年，tu I 申請1線唔批借2線4間3間扣底連電條數 ...

你當時加加埋埋嘅數大約幾多

（喺咪電話數啲追數最癲？扣底果啲去到咩地步？）
有咗正式令同埋你俾咗Number佢哋之後個分別大唔大？真心指教！

作者: 天意玩弄人心 時間: 11-7-2024 21:30

MoneyZero 發表於 11-7-2024 20:56
唉我睇來遲早我都要睇精神科
真心未同屋企人坦白之前
每日走去跑步跑步好似返工咁又未必跑到又跑得唔多 ...

個個破產都唔驚架啦衰啲講句自己攞嚟，但怕就怕搞到屋企姐

作者: bjerrykmc 時間: 11-7-2024 21:50

天意玩弄人心發表於 11-7-2024 18:38
清完電話數都要老破？師兄衰賭？

疫情前同老友開舖做飲食，當時都搵到餐食到疫情爆發借銀行借財仔頂硬上，諗住好快完！點知完既唔係疫情，係我同老友.1舖跌左成球，到22年年尾執埋舖果陣跌左差唔多球1野，到23年年頭做返三行（扎鐵）果陣炒散都有2200-2300 1日還左30個俾銀行同財仔，到23年年尾俾個打把老細走左我3個月糧，果3個月無錢唯有問扣底同電仔捱落去…. 我總數差銀行1線接近80個，電仔果陣都廿幾

作者: bjerrykmc 時間: 11-7-2024 21:57

MoneyZero 發表於 11-7-2024 20:58
你當時加加埋埋嘅數大約幾多

（喺咪電話數啲追數最癲？扣底果啲去到咩地步？）

扣底最小9皮多啲，我電話無轉（因為想自己記住呢個教訓）扣底每日都打嚟，我每日都會同佢哋暢屌1番hahaha,的確開頭係會好驚佢哋攪攪震，但係諗深1層有乜好驚？我最驚果樣都安然渡過（妻離子散）咁重有乜好驚？
我月尾先係正式，而家都係臨時！
佢哋成日話臨時唔當係，要破署俾信先係！對我嚟講佢哋講乜都無用！

作者: MoneyZero 時間: 11-7-2024 22:09

bjerrykmc 發表於 11-7-2024 21:57
扣底最小9皮多啲，我電話無轉（因為想自己記住呢個教訓）扣底每日都打嚟，我每日都會同佢哋暢屌1番hahaha ...

師兄我要向你學野尤其對佢地暢吊！
我暫時比手頭果十幾間咁追
有啲叫客氣啲有商量
有啲一開口吊哂老母就真係最無討論空間
有啲有哂我全家幅我想吊佢都唔敢呀頂

師兄你經歷緊嘅階段同我有啲相似
我疫情前都試過一鑊負債累累
（果時未識借財仔頂多都係借下U記呢啲大間二線）

做生意真係好痛苦輸間廠賺粒糖咁做
終於去到無錢交租入貨出糧屋企又有大有細
第一次接觸過一間無咁恐怖嘅扣底財
但佢地啲行規好死批得小期數又短
根本借極都唔夠由開頭係借來頂住盤生意
陸陸續續咁還左年幾扣底財
（中間續數又有經紀再彈來彈去咁暪數攞黎數冚數）
跑到近兩個月真係跑唔到啦花哂個底
由開頭好驚到依家已經唔知可以有咩驚
真心果句借錢唔還係講唔通
但遲還仲要撳住搶同吊又嚇你一輪
一來真係無錢還所以最後只好舉手

作者: MoneyZero 時間: 11-7-2024 22:12

bjerrykmc 發表於 11-7-2024 21:57
扣底最小9皮多啲，我電話無轉（因為想自己記住呢個教訓）扣底每日都打嚟，我每日都會同佢哋暢屌1番hahaha ...

師兄你總共有幾多條扣底

我10幾間都係三幾萬一條
其實我相信一條半條佢地唔會做啲咩
係驚幾廿條加埋幾個收數原來都識
約能埋一齊黎追我就真心大鑊

不過都係我幻想得恐怖左啫 ????

作者: bjerrykmc 時間: 11-7-2024 22:23

MoneyZero 發表於 11-7-2024 22:12
師兄你總共有幾多條扣底

我10幾間都係三幾萬一條

最後我差4間扣底（總數9皮多啲全部兄弟會）你個憺心我完全理解到，怕屋企人受傷害怕佢哋會俾街坊異樣目光咁看待，我真係好明.所以我先叫你同家人去放鬆下，唔好將收數佬未做既野當做左！
扣底係唔合法，佢哋攪出事更加大鑊！
當然，可以既俾人屌下囉，又無需要同佢哋嘈！
但係，忍到某個點人係要發下爛！

朋友，放鬆啲！做多啲善事有幾蚊去布施！可以既盡量唔殺生，上天會幫助你渡過難關！

作者: 菲尼克 時間: 11-7-2024 22:31

bjerrykmc 發表於 11-7-2024 21:57
扣底最小9皮多啲，我電話無轉（因為想自己記住呢個教訓）扣底每日都打嚟，我每日都會同佢哋暢屌1番hahaha ...

巴打衰咩破
因為破產而離婚？依家生活點

作者: bjerrykmc 時間: 11-7-2024 23:13

菲尼克發表於 11-7-2024 22:31
巴打衰咩破
因為破產而離婚？依家生活點

疫情·生意·俾你走數！
無離婚！兩次都係我老婆幫我！

作者: 天意玩弄人心 時間: 12-7-2024 00:01

bjerrykmc 發表於 11-7-2024 23:13
疫情·生意·俾你走數！
無離婚！兩次都係我老婆幫我！

你老婆都算係咁不過唔係衰賭正常做生意邊個都唔想兩公婆咪捱下去

作者: a981142 時間: 13-7-2024 13:10

MoneyZero 發表於 11-7-2024 16:58
唉呢段時間內心好困擾。借嘅時候真係完全無諗過走數又戇鳩鳩比電話佢地原來偷左咁多相（我個人相無所謂） ...

你比左資詢人,而家咩都電話登記,有電話已經可以查到好多野
咁你走數係要頂架啦,記住個教訓,以後好好理財

作者: 菲尼克 時間: 13-7-2024 14:17

bjerrykmc 發表於 11-7-2024 23:13
疫情·生意·俾你走數！
無離婚！兩次都係我老婆幫我！

見你話妻離子散以為離婚

作者: waterfish 時間: 18-7-2024 21:35

MoneyZero 發表於 11-7-2024 22:12
師兄你總共有幾多條扣底

我10幾間都係三幾萬一條

師兄，你宜家情況係點？
我都係2線扣抵，啱啱續左3間，11期都無找，
諗住搵鄺X來，收數會吾會上公司？

作者: MoneyZero 時間: 19-7-2024 14:43

waterfish 發表於 18-7-2024 21:35
師兄，你宜家情況係點？
我都係2線扣抵，啱啱續左3間，11期都無找，
諗住搵鄺X來，收數會吾會上公司？

師兄你兩間扣底唔洗咁緊張你條數大嗎？
我十幾間間間小則幾千最多4-5萬
因為我仲未有正令又未有Number
所以我完全同佢地鬥拖咋
間間都交晒去收數我同屋企人坦白晒
佢哋最多都係煩吓我身邊啲人
暫時都搞唔到啲咩不過日日都提心吊膽

作者: waterfish 時間: 19-7-2024 19:06
我都準備同屋企人坦白同申請，借錢有瞞數驚比人答

作者: waterfish 時間: 19-7-2024 19:06
驚比人告

作者: waterfish 時間: 19-7-2024 21:14

MoneyZero 發表於 19-7-2024 14:43
師兄你兩間扣底唔洗咁緊張你條數大嗎？
我十幾間間間小則幾千最多4-5萬
因為我仲未有正令又未有Number ...

我最多個間2萬5，你借個時有無瞞數，佢地係咪淨係打電話煩諮詢人，同埋會吾會上公司，想清楚d先

作者: MoneyZero 時間: 19-7-2024 21:35

waterfish 發表於 19-7-2024 21:14
我最多個間2萬5，你借個時有無瞞數，佢地係咪淨係打電話煩諮詢人，同埋會吾會上公司，想清楚d先

...

我都有暪呀多得經紀教囉
但呢個我覺得唔係重點佢哋其實有個系統都睇到你有幾多數
我刨左好多post 有啲師兄啲數幾十萬至過百萬
都無咩大問題（比人告詐騙或暪數呢類）
我自己覺得係已經去到舉手呢一步已經唔可以驚咁多
大前提真係同屋企人講哂先資詢人煩硬架喇
（我最開頭嘅擔心同你一樣就係驚佢煩諮詢人）
由佢一pass俾收數開始
第一日已經拉哂我屋企人入群組問候下老母
所以要有心理準備一日未有令都日日比人鬧祖宗十八代咩都出齊

作者: MoneyZero 時間: 19-7-2024 21:37
上公司同打爆公司電話都聽唔小

作者: MoneyZero 時間: 19-7-2024 21:41
你同公司啲同事或者老細有冇偈傾啊可以嘅單定聲佢哋聽的佢哋知道有呢啲人搵你點應對（話你無撈又好乜都好）我自己覺得佢哋其實係想搞到你肉酸面慒而要你就範還錢我自己覺得最緊要唔好怕醜因為佢地就係想你難睇比人話咁心理壓力迫你死番啲錢出黎如果你可以單定聲俾同事聽其實已經解決一半

作者: waterfish 時間: 19-7-2024 21:44
明白，謝謝你先，咁我要連工都轉埋不過都問左鄺來興，個邊話1知就可以頒令

作者: waterfish 時間: 19-7-2024 21:45
1個月

作者: waterfish 時間: 20-7-2024 15:44

MoneyZero 發表於 11-7-2024 13:57
師兄你數多人膽大呀我嗰度加埋唔係大數
啲能樣打來串柒柒講真有心還都唔能想還
一時又喊打喊剎一時 ...

要拿相係咪金X？

作者: MoneyZero 時間: 21-7-2024 16:21

waterfish 發表於 20-7-2024 15:44
要拿相係咪金X？

唔係但好多間原來睇你手機時攞左好多相原來

作者: grosjeanalan 時間: 21-7-2024 17:07

MoneyZero 發表於 21-7-2024 16:21
唔係但好多間原來睇你手機時攞左好多相原來

我之前有個做二線清數比佢地收埋部手機, 之後個幾個月啲whatapps比佢監察住, 依家個號碼直頭無用到

作者: MoneyZero 時間: 21-7-2024 22:49

grosjeanalan 發表於 21-7-2024 17:07
我之前有個做二線清數比佢地收埋部手機, 之後個幾個月啲whatapps比佢監察住, 依家個號碼直頭無用到 ...

收埋部手機就太癲啦
一般當住你面玩你部電話就經常有
（但佢地都好能鬼鼠原來靜靜雞偷左好多相正pk)

作者: uukth 時間: 22-7-2024 16:25
樓主依家咩環境？佢地暫時除左把口講仲做左乜？我岩入學無耐就被通知做左諮詢人，佢扣底電數都有

作者: kelvin7120 時間: 22-7-2024 20:06
我剛剛7月2日盼左令，我5月24舉手時都同你一樣，擔驚受怕，我仲要慢半拍，比佢搵到我Facebook同IG，當下就已經通晒天，但我想講，通晒天嗰下，你已經無敵，因為你已經冇嘢怕比人知，如果想安靜啲，裝兩個眼係門口，要影到正門，側面影到全相，裝眼之前自己印張大字報，內容要有咁激得咁激，要有恐嚇字眼，之前攞張大字報同埋張臨時令去警署報案，張嗰張有晒RN同CID電話既報案紙貼係門口，再提示上你們既人望去你裝眼既方向，通常上門見到咁就唔敢做嘢，最好轉電話號碼啦，佢哋搵唔到你，自然會不了了知

作者: kelvin7120 時間: 22-7-2024 20:18
我剛剛7月2日盼左令，我5月24舉手時都同你一樣，擔驚受怕，我仲要慢半拍，比佢搵到我Facebook同IG，當下就已經通晒天

但我想講，通晒天嗰下，你已經無敵，因為你已經冇嘢怕比人知

如果想安靜啲，裝兩個眼係門口，要影到正門，側面影到全相，最重要裝眼之前自己印張大字報，內容要有咁激得咁激，要有恐嚇字眼，之前攞張大字報同埋張臨時令去警署報案，如果唔係門口個呀SIR都只會備案
之後開左檔案之後，你會得到一張有晒RN同CID電話既報案紙神器，張佢貼係門口當眼處，再提示上你門既人望去你裝眼既方向，通常上門見到咁就唔敢做嘢，因為有晒CID跟，分分鐘轉角就比警察伏

最好轉電話號碼啦，佢哋搵唔到你，自然會不了了知，好肯定既係，只要你電話仲響，WHATSAPP仲有雙Tick，佢地就會時不時煩你，Send野比你，又會扮電話數搵你然後氹你上門夾你，所以要真真正正告一段落，都係轉電話號碼

作者: kelvin7120 時間: 22-7-2024 20:25
同埋之後會有好多白撞既人會比信你，搵你，叫你入錢，呢啲全部都係詐騙

我一二三線都太多，剩係電話數都有30幾個人，得兩個有上門，但上到來見我Set晒陣，影晒佢首照，咩都冇做就走左

作者: uukth 時間: 22-7-2024 23:38

kelvin7120 發表於 22-7-2024 20:25
同埋之後會有好多白撞既人會比信你，搵你，叫你入錢，呢啲全部都係詐騙

我一二三線都太多，剩係電話數都有 ...

師兄你搞破產應該無寫到電話數落債權人？
啲電話數2，3線有無勁騷擾諮詢人？搵到你ig fb有無貼埋你朋友之類

作者: Cs618 時間: 22-7-2024 23:42

kelvin7120 發表於 22-7-2024 20:25
同埋之後會有好多白撞既人會比信你，搵你，叫你入錢，呢啲全部都係詐騙

我一二三線都太多，剩係電話數都有 ...

師兄你果陣佢哋最激進做過啲乜？
我依家屋企貼過兩次大字報攝過一次信信箱一堆收數信

作者: Cs618 時間: 22-7-2024 23:43

uukth 發表於 22-7-2024 23:38
師兄你搞破產應該無寫到電話數落債權人？
啲電話數2，3線有無勁騷擾諮詢人？搵到你ig fb有無貼埋你朋友 ...

我都無寫電話數
老婆電話一直俾人騷擾恐嚇然後佢分居搞緊離婚

作者: grosjeanalan 時間: 23-7-2024 01:34

MoneyZero 發表於 21-7-2024 22:49
收埋部手機就太癲啦
一般當住你面玩你部電話就經常有
（但佢地都好能鬼鼠原來靜靜雞偷左好多相正pk) ...

個陣我都好後悔去呢間二線做清數, 聽番好多人講呢間都幾癲, 好在我都捱佐幾個月到頒令

作者: kelvin7120 時間: 23-7-2024 07:52
電話數寫落債權人度係冇用，所以一定要令班警察開檔案，自製大字報有曬相有曬恐嚇字眼，咁警察就一定會開檔案，貼左係門口，直頭好似開左護罩咁

電眼一定要裝，最好兩隻，門口大頭，側面全相，話埋比上門既人知裝係邊。

將No. 第一同第三頁，連埋有R/N既報案紙， send晒比啲報數電話，電話數報數人，追數公司

咁正常就會靜晒，就算有都係小貓三四隻打電話嚟搏，所以轉左電話就會清靜晒

同公司單聲，話你冇做，同所以資詢人講，話搵你唔到，之後連資詢人都會靜晒

作者: kelvin7120 時間: 23-7-2024 08:27
本帖最後由 kelvin7120 於 23-7-2024 08:31 編輯

最難捱係爆煲到有No.既時間，嗰陣我電話號碼未改，啲電話數係30秒一個電話，block極都有

我5月22日爆煲，5月24去申破，中間呢兩日，要即時做我上面講既嘢。

但電話數好快，23號已經上門貼大字，當時我淨係得cam，我成晚乜都唔做淨係做看更，嗰次一見到個八婆上門貼，我即刻開門追出去，話你再走遲啲，我西都鋤爆你，之後就冇上過嚟

最後其實都係嗰句，你唔怕成日有人打嚟白撞滋擾既，唔轉電話都可以，但會持續影響到你資詢人

因為就算你資詢人話搵你唔到，佢哋都會話你電話仲響，你係佢親人，點會搵唔到，之後都係不停滋擾

電眼一定要裝，佢哋上門已經係犯法，上到嚟見到個閉路唔多唔少都會有阻嚇

加埋張有R/N有埋CID乜sir電話既報案紙，我都可以話你聽，9成上到嚟，見到咁樣，（哇，呢條友報晒警，有晒CID跟緊，唔好攪啦）之後影張相就會走，連信都費時比你

一線有牌，佢哋唔敢做激進嘢
二線有牌，有自己收數公司，但都唔敢上門做激進嘢，驚釘牌
三線電數，佢哋每做一個動作都要比錢，見你做咁多動作，擺明唔會屈到錢，好多連追都費時

我一線二線加埋都78萬幾，咁耐一直都好平靜
電話數40幾萬，有No.前會瘋狂追，門會上，所以要同時間鬥快，做齊防禦措施，好快就捱過

作者: kelvin7120 時間: 23-7-2024 08:42
另外有樣野好重要，爆煲前一定要刪乾淨晒所以Facebook ig，刪除晒所有親人，最好連個帳戶都刪除左佢

我就係慢左，比佢地tap晒我d身分證呀電話呀，作晒d仆街故事，所以我全個facebook既親戚朋友全部都知，哈哈，不過咁仲好，冇野再驚比人知

作者: 從新做人1000 時間: 23-7-2024 08:43
師兄，啲資料好有用。我都破左年幾，前幾日仲有人上門貼大字布。我雖然唔係個到住(公屋) 屋企人都慣曬，見到就撕。我知佢係邊間2線，令就fax 左幾次比佢。想問可以打去邊到投訴？

作者: Cs618 時間: 23-7-2024 08:44

kelvin7120 發表於 23-7-2024 08:27
最難捱係爆煲到有No.既時間，嗰陣我電話號碼未改，啲電話數係30秒一個電話，block極都有

我5月22日爆煲，5 ...

電話數俾no佢有用咩？佢都唔受監管

作者: Cs618 時間: 23-7-2024 08:45

從新做人1000 發表於 23-7-2024 08:43
師兄，啲資料好有用。我都破左年幾，前幾日仲有人上門貼大字布。我雖然唔係個到住(公屋) 屋企人都慣曬，見 ...

牌照課師兄方唔方便講邊間二線？

作者: kelvin7120 時間: 23-7-2024 09:24
本帖最後由 kelvin7120 於 23-7-2024 09:32 編輯

Cs618 發表於 23-7-2024 08:44
電話數俾no佢有用咩？佢都唔受監管

有冇用呢，我就唔敢斷定，首先一樣野就係，我地要帶個信息比班吸血鬼

話比佢知，我舉左手，報埋警，係唔還架啦

咁佢地一向都係取易不取難，放得電數，拆開每條計先一萬幾千，有d真係追都費事晒錢追

但你唔send報案紙唔send no.比佢地呢，佢地會以為你驚，咪日日攪你囉

作者: uukth 時間: 23-7-2024 09:31
自制大字報絕。

作者: kelvin7120 時間: 23-7-2024 09:37

uukth 發表於 23-7-2024 09:31
自制大字報絕。

我通常叫自製三寶
自製大字報
ＡＡ膠（攪前先用牙籤窒住個窿，咁就之後好易抆返出來)
紅色顏料（攪完自己都易處理，唔好用油呀，有排攪）

佢地唔升級，我自己行動升級，入晒佢地數

作者: kelvin7120 時間: 23-7-2024 09:47
同埋有樣嘢，我都想提醒下大家，依家電話數，好多都係大6人做，佢哋曾經有你身分證，始終係唔安全

我建議大家，舉手既同時，報失埋身分證，係警署攞左個首照先

咁樣就算他日，佢哋用左你身分去做咩衰嘢，你都有得講，話之前唔見左身分證，係幾時幾月已經報失左

作者: waterfish 時間: 23-7-2024 10:51

grosjeanalan 發表於 23-7-2024 01:34
個陣我都好後悔去呢間二線做清數, 聽番好多人講呢間都幾癲, 好在我都捱佐幾個月到頒令 ...

師兄係邊間？

作者: 從新做人1000 時間: 23-7-2024 12:20

Cs618 發表於 23-7-2024 08:45
牌照課師兄方唔方便講邊間二線？

比較冷門： X按財務

作者: 從新做人1000 時間: 23-7-2024 12:22

kelvin7120 發表於 23-7-2024 09:37
我通常叫自製三寶
自製大字報
ＡＡ膠（攪前先用牙籤窒住個窿，咁就之後好易抆返出來)

正！！學到野

作者: Yuyuyuu 時間: 23-7-2024 13:23

kelvin7120 發表於 23-7-2024 08:27
最難捱係爆煲到有No.既時間，嗰陣我電話號碼未改，啲電話數係30秒一個電話，block極都有

我5月22日爆煲，5 ...

好正，好有用既資訊，簡直係教科書式教學

作者: MoneyZero 時間: 23-7-2024 22:20

kelvin7120 發表於 23-7-2024 09:24
有冇用呢，我就唔敢斷定，首先一樣野就係，我地要帶個信息比班吸血鬼

話比佢知，我舉左手，報埋警，係唔 ...

嘩師兄我睇到你講嘅嘢簡直甘拜下風！
我有諗過反屈佢地（貼我相果啲）但呢一步諗住有令之後、如果佢哋再玩野我先會做！
我終於轉左電話（用老婆名開多個號碼），
雖然啲人話佢地有渠道搵到但我諗唔用自己名開/登記叫好好多
舊電話有keep但我無睇（以免影響心情）。

你講得好岩，真係舉手開始已經無野可輸！
我第一時間已經del 左fb acc,所以佢哋做唔到啲乜。
目前由無錢還到依家都個幾月，未有令但佢地暫時最癲都係喺屋企附近貼下大字報同寄信。

我其實最擔心係搞到屋企人畢竟有大有細，
但舉左手就大哂啦，我搵三姓到今日仲未有令；
因為我有公司啲數唔清唔楚所以破起黎有阻滯！

我問暈哂身邊人呢幾日有冇動靜，佢地話完全無人搵亦無大字報（我反而覺得靜得有點可怕）！

最後，各位師兄弟大家都淡定啲；過來人想講由破產之前果種驚無錢還嘅感覺其實仲得人驚。
雖然我已諗住破產（未有令）但真心反而輕鬆左，
轉電話前日日睇到十幾間追數嘅口吻、大字報講真睇完會抑鬱足一整日，早換電話早享受！
唔洗再經歷跑數嘅日子，真心以前跑數仲累仲大壓力。

作者: MoneyZero 時間: 23-7-2024 23:01

grosjeanalan 發表於 23-7-2024 01:34
個陣我都好後悔去呢間二線做清數, 聽番好多人講呢間都幾癲, 好在我都捱佐幾個月到頒令 ...

介唔介意講咩名？

我第一次接觸二線係因為上年突然生意有批貨搞唔掂，
又比人拖數自己又急用錢，因為TU唔靚仔戇居居去左間二線A借（果時仲批得好小）。
結果順供左兩個月佢加大左條數比我。
但果時係分開兩個戶口即每個月要找4條15日數(約3萬）。
當時生意都搵到下錢叫頂得順。
隔左無耐屋企有啲急事要用錢，又要借；
結果借左另一間二線B,一批都批得幾足（5萬）仲遊說我攬數（攬左第一間果2條數）
結果一做就簽左15萬加一條p 窿嘅攬數，分9期月供同一條15日嘅數。
其實果時都供得好能辛苦，屋企有大有細，老婆有做野但佢要養岳母都唔多錢剩，我就因為做生意同樣有兩老有細要養（加上我唔係做大生意真係張張單賺一千幾百咁）啲貨又落得急、手頭流動資金唔多，有時有錢番都第一時間供左呢間攬數/p loan)加埋每個月都供緊近四萬幾五萬，都頂左六個月到。

去到第6月突然我又公司啲數搞唔掂，諗住搵返佢續數。佢死都唔肯，介紹啲同會分公司比我。

仆街了，一借就開始行上絕路，期數短錢唔多；
人黑起上黎果幾個月直情無生意甚至有都可以種種原因賺唔到仲要蝕大本。
於是又要顧住b果間每個月5萬數同新借c,d 嘅錢之後，突然間有一日二線b走黎Call 我窿！
即係突然要清15萬幾出黎，果時都洗濕左個頭焗住要數冚數；清完佢間西野但就搞到借借下就借到10幾間出黎數冚數終於爆哂數要舉手！

中間仲要由一開頭因為面子問題唔敢問朋友，
但比呢啲扣底成日提還錢、有時跑唔到最尾都係要搵家人/朋友幫，有時真係好後悔如果當日無借過二線都唔會搞到如此田地！

作者: kelvin7120 時間: 24-7-2024 07:58

MoneyZero 發表於 23-7-2024 22:20
嘩師兄我睇到你講嘅嘢簡直甘拜下風！
我有諗過反屈佢地（貼我相果啲）但呢一步諗住有令之後、如果佢哋再 ...

一起加油吧，舉左手既話，就要諗諗點樣去過呢四年

但點都舒服過之前出糧還晒成份糧，唔夠又要跑數既日子

我嗰陣一個禮拜剩電話數找息都7萬，堅持左個幾月，諗返都覺得自己傻

作者: MoneyZero 時間: 24-7-2024 08:19

kelvin7120 發表於 24-7-2024 07:58
一起加油吧，舉左手既話，就要諗諗點樣去過呢四年

但點都舒服過之前出糧還晒成份糧，唔夠又要跑數既日子 ...

師兄你啲數都好大！
我依家諗返當日自己咁樣跑數還錢嘅日子
真係覺得好傻搞到周圍借跑唔郁去問親友搞到神憎鬼厭！

師兄咁你之後仲有無受到啲收數滋擾？
佢搞到上你fb 都好大pk!

我仲未有令呀係諗緊最大分別黎緊四年
搵工只敢搵現金糧嘅工啦
其實生活影響不太大反而之前還錢還到無錢開飯都試過租樓果啲最多用老婆名共勉之

作者: Cs618 時間: 24-7-2024 09:53

kelvin7120 發表於 24-7-2024 07:58
一起加油吧，舉左手既話，就要諗諗點樣去過呢四年

但點都舒服過之前出糧還晒成份糧，唔夠又要跑數既日子 ...

最尾果句我以為自己同自己講
日日要喺食錢機流連真係生不如死
然後每晚瞓唔安諗點借嚟還第二日嘅錢
又要動輒就屈揼砌
我曾經搞到其中一日要供八萬幾點供呀
結果焗住走曬

作者: Cs618 時間: 24-7-2024 09:55

MoneyZero 發表於 24-7-2024 08:19
師兄你啲數都好大！
我依家諗返當日自己咁樣跑數還錢嘅日子
真係覺得好傻搞到周圍借跑唔郁去問親友搞 ...

巴打你好好彩老婆肯同你去捱
我就唔爭氣
一來無一早同老婆坦白
二來仲要偷偷拎佢張卡套現
所以佢搬走咗同我搞緊離婚
我自己抵死嘅依家都於事無補
失去老婆已經係應有嘅懲罰

嚟緊仲要排期睇精神科
一齊共勉

作者: kelvin7120 時間: 24-7-2024 10:56
本帖最後由 kelvin7120 於 24-7-2024 11:05 編輯

好不負責任咁講，爆煲嗰刻，個人係醒晒，鬆晒

因為知道自己頂唔住，終於解脫左，身邊人全部都知道晒，嗰一刻係有放鬆晒既感覺，終於唔使再頂

嗰陣時，成日都攞地盤啲下欄錢去找息，今日要跑定後日數，每日都要跑勻咁多間大銀行食錢機，真係人都癲
試嗰揸住兩萬蚊現金，由兩點開始不停咁入，跑好多間唔同銀行去入，入到最後一個啦，先有三張500蚊食極都食唔到，之後望鐘差唔多5點，嗰下個心係急到係食錢機前面喊左出嚟

跟住有個南亞人係我後面講，朋友你好急？趕住救命？我同你換，不要喊，喊下我眼淚更加收唔到

作者: MoneyZero 時間: 24-7-2024 11:26

kelvin7120 發表於 24-7-2024 10:56
好不負責任咁講，爆煲嗰刻，個人係醒晒，鬆晒

因為知道自己頂唔住，終於解脫左，身邊人全部都知道晒，嗰一 ...

我睇到都想喊好有同感共鳴！
我試過有一次又係要趕住找數
但係真係唔夠錢因為咁多間數
基本上每個星期每日要入兩至三間數
於是又要去跑 11點開始落完旺角落埋油麻地
跑左三間第一間做得雞碎咁多但無計焗住要
第二間玩能左最耐電話起哂底咁最尾唔能批
去到第三間又係比得雞碎咁多終於夠數供兩間
仆佢個街去到銀行食錢機入錢夠膽死入能完黑mon 真係嬲同無奈到想喊跑得咁辛苦岩岩夠錢咁能樣果日仲要落大雨好狼狽

即刻搵職員搞都無辦法當唔到即日數
打上去啲財仔度仲仆街話我出古惑
（最慘係因為唔想戶口睇到咁多間財仔所以唔敢用轉數快焗住用入錢機
間西野財仔同我講如果第二日见唔到數成條數要提早清
結果跑能完一日交完錢都驚足成晚到第二朝10點一早打黎話未見到數
要我即日再入真係無奈到嘔跟住又換哂衫準備再跑
點知第一間話我琴日先至跑完唔批成個人已經無哂計六神無主
仆佢個街隔咗一個鐘左右間西野又話唔洗岩岩見到數叫我下次唔好再用入錢機（下次？已經冇啦，咁樣玩法命都短幾年；終於頂唔順要去舉手）

作者: Cs618 時間: 24-7-2024 11:47
諗起跑數冚數真係好on9

作者: Cs618 時間: 24-7-2024 11:47
屋企人永遠都唔會明啲錢借返嚟唔係玩係拎咗去還錢呀

作者: 小白新生 時間: 24-7-2024 12:00
大家借扣底舉手後，上完庭颁令係咪重有二三缐追你

作者: MoneyZero 時間: 24-7-2024 12:12

Cs618 發表於 24-7-2024 11:47
諗起跑數冚數真係好on9

係真心覺得應該一早舉手
唔洗搞到依家咁爭左咁多間

作者: MoneyZero 時間: 24-7-2024 12:14

Cs618 發表於 24-7-2024 11:47
屋企人永遠都唔會明啲錢借返嚟唔係玩係拎咗去還錢呀

直情揸住啲錢想食餐好啲都唔得
要還錢果種無奈真係過來人先明
仲要比人七除八扣好無奈
雖然話爭人錢唔還點講都唔啱
但係又諗吓佢哋食食埋你啲扣底
其實一早已經回哂本所以唔洗同佢地講咩道理
加上有啲收數佬嘅態度真心西到無人有

作者: wasabi830 時間: 24-7-2024 12:59
29 號出糧,約左 30 號去舉手
現在X信都追緊我十幾日 , 心情都不太好

希望申破後會安靜

作者: bjerrykmc 時間: 24-7-2024 13:01

wasabi830 發表於 24-7-2024 12:59
29 號出糧,約左 30 號去舉手
現在X信都追緊我十幾日 , 心情都不太好

安x?
如果係你放心啦，佢哋見no.即停！

作者: bjerrykmc 時間: 24-7-2024 13:04

MoneyZero 發表於 24-7-2024 12:14
直情揸住啲錢想食餐好啲都唔得
要還錢果種無奈真係過來人先明
仲要比人七除八扣好無奈

點都好，你而家都唔遲！未來既4年好好咁做人有閒錢1個幾豪都好做下布施，幫啲有需要既人！
大家都係過來人，我都有試過吧足7日每日4-5間全區櫃員機位置果種滋味！
所以，知道後更加要好好既做人

作者: Cs618 時間: 24-7-2024 13:07

MoneyZero 發表於 24-7-2024 12:14
直情揸住啲錢想食餐好啲都唔得
要還錢果種無奈真係過來人先明
仲要比人七除八扣好無奈

就算佢未回本
佢追數啲恐嚇呢樣果樣我都想追返精神損失費呀
再者佢扣得底利率開得咁高點都預咗有壞賬

作者: Cs618 時間: 24-7-2024 13:08

wasabi830 發表於 24-7-2024 12:59
29 號出糧,約左 30 號去舉手
現在X信都追緊我十幾日 , 心情都不太好

安信十幾日就出收數㗎啦佢動作好快
所以你一定要30號果日no

作者: Cs618 時間: 24-7-2024 13:09

bjerrykmc 發表於 24-7-2024 13:04
點都好，你而家都唔遲！未來既4年好好咁做人有閒錢1個幾豪都好做下布施，幫啲有需要既人！
大家都係過來 ...

我試過一星期入足七日最誇張果日入廿幾條入到唔好意思讓俾人再自己入過

但我最可惜嘅係改過太遲已經無咗個老婆

作者: MoneyZero 時間: 24-7-2024 13:18

Cs618 發表於 24-7-2024 13:09
我試過一星期入足七日最誇張果日入廿幾條入到唔好意思讓俾人再自己入過

但我最可惜嘅係改過太遲已經 ...

師兄唔好氣餒或者等丟淡啲時間耐少少
睇下同老婆有無得「猛」？你有冇小朋友先

我老婆都有微言不過佢知我係為頭家同生意
好彩肯一齊捱落去不過都良心過意唔去因為老婆仔女外母而家個個都成日好驚比人點相各樣問題

作者: MoneyZero 時間: 24-7-2024 13:22

bjerrykmc 發表於 24-7-2024 13:04
點都好，你而家都唔遲！未來既4年好好咁做人有閒錢1個幾豪都好做下布施，幫啲有需要既人！
大家都係過來 ...

大家共勉之！

現階段我係輸哂啲面子（最開頭唔想搵朋友幫都冇辦法去到舉手前跑唔掂仲慘過乞丐咁搵朋友幫）
朋友好嘅都會幫仆街啲嘅已讀不回甚至乎驚死你再搵佢再借錢疏遠哂乜都有

好老土咁講家人永遠係不離不棄
但係可惜我屋企人自己都有好多經濟嘅問題同埋更加唔想兩老擔心

往後嘅日子仲有好多時候要捱（捱大啲仔女養父母）
所以過咗呢四年之後真係要好好地學識理財

作者: Cs618 時間: 24-7-2024 14:20

MoneyZero 發表於 24-7-2024 13:18
師兄唔好氣餒或者等丟淡啲時間耐少少
睇下同老婆有無得「猛」？你有冇小朋友先

我衰得太交關啦無得救㗎啦
我哋無小朋友

我係衰到keep住偷偷拎佢張信用卡套現仲要銀碼好大嚟還債
加上太遲先同佢坦白
佢覺得我呃佢太多年
對我好陌生

再者我走數改電話再之後舉手
佢就因為工作原因無得轉電話
可想而知佢受幾多恐嚇同騷擾

點解要佢一個女人仔去承受啲根本唔應該佢去承擔嘅痛苦
佢早排搵咗律師搞離婚
如無意外年底前就出絕對離婚令
只可以真心祝佢之後搵到個好男人

作者: bjerrykmc 時間: 24-7-2024 16:45

MoneyZero 發表於 24-7-2024 13:22
大家共勉之！

現階段我係輸哂啲面子（最開頭唔想搵朋友幫都冇辦法去到舉手前跑唔掂仲慘過乞丐咁搵朋友 ...

老友，面子唔值錢！全世界最值得駛值得改值得去愛護係你家人同會幫你渡過難關既好朋友！

作者: 天意玩弄人心 時間: 24-7-2024 17:02

Cs618 發表於 24-7-2024 09:55
巴打你好好彩老婆肯同你去捱
我就唔爭氣
一來無一早同老婆坦白

唔報警拉你咪算係咁。睇精神科無用去搵社工介賭先

作者: wasabi830 時間: 24-7-2024 17:11

Cs618 發表於 24-7-2024 13:09
我試過一星期入足七日最誇張果日入廿幾條入到唔好意思讓俾人再自己入過

但我最可惜嘅係改過太遲已經 ...

世事未必絕對既, 真係覺得對方好
再盡人事

作者: wasabi830 時間: 24-7-2024 17:12

bjerrykmc 發表於 24-7-2024 13:01
安x?
如果係你放心啦，佢哋見no.即停！

Thanks 師兄意見 , 呢幾日靜心等入紙

歡迎光臨破產聯盟 (http://hkiva.org/)